عرض للطباعة
السلام عليكم
بعد مسمكرت الحجات اللى فى العربيه عند السمكرى روحت لبتاع الدوكو وقلى تكلفتها 1800 جنيه لانها ميتالك وهتاخد من 15 ل 20 يوم
هوه صراحه صنايعى ممتاز شوفت شغله على اكتر من عربيه وتقدر تقول شغله يكاد يكون مقارب للفبريكا
وقلى انه بيستخدم نوع دهانات تقريبا sr او xr مش فاكر بالظبط . فهل حد عنده خلفيه عن النوع دا
هوه بيقولى احسن من الاى كلير واغلى منها
فياريت اللى عنده معلومات عن نوع الدهان دا وسعره وصناعته ايه يفيدنا
up
^
^
^
^
^
^
^
^
والله يا باشا موضوع الوقت كده كتير جدا جدا جدا الا ازا كنت انت فاكك العربيه كلها وهترشها بره وجوه وحوض وشنطه وشاسيه من تحت يادوب يكفو بالعفيه وطبعا انت مش هتكون عامل كده ابدا ممكن يكون اسبوع كفايه اوى لرش العربيه كلها بالنسبه لانواع الدهانات الى اعرفها هنا فالقاهره فى تلت انواع الى الناس كلها شغاله بيهم نوع رخيص وده كويس جدا ومعظم الناس بترش بيه اسمو اوميجا الكيلو فيه بحوالى 90 جنيه وعشان ترش العربيه كلها منو هتكلف فحدود 1500 1800 على حسب الشغل النوع التانى غالى ونضيف جدا مش بيتاثر بالعوامل الجويه ولونو بيبقى زى الاصلى تمام ومش بيتغير اسمو سكنز الكيلو فيه تقريبا 350 جنيه يعنى العربيه عشان ترشها هتبقى فحدود 2500 تقريبا فى نوع كمان اسمو ماكس ماير وده يضاهى الاسكنز فالجوده وسعرو قريب منو اوى انا عندى مكتب باخد فيه عربيات اسمكرها وارشها برش مثلا فالشهر خمس ست عربيا سواء كلها او اجزاء منها اقصد اقولك انى محتك بالسوق اوى ومفيش غير كده .
20 يوم كتيييييييييييييييييييييير جداً جداً
انا قبلت كدة عملت سمكرة و رش في 5 ايام بالظبط للسمكرة و الرش و أتكلفت 3000 جنيه للسمكرة و الرش علشان كانت حادثة
شكرا ياشباب
فعلا الوقت كتير لكن السبب للاسف انه بيشتغل فى اكتر من عربيه فى وقت واحد وهوه شغال لوحده مش معاه صنايعى تانى
وانا وافقت بكدا علشان شغله ممتاز ومضطر لكده
المشكله دلوقتى فى النوع اللى انا قلته دا بتاع الدهان مش عارف ايه نظامه
شكلى بتصل بيه واقوله يجيبه اسكنز احسن لانها ماركه معروفه ومشهوره
الاسكنز ممتاز بصراحه مش عايز اقولك انى كان عندنا عربيه 504 مرشوشه من اكتر من عشر سنين وكانت لسه زى مهى ماشاء الله لحد فتره قريبه جدا بس احنا جددناها وعملناها اسكنز بر
اقتباس:
المشاركة الأصلية كتبت بواسطة fouaa
ممكن حضرتك تشوف الموضوع ده
http://www.nilemotors.net/Nile/153627-a.html