حضرتك منحاز للسيارة لانك بتشتغل في غبور .بتقول ان الخدمة و التوكيل و السيارة ممتازين,امال بتسمي الي الاخ العضو فيه ايه و سيارته المحتاجة عمرة ؟؟؟؟حظ سعيد مثلا؟؟
عرض للطباعة
حضرتك منحاز للسيارة لانك بتشتغل في غبور .بتقول ان الخدمة و التوكيل و السيارة ممتازين,امال بتسمي الي الاخ العضو فيه ايه و سيارته المحتاجة عمرة ؟؟؟؟حظ سعيد مثلا؟؟
كلام حضرتك جميل جداً . ماشاء الله . بس ياريت يكون رد حضرتك فى صلب الموضوع المعروض . يعنى مثلا حضرتك تشرح لنا ازاى اللى حصل ده ؟!؟!؟!؟! وهل المفروض ان العربية وهى لسه جديدة ماكملتش 20 الف تغير نص موتور ولا كان المفروض الموتور كله يتغير بموتور جديد بالكامل مع اعتذار للراجل على وقته وفلوسه .
انا شايف ان الأفضل ان حضرتك تاخد الكلام اللى قاله الرجل صاحب الرسالة جملة جملة وترد عليها واحدة واحدة كده بالتفصيل ودى هتكون أحسن دعاية
مع احترامى للتوكيل ولكل الناس اللى في التوكيل,انا كل مره اشتكى من حاجه فى العربيه بخرج من التوكيل بنفس المشكله بدون حلها مش عارف بقى اخدها التوكيل اللى فكوريا ولا ايه.
عندى مشكله فى الفتيس ,فى الغيار الاول والثانى و بقى الثالث و الريفرس كمان.
اشتكيت منها فيى قليوب و بعدين بطلت اروح قليوب تانى,
روحت ابورواش غيرولى غيارات الفتيس و فضلت المشكله زى ماهى و روحت بعدها ب عشرة ايام اعدت ثلاث ساعات في الصيانه و المهندس قالى زيتنا التروس وغيرنا زيت الفتيس.
وللاسف زيت الفتيس اللى حطهولى كان وحش و مش نضيف و روحت غيرته امبارح كان نازل مش نضيف خالص و الكلام ده كله في خلال شهر .
مش عارف اعمل اييه؟!!!
وانا كنت بعتلكو رساله قبل كده و محدش رد عليعا واتصلت على رقم الموبيل محدش رد عليا فيه.
انا عربيتى 2006 ماشيه 27300 كيلو و مش مبهدلها خالص باعكس ده انا بحافظ عليها كويس جدا.
انا عامل زى ما اكون راكب عربيه من قديم الازل.عربيتى اللى قبلها كانت من سنة 1992 حتى 2005 مكانش فيها مشكلة فتييس
ايه الحل بقى يا ريت حد يعبرنى و يرد عليا عشان انا زهقت جدا من التوكيل اللى مش عارف يحل مشكله في عربيته اللى متجمعه فى مصر
ربنا معاك بس اوعي تسكت
أنا مستنى رد الأستاد عاطف على الأعضاء
لازم نرجع الأول لسجلات العربية اللي أتغيرها نص الموتور ... ما أقدرش أحكم غيابي ... مشاكل العربية بتخص العربية نفسها مش كل العربيات و بتكون متنوعة ... و ماكينة الـ 1500 تحديداً من الماكينات الجيدة و هي تقريباً اللي علي الأكسنت و عربيات هيونداي تانية كتير ... و هي ماكينة رائعة ... و لو ماكنتش بهذه الأعتمادية ... كانت وقفت ... لكن مازالت و بمبيعات هايلة ...
و الضمان موجود علشان يغطي أي عيوب مصنعية و المصداقية في الألتزام بالضمان من قبل الوكيل ... أما علشان مشكلة تظهر في ماكينة يعني أغير كل الماكينة .. طبعاً ... مش موجود بالعالم ... بنغير الجزء أو القطعة المعيبة فقط ... و الماكينة زي ما حضراتكم عارفين الماكينة مكونة من عدة أجزاء ...
و علشان أطمن الجميع ... في كل السيارات العيوب المصنعية بتكون أغلبها في الـ 20000 كلم الأولي و بعدها بتستقر السيارة و دي طبعاً تحليلات ..
لو حد عنده مشكلة ممكن يكلمني (0126778884) و أنا آسف لو أتأخرت في الرد عليكم ... ما بين أمراض الشتاء ... و زحمة شغل ... أنا آسف ...
و بالنسبة للأستاذ حسام ( مشكلة الفتيس) مستنيه يكلمني أو يبعت رقم تليفونه أو موبيله و انا أكلمه ...
وفقكم الله جميعا
شكر خاص جدا والله للمهندس عاطف عبد السميع و المهندس مجدى,
بصراحه الناس ماسبونيش خالص و نزلو معايا الورشه و شافو الكار وعرفنا المشكله وربنا يسهل وتكون اتحلت تماما و اتغير علبة الشكمان الاماميه عشان كان فى مشكله فى اللحام و الزنه اللى فى التابلوه المهندس مجدى تابعها حتى اختفت تماما.
بصراحه يا م.عاطف انا سعيد جدا انى اتعرفت على حضرتك النهارده و شكرا على زوقك جدا
واسمحلى بقى انا كل لما اجى التوكيل هجيلك المكتب.
شكرا وربنا يجازيك خير ان شاء الله
أستاذ عاطف أنا روحت التوكيل يوم الثلاثاء الساعة 12.30 ودخلت العربية علشان كان فى صوت من سير الكتينة وددخلت العربية وأعدت أربع ساعات وأعت ساعة أدور على الجوب وضاع فمهندس الأستقبال عملى واحد تانى وطبعا" معرفتش أة ألى تم طبعا"
المهم أن الصوت زى مهو وأعد يقنعنى أن دة عادى وشوية وحيريح وواحد تانى يؤلى أصل السير عايز يتغير على 45 وتانى يؤل على 60
مش عارف مين ألى صح ولو الصوت مكنوش عرفين يعملو حاجة أعت 5 ساعات لة مكان من الأول
الأستاذ / حسام
لا شكر علي واجب سيدي
من الأساس كان يجب عمل الأصلاح من المرة المرة الأولي ... و نحن مقصرين .. و لكن بعض الحالات تتعدد أسباب المشكلة ... و قد يصعب حلها من الزيارة الأولي ... و الحقيقة أنا أتشرفت بيك ... و ده شرف ليا أنك تشرفني دايما
الأستاذ / أبراهيم
شغالين في سويت أوراكل بملايين كتيره قوي ... تخلص ... أنشاء الله مش هايكون فيه جوبات ورقية ... و خطة أنتهائها شهرين علي أقصي تقدير.
مستني من حضرتك مكالمة علشان أعرف بعض التفاصيل .. و نرتب مع بعض أن شاء الله أنهاء كل شكاويك.
و تحياتي للجميع