المشاركة الأصلية كتبت بواسطة abdm
من الناحية الآقتصادية الماروتى أحسن فى كل حاجة
من الناحية الشكلية ودية نقطة مهمة الآلتو أفضل وأحسن علشان الشكل العام وأوسع سنة من جوة وشكل التابلوة أشيك وأقيم والموتور أقوى شوية لآنة 12 valve لكن الماروتى 6 فقط ودة بيدة سحب وقوة لصالح الآلتو بالآضافة أن الآلتو أرتفاعها عن الآرض أعلى من الماروتى و الآلتو أعرض شوية من الخارج والآلتو بتنزل بجنوط وبكاوتش 13
فأنت تقرر أنت عايز الناحية الآقتصادية ولا الناحية الشكلية
وأنا رأى بصراحة بدون تحيز للألتو أشجع الآلتو لآن أنا كان معايا 127 وكنت بحطلها بنزين 90 فلو معايا ماروتى هحطلها 90 أو 92 يبقى ما فيش وفر فى البنزين .لكن هتفرق فى قطع الغيار للماروتى أرخص شوية ولو شاريها جديدة مش هتتعرض للموضوع دة دلوقتى خالص بأذن الله
ونصيحة أخيرة حاول تجيب الآلتو 1100 تكييف وكاسيت وفرق السعر مش كتير عن 800 حوالى 6 أو 7 ألاف جنية
والله الموفق والمستعان