Mba من جامعة إدنبرة

السلام عليكم

ان شاء الله انا عايز ادرس MBA تبع جامعة Edinburgh فى بريطانيا

انا كنت عايز ادرسها بنظام التعليم عن بعد Distance Learning , لكن المشكلة ان الشهادة هتجيلى من بره و مش هتكون معتمدة من المجلس الاعلى للجامعات

السؤال , هل دى تعتبر مشكلة , يعنى هل كده يبقى كأن الشهادة ملهاش لازمة فى مصر


مع العلم ان جامعة إدنبرة عاملة دراسة تبع جامعة عين شمس او الجامعة الامريكية و لكن اغلى , بس ساعتها بتعمل معادلة و بتاخد شهادة تانية من الجامعة اللى درست فيها و بتكون معتمدة من المجلس الاعلى للجامعات


موقع الجامعة :
Edinburgh Business School: Distance Learning MBA and Online Business Courses
Study Online MBA in Egypt : Edinburgh Business School


مع العلم ان الدراسة عن بعد تتكلف حوالى 40 الف جنيه

و الدراسة فى عين شمس تبع جامعة ادنبرة تتكلف حوالى 60 الف جنيه

و الدراسة فى الجامعة الامريكية تبع جامعة ادنبرة تتكلف حوالى 80 الف جنيه

بس نظام الدراسة انك بتاخد مادة مادة , عشان كده انا اخترت الجامعة دى ممكن اخلص الشهادة بعد 6 سنين مثلا ان شاء الله عشان التكلفة الكبيرة


يا ريت يا جماعة حد يقولى هل ان الشهادة تكون معتمدة من المجلس الاعلى للجامعات دى حاجة مهمة ؟ مع العلم ان انا ان شاء الله فى الغالب مش هشتغل فى مكان حكومى

يا سيدى الفاضل الاعتماد من المجلس الاعلى للجامعات يعتبر عديم القيمه ويساوى صفر كبير
فقط
فى حاله لو عاوز تخد دكتوراه من جامعة مصريه فتقول ليك ان الماجسير الى معاك مش معتمد
اما المجلس الاعلى للبتنجان بتاعنا الى بعتمد شهادات الجامعات النص كم الى عندنا اما الجامعات الانجليزيه فلا
طبعا المهم فى هذه الدراسه هو استفادتك الشخصية
وطبعا الفيمة السوقيه للشهاده ودى طبعا بتكون اعلى مع الجامعت الخارجية المحترمة واقل طبعا فى حالة الجامعات المصريه.