ابو صلاح ابن الناظر شكرا جزيلا على المساعدة في مرور السلام

كنت عملت موضوع عن اني هانقل مرور السلام
للاسف وبعد جهاد مرير وشرح وافي من الكثير من الاضاء
تم النقل واخدت النمر النهاردة
والحمد لله ان مفيهاش شتيمة ولا تريقة
ي ا ه
شكر خاص لكل الاخوة اللي ادوني دعمهم بالشرح والمعلومات
وشكر خاص لابو صلاح ابن الناظر
بجد الراجل ده قرفتة معايا على التليفون
وحافظ المرور لدرجة انه عارف اسماء الناس اللي على الشباك
والحمد لله مادفعتش اكراميات في الموضوع نهائي لاني كنت داخل مستحرم
غير مهندس الفحص بس وده اجباري طبعا

مرور السلام العن مرور على وجه الارض
الكلام غير اللي هاشوفوة او تشمه او تسمعة
وكله كوم
وشوية النصابين والافاقين اللي واقفين برة كوم تاني
مشهد لن يمحى من ذاكرتى
4 سيدات(لقب سيدات ده مجازي عشان التضاريس فقط)
ماسكين صاحب عربية 132 زرقاء قدام المرور وانا ماشي
مصممين ياخدو منه 15 حق الركنة قدام المرور
مع ان جراج المرور بعد الركنة بتاعتة ب 15 متر بس وب 175 قرش فقط
طبعا الراجل(اللي كان راجل)اتروق منهم
سنجفوووووووة
غير البلطجية والرحامية واللي يقولك اجيبلك مخالفات واللي يعمل معرفش ايه
وكلهم نصابين وحرامية

الحمد لله ان الواحد مش هايشوف الاشكال دي غير بعد 3 سنين
وربنا يستر وماتجيش مصيبة تستدعي فحص تاني
سؤال على جنب

رخصة قيادتي هاتخلص السنة الجاية
وانا كنت شبرا برضه وهاروح السلام
لازم اوديها السلام برضه
وليها اجرائات وامتحان برضه ولا ايه

نقل رخصة القيادة السارية يحتاج الى

1- شهادة بيانات لرخصة القيادة من المرور الحالي موجهة للمرور الجديد
2- شهادة مخالفات لرخصة القيادة من نيابة المرور الحالية
3- ثلاث صور شخصية

نقل رخصة القيادة المنتهية يحتاج الى

نفس المذكور أعلاه + شهادتين طبيتين (باطنة و نظر)

و يمكن التنازل عن المدة الباقية في الرخصة السارية اثناء النقل ..... يعني لو فاضل سنة بدل ما تنقلها بسنة انقلها بعشر سنين من الان بس في الحالة دي بتحتاج الاوراق بتاعة المنتهية مش السارية

طبعا انت معاك مهلة بس 30 يوم من الانتهاء .... بعدها بيشتروا و يبيعوا فيك .... يعني يفضل تظبط ورقك من قبل الانتهاء بشهر و تنجز


تطليع شهادة البيانات لرخصة القيادة برضه بيحتاج صور شخصية فماتنساش تعمل حسابك و تعمل حسابك على بتاع 10 نسخ من صورة البطاقة كمان بدل ما كل شوية يفسحوك

انت ايه اللي وداك هناك؟
ياراجل ده انت رئيس الجمهورية هنا يعني فاهم وعارف كل حاجة
انا عملت موضوع قبل كده عن مرور السلام وكنا بنلعن في سلسبيل امه لانه خارج نطاق الآدمية

اقتباس:

---

المشاركة الأصلية كتبت بواسطة karim_monir

كنت عملت موضوع عن اني هانقل مرور السلام
للاسف وبعد جهاد مرير وشرح وافي من الكثير من الاضاء
تم النقل واخدت النمر النهاردة
والحمد لله ان مفيهاش شتيمة ولا تريقة
ي ا ه
شكر خاص لكل الاخوة اللي ادوني دعمهم بالشرح والمعلومات
وشكر خاص لابو صلاح ابن الناظر
بجد الراجل ده قرفتة معايا على التليفون
وحافظ المرور لدرجة انه عارف اسماء الناس اللي على الشباك
والحمد لله مادفعتش اكراميات في الموضوع نهائي لاني كنت داخل مستحرم
غير مهندس الفحص بس وده اجباري طبعا

مرور السلام العن مرور على وجه الارض
الكلام غير اللي هاشوفوة او تشمه او تسمعة
وكله كوم
وشوية النصابين والافاقين اللي واقفين برة كوم تاني
مشهد لن يمحى من ذاكرتى
4 سيدات(لقب سيدات ده مجازي عشان التضاريس فقط)
ماسكين صاحب عربية 132 زرقاء قدام المرور وانا ماشي
مصممين ياخدو منه 15 حق الركنة قدام المرور
مع ان جراج المرور بعد الركنة بتاعتة ب 15 متر بس وب 175 قرش فقط
طبعا الراجل(اللي كان راجل)اتروق منهم
سنجفوووووووة
غير البلطجية والرحامية واللي يقولك اجيبلك مخالفات واللي يعمل معرفش ايه
وكلهم نصابين وحرامية

الحمد لله ان الواحد مش هايشوف الاشكال دي غير بعد 3 سنين
وربنا يستر وماتجيش مصيبة تستدعي فحص تاني
سؤال على جنب

رخصة قيادتي هاتخلص السنة الجاية
وانا كنت شبرا برضه وهاروح السلام
لازم اوديها السلام برضه
وليها اجرائات وامتحان برضه ولا ايه

---

اولا الف مبروك بس لو انت على الى انت بتحكلى علية فى مرور السلام يبئى انت كدة فى رحمة تعالى بئى عندنا مرور القليوبية
وانت تعرف الذل والقرف بجد انا مرة من المرات الى كنت رايح اعمل الرخصة وكان عندى امل انها تطلع المهم
واحد كان موجود معايا من الساعة 8.30 من قبل الموظفين نفسهم ما ييجوا جيت اعمل اختبار القيادة الساعة 11.30 او 12 كدة كان يعينى لسة عمال يتنطط من هنا لهنا مع ان الموظفين كلهم جنب بعض مفيش نص خطوة بس نقول اية الله يلعنهم

بص بقى يا باشا
علشان تنجز فى مرور السلام دة ومن غير اكراميات والقرف دة مفيش غير حل واحد وعن تجربة هيا كانت صدفة
انا والدى برة مصر
ورخصة العربية خلصت وطبعا مينفعش حد يجددها غير او بتوكيل منة
انا لسة مكملتش 21 سنة فمليش توكيل
المهم عمل توكيل لاختى
وروحنا المرور والحمد لله اول مرة يتم الانجاز بهذة الدرجة حتى الفحص الحمد لله المهندس مبصش على العربية اصلا وخلص كل حاجة.
والشباك كان رايق (السيدات طبعا مش الرجالة)
الدفع فى الخزنة سريع ولله الحمد

بس مبروك عليك الحروف انا اخدت برضة حروف مقبولة ( د ب ن)

والمشكلة الوحيدة اللى قابلتى العساكر اللى بتنزل تجيب الدوسية مبيجبوش حاجة ويقولك العربية ملهاش ورق
وتشتكى للظابط يقولك حاضر وهكذا فضلت اكتر من 1.30 واقف مستنى الدوسية ومفيش
وفى الاخر العسكرى يقولى تعالى بكرة وانا اجيبهولك شديت معاه قالة ملكش دوسية عندنا

طلعت التليفون كلمت واحد قريبى وحكيتة على اللى حصل قالى ادينى الظابط وبس على كدة
الدوسية جة فى اقل من 10 دقايق بعد المكالمة
بس بصراحة الظابط اللى اسمة شريف هو تقريبا رئيس وحدة الملاكى راجل محترم

انت بعد كدة ابقى اعمل توكيل لزوجت وانت بترخص

شكرا جزيلا وشكرا يا ابو كمال
نخليها السنة الجاية بقي
كفاية كدة على مرور السلام السنادي

الف مبروك على النمر الجديده

ألف مبروك وبصراحة أبو صلاح خدوم جدا وليه وقفات مع أعضاء كتير في المنتدى أنا أولهم

كريم
حبيب قلبي والله

الشكر لله ياباشا

وانا معملتش غير الواجب ويمكن اقل كمان

ورغم انك حظك كان سيء في اليوم اللي رحت فيه والكمبيوتر عطلان

بس انت اكيد طلعت بأقل الخسائر من هذا المرور اللعين

آه على فكرة انا اللي قلتلك على الجراج ابو 165 قرش يبقى لي عندك فرق الركنة بتاعة ال 15 ج

الخلاصة يا جماعة الدخول لمرور السلام محتاج شوية تكتيك وتجارب ومحاولات لتصل لافضل طريقة لتجاوز هذا القرف

الفضل اولا واخيرا لله
الحمد لله قدرت اطلع الرخصة بالظبط في ساعتين ونص دول كل اللي قضيتهم في المرور ده بس المشكلة انهم على يومين ما ينفعش على يوم واحد

وربنا يديم المعروف بينا يارب

اقتباس:

---

المشاركة الأصلية كتبت بواسطة yoko

ألف مبروك وبصراحة أبو صلاح خدوم جدا وليه وقفات مع أعضاء كتير في المنتدى أنا أولهم

---

شكرا يا احمد باشا

:120105~352:

استاذ كريم هو انت كنت النهارده في مرور عبود لأني كنت هناك النهارده وكنت بجدد وشفت واحد

شبهك تقريبا بس اتحرجت اني ارحله وأسأله علي اسمه

بس طلع عيني 4 ساعات يامحترم :I_angr1[1]::8954[1]:

45 دقيقه بعمل ورقه بالنظام الجديد للمخالفات

و5 دقايق لتجديد الرخصه + اكراميه 20 جنيه

وساعتين عقبال مااستعلمت واخدت شهادة براءة الذمه

وساعه وعشردقايق علشان استلم الرخصه

حاجه ومعامله غير أدميه بالمره والله انا كرهت العربيات بسب المرور ربنا يتوب علينا من الناس دول

لاء انا طلعت شهاردة المخالفات من اسبوعين
وفرحان قوي اني مادفعتش غير 73 جنيه في 3 سنين
في راشارة روكسي دفعت 50 جنية غرامة فامية بدل مايكتبلي فحص
مانا كنت كدة كدة رايح افحص :-)
عشان انا الازاز الخلفي كله دارك بلاك

أبو صلاح ابن الناظر هو جوكر المنتدى . ومن الاسباب الحقيقية لتمسكنا بيه
الكلام لا يوفيه حقه .................................................. ................................... المفروض نبلغ عليه أصلا !!!

مبروك يا كيمو ع النمر

وعلي فكرة سيبك م القرف ده كله......النمر اكيد عاجباك ( ياه ) ولو اتعكست ( هاي ).....مش بعيد كل شوية تلاقي حد بيشاورلك ويقولك هاي........هههههه

مبرووك يا كيمو

و لاتزعل نفسك خالص تعال شوف مرور حلوان الجميل عملت الرخصه على 3 مرات اه بجد اول يوم رحت الساعه 11 طفشت لما شفت المنظر تانى يوم رحت بدرى بقى 8:15 لحد ما شباك المخالفات فتح قالو ارجع يا حلو على المعادى هات المخالفات من هناك رحت و رجعت على 11 قلت حلو نكمل بقى و كنت اشتريت الورق كله فقلت مش مشكله اعمل الفحص ياواد و ربنا يكرم و تلحق عملت الفحص و فرحان قوى هوب الكمبيوتر عطلاان فى اليوم الثالث بقى برضه رحت 8:15 استنيت الشباك يفتح و كل الورق خلاصان بقى ساعه و اروح يعنى بس مين ده لحد 12:30 لما اخدت الرخصه . الغريب بقى هناك يوم ما جددت رخصة القياده فى المعادى اخدت حوالى 3 ساعات و اخدت الرخصه و روحت هناك بقى محافظة حلوان و هيا غالبا لا تتبع لوزارة الداخليه المصريه لان رخصه القياده هناك لازم فى يومين!!!!!!!!!!!!!!

اقتباس:

---

المشاركة الأصلية كتبت بواسطة abou_ruqi

أبو صلاح ابن الناظر هو جوكر المنتدى . ومن الاسباب الحقيقية لتمسكنا بيه
الكلام لا يوفيه حقه .................................................. ................................... المفروض نبلغ عليه أصلا !!!

---

إزاي جوكر ومتمسك بي

وعايز تبلغ عني ؟

:dontudear:

ده انت حبيبي يا خالد
متخلنيش اقلب على الوش التاني

:Ob_mak1[1]:

الف مبروك يا كريم على النمر الجديدة .... وربنا ييستر الحال

وبصراحه ابوصلاح من الناس اللي يعتمد عليها في المواقف دي .. يعني انا اذكر وقفته معايا وانا ببيع عربيتي اللي لولاه بعد ربنا مكنش عرفت اعمل حاجه

اقتباس:

---

المشاركة الأصلية كتبت بواسطة kh_talaat

الف مبروك يا كريم على النمر الجديدة .... وربنا ييستر الحال

وبصراحه ابوصلاح من الناس اللي يعتمد عليها في المواقف دي .. يعني انا اذكر وقفته معايا وانا ببيع عربيتي اللي لولاه بعد ربنا مكنش عرفت اعمل حاجه

---

ياباش العفو
دي تساهيل من عند ربنا

اقتباس:

---

المشاركة الأصلية كتبت بواسطة ahmed-moga

[b][size=4][color=black]
]
45 دقيقه بعمل ورقه بالنظام الجديد للمخالفات

---

معلش سؤال بره الموضوع يا استاذ أحمد

هوا فيه نظام جديد للمخالفات واللا ايه؟؟

اصي انا حاصلي حوار غريب كده فقلت اسالك

هههههههههههههههههههه ابو صلاح ابن الناظر........مش قادر ابطل ضحك

اقتباس:

---

المشاركة الأصلية كتبت بواسطة mrwho1982

هههههههههههههههههههه ابو صلاح ابن الناظر........مش قادر ابطل ضحك

---

خد راحتك يا باشا

ا:ma:

حمد لله على السلامة يا كريم ويا رب عقبال ترخيص ال s-class من مرور مكة المكرمة

اقتباس:

---

المشاركة الأصلية كتبت بواسطة dojuar

معلش سؤال بره الموضوع يا استاذ أحمد

هوا فيه نظام جديد للمخالفات واللا ايه؟؟

اصي انا حاصلي حوار غريب كده فقلت اسالك

---

ايوه ياباشا نظام جديد رخم زي اللي عمله الموضوع احنا كنا بنروح علي شباك الأستعلام عن

المخالفات وتسليم الرخص لأستخراج شهادة برائة الزمه وكل ده كان بارخصة العربيه فقط

دلوقتي لازم تجيب استمارتين من عند بتوع تصوير المستندات ب50قرش وتروح علي اي شباك من

بتوع التجديد وتديه الأستمارتين فايبعت يجيب الملف بتاعك وحلني لما يجي الملف من الأرشيف

وبعدين يكتبلك رقم اللوحات القديمه ورقم اللوحات اللي بالنظام الجديد وشوية بيانات عن العربيه في

استماره واحده فقط وبعدين تروح تختمها من مكتب سعادة الظابط وبعد كده تروح علي شباك نيابة

المرور اللي هو الأستعلام عن المخالفات ويعمل كشف علي اللوحات القديمه اذا كان عليها مخالفات

متأخره واضيفت لملفك بعد ماركبت اللوح اللي بالنظام الجديد مالقاش يدور علي المخالفات اللي علي

اللوح الجديده ملقاش يقلك اتفضل في الصالون خدلك واحد لمون لحد ماينادوا علي اسمك تقعدلك من

نص ساعه لحد ساعه وينادوا علي اسمك وتحضر في ايدك عشره جنيه مش عارف ليه كانت 5

جنيه معونة شتاء في عز الصيف والغريبه بيدولك وصل مكتوب فيه بالخط العريض خمسة جنيهات

قيمة رسوم لنيابة المرور ده النظام الجديد علشان يستقطعونا في 10.5 زياده حسبي الله ونعم الوكيل

فكرتنى ليه ؟؟؟؟؟؟؟؟؟؟؟ انا كمان رخصت العربيه خلصت النهارده وعندى فحص باردو بس مرور العجوزه الحمد لله لوززززز بس واقفه على يوم اجازه بقا لان يوم السبت ده بيكون زحمه جداااااااااا
وكمان عندى تجديد رخصه القياده بعد شهرين كله ورا بعضه

و1000 مليون مبروك انك خلصتها بدون اى تعب

عاوز بقا استفسر منك فى حاجه كده بخصوص الفاميه

من مشاركتك استنتجت ان مافيش والحمد لله مخالفه فاميه
انا اقدر اطلع رخصه زجاج فاميه خلفى وكل مخاوفى ان الرقم يتاخد وهى واقفه ........... عاوز اعرف فعلا ممكن تتحسب مخالفه دون ضبط السياره ؟

اقتباس:

---

المشاركة الأصلية كتبت بواسطة ahmed-moga

ايوه ياباشا نظام جديد رخم زي اللي عمله الموضوع احنا كنا بنروح علي شباك الأستعلام عن

المخالفات وتسليم الرخص لأستخراج شهادة برائة الزمه وكل ده كان بارخصة العربيه فقط

دلوقتي لازم تجيب استمارتين من عند بتوع تصوير المستندات ب50قرش وتروح علي اي شباك من

بتوع التجديد وتديه الأستمارتين فايبعت يجيب الملف بتاعك وحلني لما يجي الملف من الأرشيف

وبعدين يكتبلك رقم اللوحات القديمه ورقم اللوحات اللي بالنظام الجديد وشوية بيانات عن العربيه في

استماره واحده فقط وبعدين تروح تختمها من مكتب سعادة الظابط وبعد كده تروح علي شباك نيابة

المرور اللي هو الأستعلام عن المخالفات ويعمل كشف علي اللوحات القديمه اذا كان عليها مخالفات

متأخره واضيفت لملفك بعد ماركبت اللوح اللي بالنظام الجديد مالقاش يدور علي المخالفات اللي علي

اللوح الجديده ملقاش يقلك اتفضل في الصالون خدلك واحد لمون لحد ماينادوا علي اسمك تقعدلك من

نص ساعه لحد ساعه وينادوا علي اسمك وتحضر في ايدك عشره جنيه مش عارف ليه كانت 5

جنيه معونة شتاء في عز الصيف والغريبه بيدولك وصل مكتوب فيه بالخط العريض خمسة جنيهات

قيمة رسوم لنيابة المرور ده النظام الجديد علشان يستقطعونا في 10.5 زياده حسبي الله ونعم الوكيل

---

عشان كده مرور مدينة نصر باعتني لمرور اوسيم اللي انا مطلقه بالتلاته
اتاريهم رجعوه لزمتي تاني و انا مكنتش اعرف

شكرا على التوضيح

طيب ايه بقى اجراءات التغيير من لوح قديمة لجديدة ؟؟

اقتباس:

---

المشاركة الأصلية كتبت بواسطة karim_monir

شكرا جزيلا وشكرا يا ابو كمال
نخليها السنة الجاية بقي
كفاية كدة على مرور السلام السنادي

---

استاذ كريم انت مش ساكن فى النزهه الجديده مرحتش مرور النزهه فى الشيراتون ليه ده مرور ممتاز ومحترم جدا وقائد الوحده محترم جدا وممشى المرور زى الالف مافيش اكراميات ولا رشاوى ولا اى حاجه :b4_388:

الف مبروك يا كيمو ....

وجزيل الشكر لابو صلاح

كل تلات سنين وانت طيب وربنا يبعد عنك "الرحامية" .... :C_laugh[1]:

اقتباس:

---

المشاركة الأصلية كتبت بواسطة korkor

استاذ كريم انت مش ساكن فى النزهه الجديده مرحتش مرور النزهه فى الشيراتون ليه ده مرور ممتاز ومحترم جدا وقائد الوحده محترم جدا وممشى المرور زى الالف مافيش اكراميات ولا رشاوى ولا اى حاجه :b4_388:

---

لاء للاسف شغلي في النزهة لكني ساكن في جسر السويس وتابع لمرور السلام

اقتباس:

---

المشاركة الأصلية كتبت بواسطة ahmed_su

كل تلات سنين وانت طيب وربنا يبعد عنك "الرحامية" .... :C_laugh[1]:

---

شكلك ماتعرفش الرحامية ولا كبير الرحامية
امال صعيدي ازاي
اوعي يسمعك بقي حد من الرحامية :-):dontudear:

اقتباس:

---

المشاركة الأصلية كتبت بواسطة أحمد كمال

طيب ايه بقى اجراءات التغيير من لوح قديمة لجديدة ؟؟

---

هي هي نفس الأجراءات التجديد بس هتحل النمر القديمه وتسلمها وتدفع 120 رسوم النمر الجديده وتعمل حسابك في كام بريزه كبيره علشان تنجز