الموضوع: حد يقولى حقيقة الراجل ده؟

اعتقد ان ده قصر ديل من الاسرائيلين يعني موته والاعلان عن وطنيته جه في الوقت اللي الموساد فيه ضعيفه في نظر المواطنين الاسرائيلين فبالتالي عملوا الحدوته دي عشان يداروا شويه ويلهوا الناس اللي هناك فيها

وبعدين خد بالك الراجل ده كان له شغل عالي اوي ايام السادات وكان بنوجيهات مباشره من السادات ف انا معتقدش ان في حد مهما كان ذكائه انه يقدر يمثل الدور ده على السادات ومبارك ورا بعض على مدار السنين

ياما جاسوس....ياما بطل....


الريس قال لما اتقتل "قدم خدمات جليلة للوطن" أما الموساد فمصمم "أهم عميل للموساد"

يعنى مين اللى بيستهبل هما ولا احنا

لو جاسوس طب سابوه ليه....طيب لو وطنى الموساد ليه بيقول انه عميل ليهم


الاستاذ اشرف مروان هو بطل طبعا و كانت مهنته عميل مزدوج و معنى عميل مزدوج مش انه جاسوس لجهتين لا هو عميل لصالح مصر انما اوهم الموساد انه عميل ليهم عشان يثقوا فيه و يقدر يحصل على معلومات مهمة عن اسرائيل لينقلها للمخابرات المصرية

اذن فهو بدون نقاش بطل مصرى و يكفى ان اعلى راس فالبلد قالت انه وطنى

مش معنى ان في مصر قالوا عليه انه وطني يعني الموضوع اتحسم

تخيلوا كده لو الراجل ده كان جاسوس فعلاً الموضوع ده ممكن يكون معناه ايه

ده مش راجل عادي و السلام ده كان نسيب عبد الناصر و مستشار السادات و مش بس كدة حاجات تانية كتير .... بحث بسيط على النت و شوفوا قصة حياتة

و كمان موضوع موته لغز كبير

صراحة فكرت في الموضوع دة كتير و موصلتش لحاجة ...... الله وحدة أعلم

أمره وأمرنا إلى الله...
وطالما لا توجد وثائق في متناولنا لنحكم من خلالها فالتفكير العقلي المطلق لن يزيدنا إلا حيرة ومن باب أولى الحكم العاطفي

انا عندى وجهه نظر مختلفه تماما وهى انه كان بالفعل جاسوس و تم اكتشاف خيانته قبل حرب 1973 وتم اعطاءه معلومات مغلوطه له بميعاد مختلف للحرب وبالفعل نقل هذه المعلومات الى اسرائيل وبعد قيام الحرب تمت مواجهته بخيانته واقر بها ولكن بالطبع نظرا لصله المصاهره بينه وبين الرئيس الراحل عبد الناصر فلم يكن من المقبول الاعلان على الملاء ان زوج ابنته خائن وعميل لاسرائيل فتم التغاضى عن توجيه تهمه الخيانه له ومطالبته بالتوقف عن اى اعمال تضر بمصر .

المشاركة الأصلية كتبت بواسطة adfarouk

ده مش راجل عادي و السلام ده كان نسيب عبد الناصر و مستشار السادات و مش بس كدة حاجات تانية كتير

فعلا فيه حاجات تانيه كتير غامضه .. زى قصه القناص اللى كان فى طائره هليوكبتر اثناء حادثه المنصه

المشاركة الأصلية كتبت بواسطة mada121977

انا عندى وجهه نظر مختلفه تماما وهى انه كان بالفعل جاسوس و تم اكتشاف خيانته قبل حرب 1973 وتم اعطاءه معلومات مغلوطه له بميعاد مختلف للحرب وبالفعل نقل هذه المعلومات الى اسرائيل وبعد قيام الحرب تمت مواجهته بخيانته واقر بها ولكن بالطبع نظرا لصله المصاهره بينه وبين الرئيس الراحل عبد الناصر فلم يكن من المقبول الاعلان على الملاء ان زوج ابنته خائن وعميل لاسرائيل فتم التغاضى عن توجيه تهمه الخيانه له ومطالبته بالتوقف عن اى اعمال تضر بمصر .

كلام مقنع جدا

يعني ايه ال يخلي واحد كان جاسوس يعني راجل قمة في الوطنية يعمل حاجة زي ميلودي ؟؟؟؟؟
و محدش يقولي بتاعى جمال مروان لانها بقت بتاعته بعد ما ابوه مات