| تسجيل عضوية جديدة | استرجاع كلمة المرور ؟
Follow us on Twitter Follow us on Facebook Watch us on YouTube
صفحة 1 من 2 1 2 الأخيرةالأخيرة
النتائج 1 إلى 10 من 15

  1. #1

    الصورة الرمزية ahmedbndk

    رقم العضوية : 44430

    تاريخ التسجيل : 03Aug2009

    المشاركات : 43

    النوع : ذكر

    الاقامة : EL-REHAB

    السيارة: yaris

    السيارة[2]: lanous

    دراجة بخارية: no

    الحالة : ahmedbndk غير متواجد حالياً

    Lightbulb للإفادة فقط مميزات وعيوب ال m11 (على ملاك السيارة المشاركة للأهمية) - Facebook Twitter whatsapp انشر الموضوع فى :

    hasad">

    السلام عليكم ورحمة الله وبركاته
    أعلم أن الكثيرين تكلموا فى عيوب ومميزات ال m11 لكن الكلام بقى كتير والناس اتلخبطت وأصبح من يرغب فى شراء السيارة لا يعرف هل هى سيارة جيدة أم لا
    وحتى نفيد بعضنا البعض قررت طرح هذا الموضوع وأرجو من الأخوة الأعزاء الألتزام بالاتى (حتى نحقق الغرض ونفيد الجميع ) :
    1- جميع من يملك السيارة ال m11 يجب عليهم المشاركة
    2- عدم الدخول فى مهاترات وردود لا تفيد نريد من كل واحد منا أن يعرض وجهة نظره الشخصية وتجربتة العملية بالنسبة للميزات والعيوب
    3-على كل من يبدى الرأى أن يوضح لنا سابق خبرته فى السواقه من حيث (عدد سنين السواقه بالأضافة الى السيارات التى ركبها من قبل)
    4- هل السيارة يتم ركوبها بصفة مستمرة أم على فترات والمقصد من السؤال هل هى ملك خاص لك أم أنه يشاركك أحد فى ركوبها (بالبلدى كده رجليك فيها على طول أم على فترات)
    سأبدأ بنفسى لتقديم النموذج المطلوب فى ابداء الرأى

    1- عدد سنوات السواقة 8 سنوات
    2- السيارات التى تعاملت معها من قبل ( لانوس- فيات 128 - شاهين - ياريس )
    3- بالنسبة للسيارة فهى ملك لوالدى ولذلك فأن ركوبى لها يكون على فترات

    - بالنسبةم للميزات من وجهة نظرى
    1-تصميم خارجى رائع يجذبك إلى السيارة بشدة بينما التصميم الداخلى فهو أروع من الخارجى وأعتقد أنها أجمل من العديد والعديد من سيارات عديدة ( صالونها أجمل من الصنى, اللانسر , اليارس , الالنترا,الانوس, الاكسنت , الافيو , الاوبترا)
    2- كرسى السيارة ممتع للغاية فى الركوب والسواقة فيشعرك أن السيارة فارهة للغاية (وكأنك أحد البشوات بتوع زمان )
    3-ثبات السيارة على الطريق أكثر من رائعة
    4- الفرامل جيدة جدا
    5- سحب السيارة ممتاز وخاصة مع تشغيل التكييف لا يشعرك بأى فرق لقوة موتور السيارة 1600 cc &
    118 hp
    6-قوة التكييف غير طبيعية وكأنه تكييف خليجى وليس لمصر

    -بالنسبة للعيوب
    1- مع أى ريجة فى ألارض أو أرض غير ممهدة تشعر بوجود صوت أسفل السيارة من الأمام كأن المساع بيخبط أو الوصف الأدق أكن حاجة بتلؤ أو أكن حاجة مفكوكة
    ( التوكيل بيقول أن هذا ليس عيبا وأن ذلك يحدث نتيجة أن المساعد غاز وليس زيت) هذا هو رأى التوكيل لكن فى الحقيقة أنا غير مقتنع بهذا الكلام ولكن للأمانة ليس عندى الخبرة الكافية للحكم على هذا الكلام ولكن بسبب أنى ركبت اللاانوس والمفترض أنها نفس نوع المساعد غاز ولكن عمرى ما سمعت هذه الأصوات لذلك فأنا أميل أكثر إلى عدم تصديق التوكيل وأنهم كذابين)
    2-صوت الموتور عالى نسبيا
    وأشكر الجميع مقدما على المشاركة والالتزام بالغرض من طرح الموضوع
    أخوكم م/أحمد شعبان


  2. #2

    الصورة الرمزية ahmedbndk

    رقم العضوية : 44430

    تاريخ التسجيل : 03Aug2009

    المشاركات : 43

    النوع : ذكر

    الاقامة : EL-REHAB

    السيارة: yaris

    السيارة[2]: lanous

    دراجة بخارية: no

    الحالة : ahmedbndk غير متواجد حالياً

    افتراضي لا للبخل -

    نداء الى عمالقة ال m11 من أمثال هيما وباقى الأعضاء بعدم البخل بالمشاركة حتى نحقق الأفادة للجميع أنا ملاحظ أن هناك 20 واد قرأو الموضوع بدون المشاركة برجاء عدم البخل على باقى الأعضاء حتى نستفيد جميعا


  3. #3

    الصورة الرمزية ahmeddarhos

    رقم العضوية : 17815

    تاريخ التسجيل : 03Sep2008

    المشاركات : 165

    النوع : ذكر

    الاقامة : King Faisal st. Giza

    السيارة: nothing

    السيارة[2]: Speranza M11

    دراجة بخارية: no

    الحالة : ahmeddarhos غير متواجد حالياً

    افتراضي -

    استعنا على الشقا بالله....
    بص يا باشا...
    أنا بأسوق من 8 سنين.. و هى عربية واحدة اللى عندنا لانوس 2001... و الأم 11 دى أول عربية خاصة بى و أنا اللى سايقها على طول و عاملة دلوقت 13600كم..

    المميزات...
    1- تصميم خارجى تحفة.... تصميم داخلى فى منتهى الشياكة.. و خصوصا تابلوه العربية بحب شكله جدا..
    2- سواقة مريحة جدا.. سحب رائع.. ثبات ممتاز على السرعات العالية و فى الملفات..
    3-مجموعة من الأوبشنز تحسسك انك مش ناقصك حاجة فى العربية (غير انها تكون أوتوماتيك)..
    4- فرامل يعتمد عليها..

    العيوب..
    1- استهلاك بنزين عالى الى حد ما.. ( الصفيحة بتعمل من 200 الى 220 كم)..
    2- وجود صوت صوصوة بالعفشة مجهول المصدر والهوية ( بييجى من الخلف على اليمين).. و مش عارفين يعالجوه فى التوكيل..
    3- وجود صوت رجرجة فى الأزاز بتاع الأبواب و بيكون ظاهر جدا فى الطرق غير الممهدة.. (الصوت ده بيحسسنى انى راكب ميكروباص قديم)..
    4- وجود صفارة فى الفرامل تحتاج لتنضيف التيل باستمرار.... و بترجع تانى بعد اسبوع
    5- وجود مشاكل فى دينامو العربية و تم تغييرة بعد ما وقفت قصاد البيت يومين زى التمثال...
    6- وجود سكة أو تصقيف فى الموتور على الاول.. و بيقولوا الحكاية دى خطر على الموتور ( و أنا بصراحة مش عارف اذا كانت خطر ولا لأ)...
    7- توكيل زباااااااااااااااااااالة.. ..


    كل دى ارائى الشخصية بعد سواقة مستمرة للعربية لمدة 6 شهور متصلة... و التى قد تختلف مع رأى الأعضاء الأفاضل..

    و لو الزمان رجع بى ...عمرى ما هأشترى العربية دى تانى..
    و الحمد لله الذى لا يحمد على مكروة سواه...


  4. #4

    الصورة الرمزية bronze

    رقم العضوية : 3808

    تاريخ التسجيل : 23Dec2007

    المشاركات : 60

    النوع : ذكر

    الاقامة : شبين الكوم

    السيارة: كله بأمره

    السيارة[2]: M11

    الحالة : bronze غير متواجد حالياً

    افتراضي -

    السلام عليكم و رحمة الله

    أمري لله, أبتدي أنا و ربنا يستر علي اللي هيحصللي

    - أنا بأسوق من أكتر من 20 سنه
    - سوقت (بيجو 504, 128, لانوس. ريجاتا, تمبرا. برافا, تيدا و كرولا 2009)
    - أنا مهندس صيانة سيارات في شركة كبيره (300 سياره في الموقع اللي أنا فيه)
    - السياره M11 خاصه بي
    - السياره من بره شكلها شيك جدا في رأيي
    - الصالون من جوه شيك جدا و مريح. لكن يعيبه لون الفرش الفاتح (بيج) و خصوصا للي عنده أطفال زي حالاتي.كمان الكنبه الخلفيه مش واسعه أوي
    - إرتفاع السياره عن الأرض ممتاز (محكتش معايا في اي مطب و الحمد لله)
    - الكماليات اللي في العربيه ممتازهز
    - السياره ثابته في الملفات حتى على السرعات
    - صوت الكركره اللي بيحصل في أول طلعة العربيه أو لما تدوس بنزين بعد تهدية مطب على التاني (موضوع تسقيف و لا دبياج -ربنا يجعل كلامنا خفيف على الهدنه). من ساعة ما ضبط رجلي والمشكله إختفت
    - سحب المحرك فوق الممتاز (الغيار فوق 2000-2500 rpm زي معظم المحركات الحديثه التكنولوجبا)
    - في رأيي أحسن إختيار في حدود سعرها


  5. #5

    الصورة الرمزية drmoag

    رقم العضوية : 59727

    تاريخ التسجيل : 23Jan2010

    المشاركات : 38

    النوع : ذكر

    الاقامة : cairo

    السيارة: speranza A113

    السيارة[2]: speranza tiggo 1600

    الحالة : drmoag غير متواجد حالياً

    افتراضي -

    يا جدعان جننتونا نشترى و لا لا انا بجد محتااااااااااااااار زوجتى معاها سبرانزا a113 و ممتازة مفيش منها اى مشاكل و عاملة 5000 كيلو بقالها 10 شهور تقريبا و كماليات روعة انا معايا لانوس 1999 و بعتها و بفكر اجيب 516 ولا m11ولا تيجو طبعا كله هيقول تيجو بس التيجو دى مرتبطة بظروف فلوس معينة تجبلى لو مجتش يبقى الاولى يا التانية اعمل ايه بجد معايا فى حدود ال 75 الف ساعدونا افادكم الله


  6. #6

    الصورة الرمزية aftr

    رقم العضوية : 26598

    تاريخ التسجيل : 01Dec2008

    المشاركات : 1,426

    النوع : ذكر

    الاقامة : الزقازيق

    السيارة: no

    السيارة[2]: الحمدلله على كل شئ

    دراجة بخارية: Tvs. 180 cc rtr

    الحالة : aftr غير متواجد حالياً

    افتراضي -

    يامسهل بص ياسيدى انا معايه العربيه ومشغلها نظام تاجير وزفف والحمد لله كل الى ركب العربيه شكر فيها وعلى فكره موجو د النترا -ولانسر الاقرش-وافيو-ولانوس-وسيراتو-بس من ساعت ماجبت العربيه m11الاقبال عليها كتير هيه والسيراتو ويمكن بتطلع اكتر من السيراتو والله النا س الى بتخدها خدتها اكثر من مره والحمد لله وبصراحه ومحدش يزعل من ملاك الافيو-واللانوس -والالنترا --بصراحه افضل فى الشكل والثبات وعلى فكره والله مش انا الى بقول الى ركبو العربيه بس بصراحه الحاجه الى خايف منها قطع الغيار لو انتشرت انسى العربيه دى وياريت مكنش طولت عليك سلام


  7. #7

    الصورة الرمزية hemaa_82

    رقم العضوية : 36962

    تاريخ التسجيل : 31Mar2009

    المشاركات : 2,315

    النوع : ذكر

    الاقامة : Zaton

    السيارة: ما قولنا كله من نعم الله و الحمد لله

    السيارة[2]: كله من نعم الله

    دراجة بخارية: never

    الحالة : hemaa_82 غير متواجد حالياً

    افتراضي -

    اقتباس المشاركة الأصلية كتبت بواسطة ahmedbndk مشاهدة المشاركة
    نداء الى عمالقة ال m11 من أمثال هيما وباقى الأعضاء بعدم البخل بالمشاركة حتى نحقق الأفادة للجميع أنا ملاحظ أن هناك 20 واد قرأو الموضوع بدون المشاركة برجاء عدم البخل على باقى الأعضاء حتى نستفيد جميعا

    عمالقة مين يا مولانا ... اخجلتم تواضعنا .......كلنا اخوات و زي بعض :)

    اسف علي التأخير ... بس كنت في الساحل الشمالي و لسة راجع امبارح مساءا ...حتي وانا راجع و من بعد الرست ببتاع 30 كيلو لقيت واحد m11 و فضلنا ماشيين مع بعض بقيت الصحراوي لحد البوابات ......
    سلام للاخ اللي كان علي الصحراوي امبارح لو كان من قراء نايل موتورز :)


    نتكلم للعربية بقي .....

    في حدود تجربتي انا .....
    المساوئ :-

    شكمان بيزن "هيتغير علي الضمان"
    طنابير ضعيفة و تيل سئ" الطنابير علي الضمان بس التيل مهلكات "
    فرش فاتح"بيتوسخ بسرعة "
    ناقصة سماعتين "6 مش 8 زي الدعايا الغلط"

    اما بالنسبة للنقط التانية زي:-

    1.استهلاك بنزين عالى الى حد ما.. ( الصفيحة بتعمل من 200 الى 220 كم).....
    فانا راجع امبارح 240 كيلو بحوالي 16 لتر بنزين ....... العربية لحد 3500 لفة للمتور مبتهدرش بنزين ... الفكرة ان الاستهلاك لا يتم حسابه في سواقة وسط البلد ....
    امشي علي اي سرعة بس في طرق مفتوحة و احكم .....
    انا بفول العربية مرة كل 12 يوم "57 لتر" و بعمل متوسط في اليوم 55 كيلو داخل القاهرة .... بروح الشغل في 15 دقيقة و بروح نفس المشوار في ساعة و نصف
    يعني 16 لتر عملوا 240 كيلو صحراوي = 15 كيلو للتر
    57 لتر عملوا 650 كيلو داخل البلد = 11 كيلو للتر تقريبا


    2.وجود صوت صوصوة بالعفشة مجهول المصدر والهوية ( بييجى من الخلف على اليمين).. و مش عارفين يعالجوه فى التوكيل..
    لما بيربطوها بزمة بتروح ..... ربط برة علشان كلهم في التوكيل "الا من رحم ربي" عايزين الحرة بجاز وسخ.... و اغسل العربية من تحت كل فترة ... و يا سلام لو مع الغسيل تشحمها حتي لو بشحم اسبراي ....

    3.وجود صوت رجرجة فى الأزاز بتاع الأبواب و بيكون ظاهر جدا فى الطرق غير الممهدة.. (الصوت ده بيحسسنى انى راكب ميكروباص قديم)..
    طول ما الزجاج نضيف و مفيش تراب او رمل في الكاوتش عندي بتكون ملهاش ولا نفس ..... بس لما العربية بتتردم تراب و تفتح و تقفل الازاز بطلع صوت مع الفتح و القفل مش و هوه ثابت ... الحمد لله ....
    انا لسه غاسلها بايدي في الساحل جنب الشاليه ... و راشش مياة علي مجاري الزجاج من جوة و من برة و منضف الكاوتش بتاعه بحتة قطن و مدخلها في كل المزانق و بجد كأن العربية لسة واقفة في المعرض و الزجاج ملوش حس ....
    بس برضه نرجع نقول ان طالما الكاوتش بتاع التقفيل مصري يبقي ممكن يكون في لوطات شغل كان كاوتشها ناشف و ده يعمل اللي بيشتكي منه اخوانا .

    4. وجود مشاكل فى دينامو العربية و تم تغييرة بعد ما وقفت قصاد البيت يومين زى التمثال...
    لسة الحمد لله محصلتليش

    5. وجود سكة أو تصقيف فى الموتور على الاول.. و بيقولوا الحكاية دى خطر على الموتور ( و أنا بصراحة مش عارف اذا كانت خطر ولا لأ)...
    دي بقي معمول لها مواضييييييييييييييييييييي يييع منفصله و لا يجوز الكلا فيها منعا للزعل .... بس لسه مستنين تصرف الوكيل مع الاخوة الشاكين .... بس الحمد لله معايا الدنيا مزبوطة

    6. توكيل زباااااااااااااااااااالة.. ..
    انا بتعامل مع ابو غالي طمان باي .... والله مش وحشين بالمقارنة بخواتهم ... بس اكيد في توكيلات احسن ....

    7.
    مع أى ريجة فى ألارض أو أرض غير ممهدة تشعر بوجود صوت أسفل السيارة من الأمام كأن المساع بيخبط أو الوصف الأدق أكن حاجة بتلؤ أو أكن حاجة مفكوكة
    الحمد له مفيش ..الا لو ماشي بسرعة زايدة في طريق متبهدل خالص .... انما عين القط و المطبات اللي مكان مواسير الغاز و الكسور اللي في الشوارع مبطلعش صوت ....
    ممكن تهبد في مطبات طبعا بس اللي هيه اي عربية هتهبد فيها ... يعني مش اوحش السبكترا ولا الاوكتافيا .... بالعكس ممكن علشان لسه جديدة بحسها اهدي من الاوكتافيا بتاعت جوز خالتي

    اما المزايا بقي :-

    اوبشن فعلا فظيع .... كل اللي ناقصها ايه؟؟؟

    1. مرايات ضم كهربا
    2. باركنج سنسور
    3. ملتي فنكشن
    4. ESP تحكم الكتروني في الثبات
    5. فرش جلد
    6. زينون
    7.فتحة سقف
    8.DVD
    9.اير باجز
    10. و يا سلام بقي لو كانت بطير او تعوم او تمشي علي الحيطة علشان اللوجان متقرفناش :)

    انما العربية شكل ايه و اداء ايه و سرعة ايه و و بجد ربنا يبارك للجميع من ملاكها او من ملاك اي عربيات

    انما غير دول كله موجود .....
    و علي فكرة بسعرها بالنسبة لأداءها و كماليتها و خلال 8 شهور استخدام و 11 الف كيلو ..... مفيش عربية تتقارن بيها .....
    ولو اتكرر الزمن , و الله العظيم " ولا ليكو عليا حلفان" مجيب غير نقاوة ولا ارضي ليها بديل " الا لو سيفيك او بي اماية لان دول احلامي .. ربنا يحقق احلامنا جميعا ان شاء الله "

    البريبئ اتخرم و عايزيين بريبئ جديد


  8. #8

    الصورة الرمزية hamada_71

    رقم العضوية : 57887

    تاريخ التسجيل : 04Jan2010

    المشاركات : 26

    النوع : ذكر

    الاقامة : Ismailia

    السيارة: إم 11

    السيارة[2]: فيورا

    دراجة بخارية: --

    الحالة : hamada_71 غير متواجد حالياً

    افتراضي -

    كنت مستني كلام Hemaa
    أن العربيه معايا بقالها شهرين ونص
    وأنا بسوق بقالي 20 سنه رسمي (ولو جيت للحق 25)
    سقت قبل كده 124 وبولونيز وBMW و جاجوار بس مره واحدة وكانت أول مره أسوق أوتوماتيك
    وأول عربية بتاعتي كانت فيورا (سوبر فيورا)
    المزايا: بصراحة العربية بسم الله ما شاء الله ممتازة
    شكل خارجي وصالون وتابلوه
    والكراسي ممتازة (ولو أني غلطت غلطه عمري وكسيت الكراسي جلد بس مش بتاعها فبقت مش زي الأول)
    بصراحة بقيت عامل زي إبني الصغير بأتلكك علشان أروح بيها مشاوير.
    التكييف مابتحسش إن له أي تأثير على سحب العربية ويمكن كمان على استهلاك البنزين

    المشاكل:
    مشكلة تخبيط الزجاج
    مشكلة التسقيف (بس دي 100% ضبطة رجل) ودي الحمد لله راحت معايا دلوقتي
    أكلت بيها حفرة جامده شوية عملت لي خبطة في الجنط الأمامي
    ناقصها فتيس أوتوماتيك

    موضوع الأصوات اللي بتخبط واللي بتزيق والكلام ده الحمد لله مافيش عندي حاجة منها

    بصراحة لو ناوي تشتري توكل على الله

    وبعدين قبل أي خطوة صلي إستخارة
    أنا لما كنت ناوي أشتري عربية صليت الإستخارة على إني أجيب صنى وفجأة لقيت إتجاهي تحول 180 درجة لل إم 11 برغم إن زوجتي مابتحبش الحاجات الصيني بس دلوقتي بتموت في العربية دي (على فكره هي بتسوقها أكتر مني لأني بروح الشغل بعربية الشركة ومابرجعش قبل الساعة 6)
    معلش إتكلمت كتير بس بصراحة بحب العربية دي وبحب أتكلم عليها
    سلام


  9. #9

    الصورة الرمزية waolaa

    رقم العضوية : 68678

    تاريخ التسجيل : 23Apr2010

    المشاركات : 4

    الحالة : waolaa غير متواجد حالياً

    افتراضي -

    السلام عليكم ورحمة الله وبركاته
    جزيل الشكر لكافة المشاركين بالرأى عن الـm11 وطبعاً مش عايز أقولكم أنا محتار أد أيه بسبب العربية دى لأن كل شئ فيها جميل وبعد ما كنت نازل أشتريها خلاص ولاد الحلال طلعوا فيها القطط الفطسانة وقرفونى منها وفعلا لغاية دلوقتى قاعد من عربية بقالى شهر لأنها مخيشه فى دماغى وعجبانى جدا بس ماضحكش عليكو فعلا أنا قلقان من خوازيق التقفيل المحلى والتوكيل الزبااااااااااااااااااااا اااااااااااااااالة .. أفيدونى أفادكم الله


  10. #10

    الصورة الرمزية hemaa_82

    رقم العضوية : 36962

    تاريخ التسجيل : 31Mar2009

    المشاركات : 2,315

    النوع : ذكر

    الاقامة : Zaton

    السيارة: ما قولنا كله من نعم الله و الحمد لله

    السيارة[2]: كله من نعم الله

    دراجة بخارية: never

    الحالة : hemaa_82 غير متواجد حالياً

    افتراضي -

    hasad">

    [QUOTE=waolaa;3872715838]السلام عليكم ورحمة الله وبركاته
    جزيل الشكر لكافة المشاركين بالرأى عن الـm11 وطبعاً مش عايز أقولكم أنا محتار أد أيه بسبب العربية دى لأن كل شئ فيها جميل وبعد ما كنت نازل أشتريها خلاص ولاد الحلال طلعوا فيها القطط الفطسانة وقرفونى منها وفعلا لغاية دلوقتى قاعد من عربية بقالى شهر لأنها مخيشه فى دماغى وعجبانى جدا بس ماضحكش عليكو فعلا أنا قلقان من خوازيق التقفيل المحلى والتوكيل الزبااااااااااااااااااااا اااااااااااااااالة .. أفيدونى أفادكم الله[/QUOTE

    بص انا الحمد لله جت معايا سليمة .... بس في بعض الاخوة بيشتكوا من بعض العيوب بس برضه بيجزموا ان العربية برغم العيوب لسة برضه حلوة .....

    استخير و استشير و توكل علي الله و هو الموفق للخير ان شاء الله

    البريبئ اتخرم و عايزيين بريبئ جديد



 
صفحة 1 من 2 1 2 الأخيرةالأخيرة

المواضيع المتشابهه

  1. مميزات وعيوب i 30
    بواسطة mikydod في المنتدى هيــونــداى
    مشاركات: 5
    آخر مشاركة: 22-08-2012, 12:30 AM
  2. مميزات وعيوب
    بواسطة yasser12345 في المنتدى ميتـسوبيـشى
    مشاركات: 5
    آخر مشاركة: 18-04-2010, 03:40 PM
  3. مميزات وعيوب
    بواسطة Hitham2010 في المنتدى تـويوتـــا
    مشاركات: 9
    آخر مشاركة: 05-04-2010, 09:43 AM
  4. مميزات وعيوب
    بواسطة Hitham2010 في المنتدى سكودا
    مشاركات: 4
    آخر مشاركة: 03-04-2010, 04:29 PM
  5. أسألكم عن مميزات وعيوب السيارة التمبرا
    بواسطة khttb_mr في المنتدى فــــيات
    مشاركات: 4
    آخر مشاركة: 26-02-2010, 11:12 PM

الكلمات الدلالية لهذا الموضوع

المفضلات

المفضلات

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  

Content Relevant URLs by vBSEO 3.6.0 PL2