حكايتى مع الفيرنا ومتورها وغبور ..........

**Akram** · 10-02-2008 01:06 AM

يعني مش هيفرق الواحد يشتري مستعمل او يشتري جديد , ما دام الجديد فيه المشاكل دي ,
طبعاً انا عارف انه مش كل الجديد و كمان مش كل الفيرنا فيها المشاكل دي ,
لكن الملفت في الموضوع اني كنت فاكر ان الوكيل غبور احسن من كدة ,
على العموم انت دلوقتي اما خيارين
* بيع هذه السيارة و تشوف حاجة تانية.
* المحاولة مع التوكيل تاني.
ربنا يكون في عونك.

**hazem_khidr** · 10-02-2008 05:42 AM

لا حول و لا قوه الا بالله
ربنا يعيك يا رب بس حاول مع التوكيل تاني بس المرادي بقي يشيلو الموتور دا خالص و يجيبو واحد جديد متبرشم.

حمدا الله علي السلامه يا عم اكرم فينك من زمان :)

**Moh** · 10-02-2008 08:24 AM

مستحيل يكون فيه موتور على الزيرو ويآكل زيت ... ده تبقى فضيحة بجلاجل للشركة المصنعة

مفروض إنك تراسل الشركة الأم في كوريا وترسل لهم بيانات الموتور كاملة - وتعرف منهم أتصنع سنة كام واتشحن لمصر سنة كام - يعني تتأكد تماما أن التوكيل كان حاطط موتور زيرو فعلا في العربية وليس موتور مستعمل .

وفي الحالتين ، هي فضيحة للتوكيل - أو للشركة الأم ، وطالما الناس بتفرط في حقها ، يبقي النصابين بخيـــر

**Hossam.Hamdy** · 10-02-2008 09:13 AM

ربنا معاك والله.
بصراحه هو توكيل مش محترم..عشان يخرجو العربيات من المصنع عامله كده و كلها عيوب..المهم يبيعو وخلاص..
مفيش اى كواليتى كونترول...وحتى لو فيه تبقى تعبانه جدا.
واحد صاحبى معاه فيرنا برضه راح عمل صيانة الالف كيلو غير الشكمان عشان معوج.خرجت من المصنع جاهزه للاستلام على اى اساس؟!!!
هو اه على حسابهم بس الواحد بيتحرق دمه لما يدفع فلوس في عربيه و اسمها زيرووو و يتعمل فيها الحااجات ده..
عمرنا ما هنعمل حاجه كويسه

**eng_mkhalaf** · 10-02-2008 10:10 AM

ربنا معاك والواحد فعلا حاسس بيك - بس هو دة غبور وهية دية مصر
لما تبقى عربيات صينى عاملة 60 إلف كيلو وبتجرى زى القرد وفى نفس الوقت عربية كورى وسمعتها ما شاء الله تعمل كدة بعد 19 إلف كيلو - يبقى أنت أكيد فى مصر

**hamdy** · 10-02-2008 10:26 AM

يا جماعة انا كان واحد برض زميلي عندي هيونادي 1500 و لقاها بتاكل زيت و غيرورلو في غبور الموتور و ماشية الحمد لله مفيش مشاكل دلوقتي
بس تقرسيبا اللي فهمته وممكن يكون مش تاكيد
ان الهيونداي الفيرنا 1500 اللي كانت بتتجمع في مصر كان فيه منها مواتير بتاكل زيت عشان كده غبور بطل يجمعها في مصر وجابها من الهنج احسن
عشان ياخد علي كل عربية فيل هدية لكل زبون هندي يشتري عربيته :d :D

**IAbdou** · 12-02-2008 08:43 AM

ألف شكر يا رجالة
الحمد لله قدر الله مشاء فعل
والحمد لله هما حلو المشاكل (غيرو نص المتور والزجاج وضبطو الأبواب) بس ربنا يستر ويطلع الشغل كويس أنا بلين دلوقتى وربنا يحفظنا

وألف شكر مرة تنية لكل الناس ألى شركت وربنا يحفظكم

**Sharky** · 12-02-2008 09:18 AM

أولا أهلا لعودتك بعد غيبة للمنتدى يا إبراهيم
ثانيا بصراحة دا قمة الإهمال و لا مبالاة من غبور و ياريت تكلم خدمة العملاء إللى حطين لينك ليهم فى صفحة هيونداى فى المنتدى علشان يجيبولك حقك
لإن كده بصراحة بالأسلوب دا الناي حتبطل تشترى أى حاجة من غبور

على فكرة و أنا بجيب الياريس كان قدامى أجيب الإلنترا الجديدة لكن إستبعدها تماما من حساباتى علشان المعاملة و الخدمة السيئة إللى بيعملها غبور

**Hossam.Hamdy** · 12-02-2008 10:27 AM

عارف يا ابراهيم انت المفروض كنت تقولهم انا عايز عربيه غيرها

**Hyundai-CRM** · 21-02-2008 04:58 PM

يمكن الأكسيل و الأكسنت اللي سعر أعادة بيعهم في السوق من أعلي الأسعار ... ليه؟ هل لجودة العربية فقط (العربيتين محلي مش مستورد) هل لرخص قطع غيارها ... هل .. هل ؟ الفيرنا دلوقتي و خاصة الـ 1500 هي تاكسي شرم ... بورسعيد ... الأسماعيلية و مدن كتيرة بمصر .. و لولا جودة العربية و أعتماديتها ... مستحيل تكون مبيعاتها بهذا الحجم ... أنا مش هاقول أن ماكنش فيها مشاكل ... عربياتنا و لله الحمد نسبة مشاكلها هي الأقل في العالم بالمقارنة ببقية الأنواع و مصر علي وجه الخصوص .. و أرجو عدم المقارنة مع عربية تعدادها بالسوق 1000 عربية ... و خدمة ما بعد البيع لم تقصر أطلاقاً بشهادتكم ... و هنا نعرف يعني أيه غبور ... أحنا ملتزمين بتحقيق أعلي معدلات الرضا لعملاؤنا ... و بنشتغل في جهات كتيرة للوصول للتميز ... الفيرنا هايلة مع الوضع في الأعتبار السعر ... الآداء ... المواصفات ..... و الأهم طبعاً الوكيل.

وفقكم الله جميعا

الموضوع: حكايتى مع الفيرنا ومتورها وغبور ..........

LinkBack

أدوات الموضوع

عرض

-

-

-

-

-

-

المواضيع المتشابهه

تأجيل محاكمة المغربي وغبور لـ 27 إبريل

الفرق بين الماترك الخليجى وغبور

تجربتين مع شركه تامين وغبور

أنا وغبور (سرقة-نصب-كدب-تنفيض-توزيع)

محصور بين منصور وغبور

الكلمات الدلالية لهذا الموضوع

المفضلات

المفضلات

ضوابط المشاركة