توقعوا افضل دورة لأوتوماك في تاريخه , شوفوا المشاركين :)

دورة اوتوماك 2010 , كما توقعت المعرض هيبقى كبير و هيضم شركات و سيارات ممتازة

دي الشركات المشاركة في المعرض :

- فيراري
- بورشه
- مازيراتي
- جاجوار
- سبايكر ( عربيات رهيبة )
- بي ام دبليو
- لاند روفر
- سكودا
- سوزوكي
- سوبارو
- فيات
- سيتروين
- بريليانس
- كرايسلر
- كيا
- نيسان
- ميني كوبر
- دايهاتسو
- فولكس فاجن
- اوبل
- بيجو
- شيفروليه
- اودي
- رينو
- مازدا
- فورد
- هوندا
- تويوتا
- هيونداي


طبعا هنلاحظ اول خمس اسماء :) , مش هنتكلم عليهم كتير , دول نشوفهم بس هههههههه

و هنلاحظ ان في شركات مش بنشوفها في اي معارض و بدأت تظهر

زاى فيات و سيتروين و مازدا و كرايسلر

و للأسف الشديد ميتسوبيشي مش في المعرض برده


نيجي بقا للجزء التاني , العربيات الجديدة الفي المعرض :

- بورشه كايين الجديدة
- جاجوار xj الجديدة
- bmw الفئة الخامسة الجديدة
- فولكس فاجن توارج الجديدة
- هيونداي سوناتا الجديدة
- هيونداي جينيسيس كوبيه
- شيفروليه فولت الكهربائية (لااااااازم تتفرجوا عليها)
- مازيراتي جراند كابريو الجديدة
- بنتلي كونتيننتال سوبر سبورت
- فولكس فاجن بولو الجديدة
- اودي a5
- اودي a8
- سيارات سبايكر
- بيجو 3008

طبعا في عربيات تانية هتنزل جديدة , و لكن دول هما الافضل و العليهم العين

بصراحة القائمة مبشرة جدا , و الظاهر ان الشركات نازلة بتقلها


ملحوظة اخيرة الى عاشقي الموتويسكلات :

دوكاتي تسجل اول ظهور لها في مصر من خلال معرض اوتوماك , غير ان هوندا ايضا ستشارك ببعض من موديلاتها



يلا يا جماعة مستني ارآئكم :)

ما شاء الله شكله فعلا هيبقى معرض رائع كزياره :S_thum1[1]:

ومنيل بستين نيله كشغل :T_thum1[1]:

طب هي فولت هتبقى عرض بس ولا هتنزل
مع العلم انها نزلت امريكا بس ببنزين مش كهربائية

تفتكرو ممكن حجز و شراء موديلات 2011؟ ولا عرض بس؟

لو حد عايز يستمتع بالمعرض ويركب العربيات ويشوفها لازم يجى اول يوم المخصص للدعوات ال vip

لكن اى يوم تانى بتلاقى معظم العربيات مقفوله واكنك بتفرج عليها فى الشارع

يعتبر كل حاجه موجوده

اقتباس:

---

المشاركة الأصلية كتبت بواسطة ahmed nouh

ما شاء الله شكله فعلا هيبقى معرض رائع كزياره :s_thum1[1]:

ومنيل بستين نيله كشغل :t_thum1[1]:

---

ليه كدة بس :)

هو حضرتك اتفرجت على الشغل هناك ؟

و في سؤال لو سمحت , هو يوم الدعاوي هو يوم الاربعاء ولا الخميس ؟

يعني هل يوم الخميس دة يوم عادي ؟!

اقتباس:

---

المشاركة الأصلية كتبت بواسطة mahamedaraby

لو حد عايز يستمتع بالمعرض ويركب العربيات ويشوفها لازم يجى اول يوم المخصص للدعوات ال vip

لكن اى يوم تانى بتلاقى معظم العربيات مقفوله واكنك بتفرج عليها فى الشارع

---

للاسف هي دي الفكرة , الواحد نفسه يروح يوم الدعاوي , بس الدعاوي السنة دي صعبة اوي

اقتباس:

---

المشاركة الأصلية كتبت بواسطة aly_hosny

طب هي فولت هتبقى عرض بس ولا هتنزل
مع العلم انها نزلت امريكا بس ببنزين مش كهربائية

---

جديدة عليا حتة انها نزلة بنزين

بس صعب نعرف هتنزل مصر ولا عرض فقط

بس احتمال كبير تكون هتنزل , لأن لما تويوتا جابوا البريوس كانول فعلا هينزلوها مصر , بس تويوتا لغت فكرة الموتور ال1.6

اقتباس:

---

المشاركة الأصلية كتبت بواسطة hegazio

تفتكرو ممكن حجز و شراء موديلات 2011؟ ولا عرض بس؟

---

الموديلات الجديدة دي كلها نازلة على انها 2011 , فأظن ان توكيلات كتير هتنزل 2011 , بس ممكن يكون الاستلام كمان شهرين ولا حاجة

كيا سبورتاج ٢٠١١ الجديدة في اوتوماك

يا جماعه انا مستعد اشتري دعوات vip

وسعرها حيكون كام الدعاوي vip

تقريبا بيوصل سعرها ل200 و300 جنية

تذاكر الvip ببلاش , و بتتبعت لناس معينة

هل يوجد تواجد لبروتون بالمعرض..

اقتباس:

---

المشاركة الأصلية كتبت بواسطة kareem_a

تذاكر الvip ببلاش , و بتتبعت لناس معينة

---

ياباشا دية الدعاوى لكن فية تذاكر زيها بتتباع على مااعتقد

لازم يكون لنايل موتورز تواجد رسمي ضمن ال vip

اقتباس:

---

المشاركة الأصلية كتبت بواسطة semsem kane

ياباشا دية الدعاوى لكن فية تذاكر زيها بتتباع على مااعتقد

---

التذاكر في منها نوعين

واحدة ب30 جنيه و واحدة ب50 جنيه

الب50 تزيد انك مش هتقف في الطوابير و هتاخد خريطة للمعرض

اقتباس:

---

نيجي بقا للجزء التاني , العربيات الجديدة الفي المعرض :

- بورشه كايين الجديدة
- جاجوار xj الجديدة
- bmw الفئة الخامسة الجديدة
- فولكس فاجن توارج الجديدة
- هيونداي سوناتا الجديدة
- هيونداي جينيسيس كوبيه
- شيفروليه فولت الكهربائية (لااااااازم تتفرجوا عليها)
- مازيراتي جراند كابريو الجديدة
- بنتلي كونتيننتال سوبر سبورت
- فولكس فاجن بولو الجديدة
- اودي a5
- اودي a8
- سيارات سبايكر
- بيجو 3008

طبعا في عربيات تانية هتنزل جديدة , و لكن دول هما الافضل و العليهم العين

---

و فيه معلومة جديدة لسة طازة من توكيل تويوتا
الياريس 2010 هاتظهر في المعرض أن شاء الله و هاتكون 1500 سي سي مش 1300 و السعر أن شاء الله مفاجأة

تفتكروا ممكن لاسمح الله نشوف الF458 Italia؟
أو ال599 GTO؟
وبعدين أنا نفسي أعرف حاجة, احنا امتى هنلاقي concepts في معرض مصري؟ أنا مش هاقول طبعا زي جنيف ولا ديترويت... بس مش لازم كل معرض هم هم نفس عربيات كل سنة وجناح صيني و خلصت على كده.

اقتباس:

---

المشاركة الأصلية كتبت بواسطة د.محمود صلاح

لازم يكون لنايل موتورز تواجد رسمي ضمن ال vip

---

طبعا يا دكتور والحمد لله اتبعلى دعوتين vip ليوم الافتتاح وها اروح انا ويوكو ان شاء الله

كان فيه السنه اللي فاتت لعربيه كهربائيه مش فاكر تبع شركه ايه

اقتباس:

---

المشاركة الأصلية كتبت بواسطة damasry

طبعا يا دكتور والحمد لله اتبعلى دعوتين vip ليوم الافتتاح وها اروح انا ويوكو ان شاء الله

---

مينفعش الزق معاكم:Ob_mak1[1]:
هي الدعوه الواحده بتدخل كام شخص واحد و لا اتنين

فعلا شكل المعرض السنه دي هيبقي حكاية

اقتباس:

---

المشاركة الأصلية كتبت بواسطة SE_coralsea

و فيه معلومة جديدة لسة طازة من توكيل تويوتا
الياريس 2010 هاتظهر في المعرض أن شاء الله و هاتكون 1500 سي سي مش 1300 و السعر أن شاء الله مفاجأة

---

شكرا جزيلا على الاخبار الحلوة , بس يارب يكون السعر مفجأء بجد

اقتباس:

---

المشاركة الأصلية كتبت بواسطة Scuderia.M

تفتكروا ممكن لاسمح الله نشوف الF458 Italia؟
أو ال599 GTO؟
وبعدين أنا نفسي أعرف حاجة, احنا امتى هنلاقي concepts في معرض مصري؟ أنا مش هاقول طبعا زي جنيف ولا ديترويت... بس مش لازم كل معرض هم هم نفس عربيات كل سنة وجناح صيني و خلصت على كده.

---

الايطاليا صعب بس ممكن

ال599 احتمال كبير جدا تبقى موجودة , لأن هما مش بيجيبوا غيرها هي والF430

و بالنسبة لموضوع الconcepts فهو صعب جدا

لأن الشركات بتعرض الكونسبتس في المعارض العالم كله بيشوفها عشان تبين فكرتها عن مستقبل سياراتها و فكرها في الديزاين و الانتاج

فاكيد معرض في مصر مش هيبقى معرض دولي زاى الباقيين , غير ان التنظيم بيبقى قليل جدااااااااااا بالنسبة لمعارض بره , فبيبقى في خوف شديد جدا على العربيات دي لأن مش بيبقى في منها غير واحدة بس

اقتباس:

---

المشاركة الأصلية كتبت بواسطة damasry

طبعا يا دكتور والحمد لله اتبعلى دعوتين vip ليوم الافتتاح وها اروح انا ويوكو ان شاء الله

---

الدعاوي ليوم الاربعاء و الخميس ؟

اقتباس:

---

المشاركة الأصلية كتبت بواسطة crazylambada

مينفعش الزق معاكم:ob_mak1[1]:
هي الدعوه الواحده بتدخل كام شخص واحد و لا اتنين

---

والله يا باشا لو ينفع اكيد مش ها اتأخر، ها اراجع على الدعوة ولو ينفع لاتنين ها اقولك

تمام يا باشا معلش انا برخم :)

اقتباس:

---

المشاركة الأصلية كتبت بواسطة kareem_a

الدعاوي ليوم الاربعاء و الخميس ؟

---

يا باشا المعرض يوم الخميس، يوم الافتتاح يوم الخميس واول يوم للجمهور يوم الجمعة

اقتباس:

---

المشاركة الأصلية كتبت بواسطة damasry

يا باشا المعرض يوم الخميس، يوم الافتتاح يوم الخميس واول يوم للجمهور يوم الجمعة

---

ياريت يا باشا تتأكد , عشان على جروب المعرض على الفيس بوك كان في حد بيسأل لو في تذاكر يوم الخميس و قالوا ان في

و قالوا ان حفلة اليوم القبليه ميخشش غير الدعاوي

اقتباس:

---

المشاركة الأصلية كتبت بواسطة kareem_a

ياريت يا باشا تتأكد , عشان على جروب المعرض على الفيس بوك كان في حد بيسأل لو في تذاكر يوم الخميس و قالوا ان في

و قالوا ان حفلة اليوم القبليه ميخشش غير الدعاوي

---

مظبوط كلامك، الحفلة يوم الاربعاء ويوم الخميس الجمهور

اقتباس:

---

المشاركة الأصلية كتبت بواسطة Kareem_A

الايطاليا صعب بس ممكن

ال599 احتمال كبير جدا تبقى موجودة , لأن هما مش بيجيبوا غيرها هي والF430

و بالنسبة لموضوع الconcepts فهو صعب جدا

لأن الشركات بتعرض الكونسبتس في المعارض العالم كله بيشوفها عشان تبين فكرتها عن مستقبل سياراتها و فكرها في الديزاين و الانتاج

فاكيد معرض في مصر مش هيبقى معرض دولي زاى الباقيين , غير ان التنظيم بيبقى قليل جدااااااااااا بالنسبة لمعارض بره , فبيبقى في خوف شديد جدا على العربيات دي لأن مش بيبقى في منها غير واحدة بس

---

أنا قصدي عال 599 GTO مش ال GTB القديمة. وأظن إنه مينفعش إنهم يجيبه الF430 ولا599 GTB عشان خلاص انتاجهم وقف. وصعب قوي يجيبه الF458 ف مفيش باقي غير الCalifornia. أكيد أحسن من مفيش :mahf(5):

بالنسبة للConcepts, بلاش concepts.. حتى يبقى في عربية موديل جديد تتقدم عندنا... زي مثلا BMW تكشف عن الفئة الخمسة الجديدة في معرض شنجهاي, Ferrari قدمت الF458 في معرض جنيف..مثلا أنا مش عارف كل عربية اتقدمت فين بالضبط.... ف نفسي تبقى في حاجة عندنا. أي حاجة :F_eyeb1[1]:

سبايكر اعتقد شركة هولندية بتصنع سيارات سرعية جدا اشكلها غربية جدا
متنفعش في مصر خاااالص

اقتباس:

---

المشاركة الأصلية كتبت بواسطة badblood

سبايكر اعتقد شركة هولندية بتصنع سيارات سرعية جدا اشكلها غربية جدا
متنفعش في مصر خاااالص

---

توكيلها هو توكيل فولكس فاجن

و طبعا متنفعش في مصر :)

بس العربيات شكلها رهيب من جوة و من بره

انا هعيط ، اخيراً هشوف حبيبة قلبي سبايكر !!

اقتباس:

---

سبايكر اعتقد شركة هولندية بتصنع سيارات سرعية جدا اشكلها غربية جدا
متنفعش في مصر خاااالص

---

ايوه سبايكر هولنديه تصنع يدوياً وتدجج بمواتير اودي واجمل حاجه فيها مرايتها :O_stupid[1]:

الخبر المقرف اني كان ممكن اجيب vip بس عندي امتحان غبي يوم السبت :I_angr1[1]:

اقتباس:

---

المشاركة الأصلية كتبت بواسطة kareem_a

ليه كدة بس :)

هو حضرتك اتفرجت على الشغل هناك ؟

و في سؤال لو سمحت , هو يوم الدعاوي هو يوم الاربعاء ولا الخميس ؟

يعني هل يوم الخميس دة يوم عادي ؟!


للاسف هي دي الفكرة , الواحد نفسه يروح يوم الدعاوي , بس الدعاوي السنة دي صعبة اوي

---

لا مدخلتش واساسا نص المعرض لحد يومنا هذا مش هتلاقى عمل حاجه اللى انت شايفه ده كله من ديكورات عاده بيخلص فى يوم ما قبل المعرض ولحد وصول الزوار بيبقى لسه فى شغل فى الاجنحه

يوم الدعوات هيبقى الاربعاء ان شاء الله

وخلى بالكم يا جماعه فى نوعين من الدعوات , فى دعوه vip دى مش هتدخلك فى اول يوم ده دى دعوه تدخل بيها بعد كدا بس من غير تذكره

وفى دعوه تانيه ليوم الافتتاح وهتلاقيها كبيره وجايه فى ظرف وبتاع هى دى بتاعت يوم الافتتاح علشان محدش يروح ويتسوح