صيانه 10,000 فى توكيل ابو رواش

**ooosha_14** · 30-05-2010 01:24 PM

السلام عليكم ورحمه الله وبركاته

دا تقريبا اول موضوع ليا هنا فى المنتدى والقسم دا كمان بس عايز اقول انى من زمان وانا هنا فى المنتدى دا ومتابعه بشغف كبير بصراحه وواخد بالى من الناس الى هنا وبكل تعليقاتهم وكلها ناس بصراحه فى غايه الاحترام والادب الحمد الله وانا كنت بتابع اقسام كتيره هنا زى الجين 2 والفيات والانسر وانا كان معايا لانسر خليجي وبعتها الحمد الله وجبت نيو سيراتو بصراحه العربيه مش هتكلم عنها كتير لانكم عارفنها كويس

انا كنت عايز اوضح انطباعى عن صيانه 10,000 كيلو فى توكيل ابو رواش
طبعا حجزت وروحت يوم السبت وبصراحه جالى المهندس محمد خد منى رقم الحجز وسالنى لو فى اى ملاحظات او غيره بصراحه مكنش عندى حاجه الحمدالله بس كنت حاسس ان صوت العربيه عالى حبتين بس الحمد الله كله بقى تمام بعد الصيانه وكمان قالى هيبقى فى صيانه مجانيه على 15,000 مجرد انى هجز معاد الصيانه مش اكتر استلمت العربيه بصراحه كل ما بخرج من عندهم ببقى متضايق بسبب موضوع غسيل العربيه بس مابتكلمش لانى بحس انهم بيكروتوا في غسلها مش عارف ليه وكمان لاقيت واحد بيستلم العربيه معايا وكان متضايق برضه من الموضوع دا

المهم انا الحمد الله عملت الصيانه دي وبصراحه حسيت بعدها ان العفشه بقت هاديه جدا وماسكه نفسها اكتر صوت العربيه هدى اكتر من الاول مابقتش اسمعه زى الاول مع انه مكانش مضايقنى اصلا

بصراحه العربيه فرقت برضه بعد الصيانه دي وبقى فى اداء افضل وادعولى بقى عشان هسافر الليكس بعد بكره
وانا بقى تحت امركم فى اى استفسار عن اى حاجه بخصوص اى عربيه يمكن اقدر افيد

وياريت لو حد عنده اى فكره عن الاكسسوارات الداخليه للعربيه زى هل اقدر اخلى العربيه فى الاوكر بتاعتها كروم مثلا او غيره وشكرا مره تانيه

**Atrees** · 30-05-2010 01:34 PM

المشاركة الأصلية كتبت بواسطة ooosha_14

السلام عليكم ورحمه الله وبركاته

دا تقريبا اول موضوع ليا هنا فى المنتدى والقسم دا كمان بس عايز اقول انى من زمان وانا هنا فى المنتدى دا ومتابعه بشغف كبير بصراحه وواخد بالى من الناس الى هنا وبكل تعليقاتهم وكلها ناس بصراحه فى غايه الاحترام والادب الحمد الله وانا كنت بتابع اقسام كتيره هنا زى الجين 2 والفيات والانسر وانا كان معايا لانسر خليجي وبعتها الحمد الله وجبت نيو سيراتو بصراحه العربيه مش هتكلم عنها كتير لانكم عارفنها كويس

انا كنت عايز اوضح انطباعى عن صيانه 10,000 كيلو فى توكيل ابو رواش

طبعا حجزت وروحت يوم السبت وبصراحه جالى المهندس محمد خد منى رقم الحجز وسالنى لو فى اى ملاحظات او غيره بصراحه مكنش عندى حاجه الحمدالله بس كنت حاسس ان صوت العربيه عالى حبتين بس الحمد الله كله بقى تمام بعد الصيانه وكمان قالى هيبقى فى صيانه مجانيه على 15,000

مجرد انى هجز معاد الصيانه مش اكتر استلمت العربيه بصراحه كل ما بخرج من عندهم ببقى متضايق بسبب موضوع غسيل العربيه بس مابتكلمش لانى بحس انهم بيكروتوا في غسلها مش عارف ليه وكمان لاقيت واحد بيستلم العربيه معايا وكان متضايق برضه من الموضوع دا :ansmile23:

المهم انا الحمد الله عملت الصيانه دي وبصراحه حسيت بعدها ان العفشه بقت هاديه جدا وماسكه نفسها اكتر صوت العربيه هدى اكتر من الاول مابقتش اسمعه زى الاول مع انه مكانش مضايقنى اصلا

بصراحه العربيه فرقت برضه بعد الصيانه دي وبقى فى اداء افضل وادعولى بقى عشان هسافر الليكس بعد بكره
وانا بقى تحت امركم فى اى استفسار عن اى حاجه بخصوص اى عربيه يمكن اقدر افيد

وياريت لو حد عنده اى فكره عن الاكسسوارات الداخليه للعربيه زى هل اقدر اخلى العربيه فى الاوكر بتاعتها كروم مثلا او غيره وشكرا مره تانيه

الف مبروك يا باشا

ممكن بس عشان نساعد كل الاعضاء تقولنا دفعت كام ؟؟؟
واية الاعمال اللي تمت من واقع امر الشغل
وخدت وقت اد اية ؟؟؟

**ooosha_14** · 30-05-2010 02:36 PM

الله يبارك فيك

انا تقريبا كنت الساعه 9 صباحا هناك وخلصت على الساعه 11 تقريبا وكان المفروض اقل من كده بس كنت بتفرج على شويه حجات داخل التوكيل

والمصنعيه كانت فى حدود 400 جنيه وبصراحه استغربت جدا لانها كانت اغلى من اول مره وانا ماكنتش عامل حسابى ولما خليتو يشيل غسيل الفوم للماتور الفاتوره جت 355 وكل الى غيره زيت شيل وفلتر مش اكتر من كده بس طبعا مع بقيت النقط المعروفه زى تربيط العفشه والكشف على الفرامل وغيره

**ابو ليلى** · 30-05-2010 02:50 PM

المشاركة الأصلية كتبت بواسطة ooosha_14

الله يبارك فيك

انا تقريبا كنت الساعه 9 صباحا هناك وخلصت على الساعه 11 تقريبا وكان المفروض اقل من كده بس كنت بتفرج على شويه حجات داخل التوكيل

والمصنعيه كانت فى حدود 400 جنيه وبصراحه استغربت جدا لانها كانت اغلى من اول مره وانا ماكنتش عامل حسابى ولما خليتو يشيل غسيل الفوم للماتور الفاتوره جت 355 وكل الى غيره زيت شيل وفلتر مش اكتر من كده بس طبعا مع بقيت النقط المعروفه زى تربيط العفشه والكشف على الفرامل وغيره

الف مبروك على الصيانة وعقبال صيانة ال 100 الف

تانى كده الرقم ده صح 355 ج

هو حضرتك عربيتك توكيل ولا خليجى ؟؟؟؟

اتمنى لو قدرت تنزل صورة من الفاتورة اكون شاكر ليك جدا

انا هعزرك علشان دى اول مرة تكتب بس انا ياريت تكبر الخط شويه المرة الجاية احسن خلاص النظر بيروح بعيد عنك