انا عربيتي بقالها بتاع اسبوعين ونص مش شغالة ومركونة تحت البيت انهاردة اخويا جية يشغلها مش راضيه تنطق
ياترى دا من ايه وايه الحل
عرض للطباعة
انا عربيتي بقالها بتاع اسبوعين ونص مش شغالة ومركونة تحت البيت انهاردة اخويا جية يشغلها مش راضيه تنطق
ياترى دا من ايه وايه الحل
غالبا بطاريه نامت
هات بطاريه تانيه وحاول تدور
جزاك الله خيرا يابشمهندس
الله يخليك
وبالتوفيق
البطاريه نايمه حاول تشحنها
السلام عليكم
يا جماعة انا حصل زى صاحب الموضوع ما قال العربية فضلت مدة مركونة واخدت وصلة من عربية تانيه والعربية بتاعتى دارات وكله تمام وعملت مشوار بيها بتاع تلت ساعه جيت ادورها بالليل برده ما درتش اخدت رحت اخدت البطارية وودتها للكهربائى وشحنها وغير المية بتعتها وقالى كده تمام المهم العربية دارت وبقت كويسة لحد نص ساعه وبطلت العربية وجيت بالليل ادروها تانى حصل نفس الموضوع
يا ريت يا جماعة حد يفيدنى ويقولى ايه السبب
1- ممكن تكون بطاريتك خلاص وجب تغييرها ( مبتقبلش شحن )
2- ممكن يكون شحن الدينامو ضعيف .....ولمبته مش حتنور برضه
لأنه بيشحن ......بس شحنه ضعيف
أبدأ برقم واحد الأول ....وأجرلك بطاريه يومين على ماتفصل بين عيب فى البطاريه أو عيب فى الدينامو
السلام عليكم ورحمه الله وبركاته
انا لى ملاحظات لانى لى تجربه فى موضوع البطاريات وبطاريتى نامت خالص ومن وجه نظرى انا السبب فى ذلك
اولا بطاريتى كانت جافه والقطاش الموجب كان سايب ومش عايز يتربط كويس
وكانت بتفقد شحن بعض الاعضاء والزملاء قالوا لى علشان تعرف ان بطاريتك بايظة اعمل الاتى امشى بيها مشوار كويس وقبل ما تتركها انزع القواطيش منها وركبها تانى ان اشتغلت يبقى بطاريتك كويسه والعيب فى الدينامو انه لا يشحن
بالفعل والخطا اللى وقعت فيه انى كنت انزع قطاش الموجب فقط وده كان بسبب جهلى اللى عرفت متأخرا مفروض علشان افصل الكهرباء نهائيا ولا اسبب مشاكل انزع القطاش السالب
كانت السيارة عندما اضع اركب القطاش كانت بتشتغل مره مع مره البطارية باظت نهائيا بسبب سوء تصرفى وبسبب ان فى الاصل كان القطاش الموجب مش مربط كويس وبالطبعا كان البطارية بقطاش سالب راكب ومن وجهه نظرى ده كان سبب فقدانى للبطارية
انا شاهدت فيلم صيانه للاهتمام بالبطارية كويس جدا سوف اشرحه لكم
اولا لو حبيب تدور سيارتك بوصله من سيارة اخرى اتبع الاتى حسب مافهمت
انتبه جيدا وانت بتوصل يجب ان تبدا التوصيل الموجب بالموجب الاول وبعد ذلك توصل السالب بالسالب ويتم اغلاق كل شىء بالسيارتين يعنى الانوار تطفيها ولو الكاسيت شغال تطفيه وتدور السيارة السليمه ثم ادارة السيارة فاقده الشحن
وعندما تدور السيارة العاطلة تبدا بفك الوصله السالبه الاول من السياراتان ثم الوصله الموجبه
عناية البطارية
لو صوابع البطارية والقواطيش مملحه اتبع الاتى
امسح الاملاح من على صوابع البطارية ثم بقطعه سنفره ناعمه جدا وسنفرة الصوابع
اغسل القواطيش اللمحه باى مزيل نظافه للاملاح وان لم يكن عندك زجاجه كوكا كولا لان ماده الكوكالا بتفور مع الاملاح وتنظفها وبفرشة خشنه نظف القواطيش وامسحها بكهنه
وابدا التركيب وتذكر جيدا ركب القطاش الموجب اللى لونه احمر الاول ثم اتبعه وركب القطاش السالب اللى لونه اسود
ضع بسيط من الشحم على القواطيش
كل ذلك يساعد على شحن البطارية من الدينامو وعدم فصل السيارة عند الدوارة
بالنسبه لاختيار بطارية جديدة بالنسبه لرأى الشخصى انا بفضل البطارية الجافه عن البطارية الاخرى حتى اريح دماغى من موضوع زياده المياه عندما تنقص اما بالنسبه للبطارية الجافه بقدر الاحظها بالعين المجرده لو عدسه البطارية خضرة البطارية مشحونه لو لونها اتغير الى الاسود تبقى البطارية محتاجه شحن فقط ولو لونها تغير للابيض تبقى انتهى عمرها الافتراضى
عدم حبى لبطارية المياه بسبب خروج الفايز منها وبهدلتها حول البطارية واكهلها للصاج الحامل البطارية
وبالنسبه لى لو البطاريات الاخرى مهما كان مركتها هتعمر معى سنتين والجافه هتقعد معى سنه ونصف هختار الجافه وريح دماغى
شكرا لجميع الاعضاء
انا متشكر جدا على سرعة ردكم بارك الهل فيكم
بالنسبة للبطارية انا لما اخدتها للكهربائى قالى البطارية زى الفل مفهاش اى حاجة وسليمة ممكن فعلا يكون السبب التانى انا حروح للكهربائى النهرده وحشوف حيقولى ايه بس لو طلع من الدينامو ممكن اعرف تكلفته حتبقا فى حدود كام مع العلم ان عربيتى فابيا 1400