الموضوع: تجربه (مش) قياده bmw 750 2010

أحد زملائي في الشغل كان إتفق مع توكيل BMW إنه عايز يجرب الـ 750 عشان يـ upgrade من الـ 523
فجابوله العربيه (مع مندوب من عندهم) جوه القريه الذكيه وهو عزمني أروح معاه فأنا ماسوقتهاش بنفسي بس في عربيه زي دي مش مهم تسوق
المحرك:
V-8 Twin-Turbo 4400CC بيعمل Double VANOS 400HP ,600NM
Gearbox 6-Speed Automatic with Steptronic
فيها حاجه إسمها Brake Energy Regeneration يعني لما سيادتك تشيل رجلك من على البنزين بيبتدي يحول طاقة الحركه اللي العربيه واخداها لكهرباء يشحن منها البطاريه
VANOS يعني variable Nockenwellensteuerung بالألمانيوده هو الـ Variable Valve Timing بتاع BMW وده Double يعني بيغير الـ Valve Timing مش يس بتاع الـ Intake لأ ده بيغير الـكامه بتاعة الـ Exhaust كمان.
السرعه القصوى محدده إلكترونيا 250 كيلومتر في الساعه
التسارع من 0 لـ 100 في 5.3 ثانيه

الـ Suspension:
Self Leveling Air Rear suspension وده بيظبط إرتفاع العربيه عن الأرض بحيث إنه يفضل ثابت بغض النظر عن تغير الوزن
فيها حاجه إسمها Dynamic Damping Control ودي بتدؤس حالة الطريق اللي إنت ماشي عليه وبتظبط الدنيا عشان سيادتك تبقى قاعد كوه في ملكوت تاني

العربيه طبعا طويله (تييييييت) حوالي 5.2 متر
وتقيله (برضه) حواي 2 طن بس إوعى تفتكر إن التقل ده بيخلي سحبها ضعيف وإنها عربيه فخمه بقى وكده ومالهاش في الحركات, لأ, Absolutely عليها سحبه (على رأي James May) بتاع Top Gear تخلي عنيك تبقى في جنب راسك جنب ودنك زي الحمامه

الحركات بقى:
حاجه جننتني, لو سيادتك بعد ماركبت (طبعا هاتبقى خايف ترزع الباب) فهتحسس على الباب وهو بيتقفل فبالتالي مش هايتقفل كويس, إوعى تفتحه وتقفله تاني, الناس هاتتريق عليك, إنت مش راكب 128, هتلاقي إن الباب بيتشفط لجوه ويتقفل بمنتهى النعومه زي السكينه في الحلاوه
كان من حسن حظي إني قعدت ورا, لقيت إن العربيه متقسمه 4 zones كل zone ليها التكييف الخاص بيها و الهوايات بتاعتها
ده غير طبعا إن الكرسي بيتعدل في 3 اتجاهات مختلفه توماتيكي توماتيكي, مش نص توماتيكي ونص على رمان بلي, بعلي وتوطي الكرسي (أنا بتكلم عن الكرسي اللي ورا خد بالك) وترجع المسند لورا وتطلعه قدام, والجديد بقى إنك بتتحكم في درجة إنحناء المسند نفسه, ده غير إن الكرسي فيه دفايه (مش عارف إيه لازمتها بصراحه)
طبعا الكاميرات محاوطه العربيه من كل الاتجاهات (عشان الناس اللي مش بتعرف تركن, ومش قصدي الستات خالص عشان دول جامدين جدا في السواقه وماحدش يقدر يتكلم عليهم). سيادتك بتشغل الشاشه قدامك تلاقيها مصورالك الطريق ورا العربيه, وراسمالك خطين منحنيين تخيليين بيوضحولك أقصى مسار (لامؤاخذه) منحرف تقدر العربيه تمشي فيه لو كسرت الدركسيون يمين أو شمال, وفيه خطين تانيين بلون مختلف بيقولولك المسار اللي هاتمشي فيه على عدلة الدركسيون الحاليه, ودي بتتحرك مع حركة الدركسيون, تظبط سيادتك الطارة وتبتدي ترجع, هتلاقي إن الطريق اللي انت ماشي فيه متقسم بلوكات لو فيه حاجه هاتخبط فيها هاتلاقي البلوك ده إحمر يعني خد بالك.

فيا عيب بقى, مافيش مكان ورا لـ 3 أشخاص عشان الجزء اللي في النص في الكنبه ورا مسند صلب ماينفعش حد يقعد عليه.

المشاركة الأصلية كتبت بواسطة kemoelord

انا اول مره في حياتي اشوف العجل الخلفي بيتحرك تبعا لحركه العربيه وشبيه في حركته زي العجل الامامي حاجة وهممممممممممممممممممممممم مممممممممممم

دة نظام جديد و نازل كمان في الفئة الخامسة ال GT
و بالنسبة لتوليد الطاقة من الفرامل دة اسمه عموما في مجال السيارات Regenerative Brakes
و دة جزء من سياسة efficient dynamics اللي بتتبعها بي ام بهدف خفض الإنبعاثات و خفض إستهلاك الوقود مع الحفاظ على أداء المحرك إن لم يكن تحسينه