الموضوع: التناحه بجاحه

انا حصلى موقف شبيه روحت فولت العربية 80 برضو بعشرين جنيه وأنا دايما باطلع جنيه على التفويلة على حظ صاحبنا ده انى ماكنش معايا غير 20.5 بالظبط فاديتله الحساب لقيته بيقولى ايه ده ؟ قلتله عشرين حساب البنزين ونص ليك . قالى دانت مفول بعشرين جنيه قلتله طيب انت ايه مشكلتك فهمنى ؟ راح مدينى ضهره وقعد يبرطم
وانا مشيت وانا مستغرب من البجاحة اللى بقى فيها الناس

المشاركة الأصلية كتبت بواسطة se_coralsea

روق و لاتحرق دمك و لا حاجة الدنيا مش مستاهلة
و لما تروح تمون من هناك مرة تانية أبقي أطلب منه يحط لك بنزين بقيمة معينة و لتكن ب 20 جنيه لو حط أقل صمم علي ال 20 جنيه و لو حط زيادة ماتدفعش أكثر من ال 20 جنيه و أمشي و سيبه كده انت اللي هاتحرق دمه

مع خالص تحياتي
م/ سمير الشهاوي

انا بعمل كدا بالظبط

هو ممكن حجات انت تتغاضى عنها يعنى مثلا تقوله ب20 جنيه يحطلك ب19.90 عادى يعنى مش حوار بس سعات اما بيشوفوا واحد حاطط كتير ممكن يخنصروا منه لتر او 2 لتر كمان
يعنى انا كنت بفول قبل كده و التانك كان فاضى علشان كنت بصلح عوامة البنزين الراجل اتصدم اما لقى العداد عامل 74 لتر
كان هاين عليه يطلب هو 5 جنيه تبس بس لو انت اديتله جنيه مثلا مش مشكله وو ممكن تتحسبلك صدقه برضه(انما الاعمال بالنيات)

ده فى بجاحة اكتر من كده انا داخل احط 80 وبعدين لاقيتهم مبيحطوش اكتر من 20 جنيه للعربية والانيل من كده عمال يحط بنزين 80 فى جراكن على عربية نص نقل (مليانة جراكن) والانيل (غير الانيل الاولانية) محدش بيتكلم خالص من اصحاب العربيات كأنهم بيشحتوه رحت عملت مشكلة وزعقت وقلتله نادى صاحب المحطة لاقيت واحد بيقله اديله اللى هو عايزه وطبعا فولت لحد مالعربية اتكرعت