حد بتاع اكصدامات نضيف

**aaet1** · 30-05-2010 01:22 AM

السلام عليكم، عندى سيراتو لسه مالهاش معايا كام شهر وطبعا مع شوارعنا الجميلة الاكصدامات اتروقت وكنت عاوز حد من الاخوة يدلنى على حد بتاع اكصدامات كويس فى مدينة نصر أو مصر الجديدة أو الحدائق، عاوز اظبط الاكصدامات.
ياترا الحاجات دى بيعرفوا يظبطوها ويدوها نفس اللون ولا لأه .... معلش أصلى لسه جديد على موضوع الاكصدامات الفبر واللى بتبقى مية واحدة مع جسم العربية ... طول عمرى متعود على الاكصدامات الحديد بتاع العربيات القديمة اللى بتدخل فى الصخر :))

**gazzar91** · 30-05-2010 01:26 AM

في واحد عند محطة الكهرباء اللي في الجراج إسمه سعيد ملك الفيبر... و فيه جنبه بوهيجي نضيف برضه...
خليه يعملك مقايسة و طمني..... في رعاية الله

**alzwawy** · 30-05-2010 01:37 AM

نصيحه بلاش ترش حاجه العربيه مش هتبقي فبريكه

**gazzar91** · 30-05-2010 01:46 AM

المشاركة الأصلية كتبت بواسطة alzwawy

نصيحه بلاش ترش حاجه العربيه مش هتبقي فبريكه

ده بيعتمد على إذا كان الزميل جايب عربية ليه ولّا للسوق
أنا الناس بتقوللي ماترشش بس أنا إن شاء الله ناوي أرش و إحتمال أغير لون كمان..

**alzwawy** · 30-05-2010 01:57 AM

يعني ايه جايبها ليه و لا للسوق مش فاهمك

**gazzar91** · 30-05-2010 02:01 AM

يعني عاوز يحافظ على الـ Resale value بتاعتها علشان لما ييجي يغير ولّا العربية ناوي يكمل بيها كتير -إن شاء الله-.
بس لو بيمشي في شوارع وحشة يبقى بلاش رش بصراحة
في رعاية الله

**alzwawy** · 30-05-2010 02:06 AM

اكيد اي حد بعد فتره هيبيع ف سعر البيع هيقل جامد لو راشش

**aaet1** · 30-05-2010 02:26 AM

بصوا يا اخوانى بالنسبة لموضوع الرش وسعر العربية والكلام ده أنا واحد من الناس مش بقتنع بيه،
بمعنى انى مش هعذب نفسى وامشى بعربية مخبطة ومجرحة علشان لما آجى أغيرها سعرها ماينزلش كتير، وبالمناسبة الناس اللى زيى بقوا كتير، بمعنى ان نضافة العربية من برة حاجة وانها تكون عاملة حادثة جامدة لاقدر الله حاجة تانية وبتبان... لكن احنا ماشيين فى شوارع زبالة وعندى اقتناع ان الواحد كده زى مابيستحمى :)) لازم برضه العربية تستحمى وتبقى شكلها كويس كل فترة (عادة كل سنة)
ولو فكرت أبيعها هبيعها لواحد فاهم الكلام ده مش بيمشى ورا العادات البالية بتاعة مرشوشة ولا

المهم سيبكوا بقى من الكلام ده أنا عاوز أعرف بتوع الاكصدامات الكويسين فين، وبخصوص الراجل بتاع شركة الكهرباء اللى الأخ العزيز قال عليه، أى شركة كهرباء؟ مدينة نصر مثلا ولا ؟؟

تحياتى

**gazzar91** · 30-05-2010 02:41 AM

المشاركة الأصلية كتبت بواسطة aaet1

المهم سيبكوا بقى من الكلام ده أنا عاوز أعرف بتوع الاكصدامات الكويسين فين، وبخصوص الراجل بتاع شركة الكهرباء اللى الأخ العزيز قال عليه، أى شركة كهرباء؟ مدينة نصر مثلا ولا ؟؟

شركة الكهرباء اللي عند محطة الجراج اللي عند النزهة الجديدة

**NoRmAl** · 30-05-2010 07:50 AM

المشاركة الأصلية كتبت بواسطة aaet1

ولو فكرت أبيعها هبيعها لواحد فاهم الكلام ده مش بيمشى ورا العادات البالية بتاعة مرشوشة ولا

النوعيه دى من الناس مش موجوده :)
أنا مقتنع زيك لكن السوق بيخالف كلامنا
وأنا لازم أمشى زى السوق...مترشش
هو على أى حال أنت هترش الاكصدام
المهم الصاج

الموضوع: حد بتاع اكصدامات نضيف

LinkBack

أدوات الموضوع

عرض

-

-

-

-

-

-

-

-

المواضيع المتشابهه

مين أجمد واحد بتاع اكصدامات ؟

بتاع عدادات نضيف

يا جماعه عايز واحد نضيف بتاع تكيفات

حد بتاع اكصدامات

عايز بتاع زوايا نضيف

الكلمات الدلالية لهذا الموضوع

المفضلات

المفضلات

ضوابط المشاركة