تجارب الأعضاء مع الجنط 17

**د.محمود صلاح** · 30-05-2010 06:46 PM

هو بيبقى low profile أي ان المسافة بين المداس والشفة قليلة وبالتالي عرضة لتكوين نتوءات مع المطبات والنقر ولو تكونت يبقي القردة باظت ولازم تتغير والا هتنفجر ..
ده اللي فهمته من كلام الناس هنا

وبيبقى مناسب للدول اللي طرقها محترمة زي الخليج والغرب

**hobaz** · 02-06-2010 10:56 AM

بتهيألي العفشة مش هتفرق اوي فعلا مع حجم الجنط بس مشكلة 17 البلالين اللي بتخليه عرضة للأنفجار والله اعلم........
واستنى رأي المجربين برده........

**M.Hosni** · 02-06-2010 10:58 AM

انا عندي نفس الجنط الـ 17
الحمد لله بعد 17000 كيلو غيرت طقم الكاوتش بالكامل علشان مكنش فيه ولا فرده مفيهاش بلونة أو اتنين كمان
بس أنا أما غيرت الكاوتش غيرت بمقاس أكبر من اللي في العربية ( بناء على نصيحة من الأخ حسام اوبتراوي اللي كان عامل موضوع عن تغيير مقاس الكاوتش للسيراتو علشان الـ Low Profile )
جبت مقاس 225/45/17 بدلا من مقاس 215/45/17
الحمد لله بعد أما غيرت العربية بقت أنعم شوية علشان الكاوتش الجديد أعلى و كمان حاطط نيتروجين بالإضافة إلى إحساسي بأن الثبات بتاع العربية بقى أحسن شوية في الملفات
بس هو فعلا أهم حاجة الحرص في القيادة و خصوصا إن كل شوارع مصر المحروسة مكسرة و حالتها زفت

**Mshawky** · 02-06-2010 11:12 AM

هو كده كده الشوارع حتى لو مش خايف على الجنط الكبالن والمقصات بتاعت العجل والعفشه هتروح فى داهيه الموضوع مش مقتصر على جنط وبس يعنى شوارعنا بتزبط اى عربيه وده طبيعى

اما تجربتى مع الجنط ال17 فهى الحمد لله حتى الان بعد 4900 كيلو تقريبا او قول 5000 كيلو والدنيا تمام لانى اول ماخدت العربيه زبطت نيتروجين على 28 وبعدين روحت انا وزواوى عملناهم على 32 ومن ساعتها زى الفل وعايز اقولكو باخد نقر بنت كلب بحس ان العربيه كلها باظت مش الجنط بس والحمد لله بلاقيه بيتطبع مع المطب وبينزل عادى وكله تمام

فاللى عايز يزبط جنط زى ده يزبط نترويجين الاول مع ضغط 32 مع حرص فى السواقه علشان سلامه العربيه ككل مش للجنط بس وهتلاقى الدنيا تمام واستمتع بالثبات للعربيه كلها

واى عربيه هتهنها هتهينك حتى لو بى ام او مرسيدس

ديه تجربتى الشخصيه مع الجنط 17

**Hosam_Optrawy** · 02-06-2010 01:30 PM

المشاركة الأصلية كتبت بواسطة hamadahosni

انا عندي نفس الجنط الـ 17
الحمد لله بعد 17000 كيلو غيرت طقم الكاوتش بالكامل علشان مكنش فيه ولا فرده مفيهاش بلونة أو اتنين كمان
بس أنا أما غيرت الكاوتش غيرت بمقاس أكبر من اللي في العربية ( بناء على نصيحة من الأخ حسام اوبتراوي اللي كان عامل موضوع عن تغيير مقاس الكاوتش للسيراتو علشان الـ low profile )
جبت مقاس 225/45/17 بدلا من مقاس 215/45/17
الحمد لله بعد أما غيرت العربية بقت أنعم شوية علشان الكاوتش الجديد أعلى و كمان حاطط نيتروجين بالإضافة إلى إحساسي بأن الثبات بتاع العربية بقى أحسن شوية في الملفات
بس هو فعلا أهم حاجة الحرص في القيادة و خصوصا إن كل شوارع مصر المحروسة مكسرة و حالتها زفت

طب وأخبار ال 225 ايه ياباشا بيحك فى الملفات او حاجه ؟

**Mshawky** · 03-06-2010 10:54 AM

المشاركة الأصلية كتبت بواسطة hamadahosni

الحمد لله المقاس الجديد 225 مبيحكش خالص في الملفات أو حتى مع مطبات الهواء

مفيش صوره ليه ياباشا وهو راكب فى العربيه بعد اذنك

**Beeso** · 03-06-2010 11:37 AM

المشاركة الأصلية كتبت بواسطة Mshawky

مفيش صوره ليه ياباشا وهو راكب فى العربيه بعد اذنك

1+++++

**ghost1900** · 03-06-2010 11:42 AM

المشاركة الأصلية كتبت بواسطة hamadahosni

الحمد لله المقاس الجديد 225 مبيحكش خالص في الملفات أو حتى مع مطبات الهواء

الف مبروك عليك وربنا يبارلك فى العربية. بس هو حضرتك ركبت المقاس ده وراء وقدام، وممكن بعد أذنك الموديل بتاعه وسعره لو سمحت.

-

الموضوع: تجارب الأعضاء مع الجنط 17

LinkBack

أدوات الموضوع

عرض

-

-

-

-

المواضيع المتشابهه

تجارب الأعضاء مع شركات التأمين التكافلي ..

موضوع مخصص عن المدن والتجمعات السكنية الجديدة من تجارب الأعضاء.

تقييم شامل لسيارات هيونداى ... من تجارب الأعضاء

تجارب الأعضاء أصحاب السيارات الجديدة وعملوا بيها حوادث

الكلمات الدلالية لهذا الموضوع

المفضلات

المفضلات

ضوابط المشاركة