استفسار عن موديلات بروتون
السلام عليكم
انا اولا احب اقول اني ماسبتش حته في المنتدي غير لما خدت فكرة عنها وتقريبا قرأت عن كل العربيات الموجودة ولاحظت ماشاء الله ان قسم بروتون مليان ناس زي الفل (مش بذم في باقي الاقسام والله ) بس ليا شوية ملاحظات كده
1- الناس بتحب عربياتها كانها ولادها ولا اخواتها مش مجرد عربية
2- كمان مالاقيش الناس متفقه على عيب في العربية (ودي ميزة) يعني لو حد طلعلو مشكلة تلاقي 10 بيقولو انهم ماواجهوهاش ، يعني تقريبا مافيش مشكلة عامة ممكن تتاخد على العربية (يمكن عشان انا بحب بروتون فشايف كده)
3- يمكن الوكيل يكون مشكلة بس هو برضه شغال في ماركات تانية فممكن يهتم شوية ببروتون واكيد هاتشهره وهاتظبطه اكتر من بقيه الماركات خصوصا انه تقريبا مش مهتم اوي بالتوكيلات اللي معاه
عموما انا مش معايا عربية اصلا وكان اول تعامل ليا مع بروتون من 10 سنين (كانت بروتون ويرا مع ابن خالتي) وفاكر ساعتها انس سقتها وكانت عربية تحفه ولسه مغيرها من حوالي سنه وماشتكيش وكانت زي الفل
وعشان كده لما اشتري عربية ان شاء الله هاتبقى بروتون ودايما بنصح اي حد انه يشتريها (حتى قبل مادخل المنتدى واقرا اي حاجة عنها) بس كنت بحس انها مميزة ومش غالية على الفاضي زي حاجات تانية كتير
ومعلش بس كان عندي كام سؤال كده مالهومش علاقة ببعض
1- كنت عايز اعرف حجم شنطة (جين 2 - الواجا - البيرسونا) قد ايه باللتر
2- هي الوتوماتيك لو انا سايق على l وعايز انقل على 2 وبعدين d المفروض بدوس على اي حاجة ولا بحرك الفتيس بس
يعني المفروض بدوس على الفرامل قبل محرك الفتيس والعربية واقفة، طيب لو ماشية بحركة على طول ولا بدوس على الحته الفاضية اللي في الفرامل قبل مالفرامل تشتغل
3- ارتفاع كل عربية عن الارض قد ايه
وشكرا مقدما