http://www.bmwra.org/otl/finaldrive/loads.jpg
متهيالي كده وضحت الصورة:S_thum1[1]:
http://www.bmwra.org/otl/finaldrive/loads.jpg
متهيالي كده وضحت الصورة:S_thum1[1]:
كده وضحت زى الشمس
بس أفهم من كده إن الكرونه أحسن وأأمن بس أعطاله ممكن تكون أكتر شوية ؟؟؟؟
و أنا لغاية دلوقتى ماشوفتش "ريس" كرونه فى الشارع خالص (طبعا أنا ماليش احتكاكات بالموتوسيكلات أنا بتكلم على اللى بشوفهم فى الشارع أصلى بصراحة هاويها أوى وباروح أتفرج عليهم بس مااتخافش باعد اسّمى والله :eee:)
بالعكس الكرونة اعطالها اقل كتير جدا من الجنزير
بس اهم حاجة تغير زيتها بانتظام
هو ياباشا الكرونا مميزتها ببساطة:
-قلة الصيانة
-انعم من الجنزير في الحركة
وعيوبها:
-وزنها اثقل
-طاقة ضائعة بسبب الكردان والتروس واستهلاك بنزين اعلي نسبيا.
-تكاليف تصليحها غالية ومحتاجة مختص في حالة الاهمال قي تغيير زيتها أو تسريب لزيتها مع عدم ملاحظته وعلاجه أو لا ي سبب من الاسباب زي عيب صناعة وخلوص زيادة في التروس زي كرونة العربية
الجنزير صوته أعلي شوية في الحركة ومحتاج تزيت كل 1000 كيلو بس علشان تاخد منه عمر ممتاز هو والتروس بسفي نفس الوقت تهديره للطاقة اقل بكتير وصيانةته اسهل وارخص بكتيييير واي حد عنده فكرة بسيطة يغيره هو والتروس ده غير انك تقدر تبدل معدلات التروس بسهولة لتغير الهورس باور والتورك علي ار بي ام مختلف زي ترس الرفع.
وعلشان كده بيستعملوه الجنزير في الريسينج بصفة عامة
ده غير كمان نسيت نقطة مهمة وهي ان الكردان من عيوبه لو مش مظبوط علي الشعرة أو اتفك لاي سبب من الاسباب ومتركيبش مظبوط بعلامات زي ماكان راكب في الاول بيعمل هزة غير عادية في جسم الدراجة كلها لأ نه بيبقي ليه ترصيص من المصنع علي الشعرة.
ألف مبروك يا بوكمال و عقبال رخصة القيادة
بس على الله متقلبوش مكروباظ هو كمان..........فاهمنى طبعاً
متنساش تحط شحم للكرونه انا كنت بروح محطة البنزين واحط شحم ليها بخليه يفك المسمار حتلاقيه موجود ناحية اليمين
خد بالك في مسمار للفايظ ده متجيش جمبه وفيه صموله ديه بيتحط فيها الشحن وحط شحم افضل وبيقعد فتره كبيره جد
متحطش زيت الكرونه مش حلو وبعد ما تشحم وتمشي ممكن تلاقي شوية شحم طالع من مسمار الفايظ عادي مش مهم
واللى اعرفه ان البايك بتاع المرور بيبقى على كرونه برضه