الموضوع: عاوز احول الفارمل الخلفية ديسكات

المشاركة الأصلية كتبت بواسطة khaled_rafea

السلام عليكم, كيف حاكم يا شباب, كنت عاوز اسأل حد جرب فيكم يحول العربية من فرامل خلفية طنابير الى ديسكات, العربيه سيفك 93 ex , و هل حتحسن من الفرامل ولا مش حتفرق, الفرمل مش عاجبانى الصراحة, ولكم جزيل الشكر

طبعا ممكن يا خالد باشا ، حضرتك هتجيب جنبين خلفى بالمقصات بالطنابير + كابل فرامل اليد بتاع ال si (مهم اوىكابل الفرامل عشان الكابلات مختلفة فى ال ex عن ال Si)

الميزه الوحيدة فى الفرامل الديسكات ان لا تحتاج ظبط كل فترة .

بالتوفيق ان شاء الله

زى ما قال أستاذ هيثم مش هتحس بفرق جامد ومش هتحتاج لضبط كل فترة لكن هتلقى دواسة الفرامل عليت معك عن الأول انما عاوز تحسن الأداء بشكل ملحوظ يبقى تجيب طنابير أمامى 14 أو 15 بتوع الـ SiR وهم ينفعوا لو حيبت تسقط مكنة SiR مستقبلاً بالنسبة لسعر الجانبين الخلفى بالوايرات في حدود 500 جنية تقريباً تزيد أو تقل حاجه بسيطة

المشاركة الأصلية كتبت بواسطة khaled_rafea

شكرا جزيلا استاذ نبيل, طيب لو جبت الطنابير ال 14 ححتاج اغير ايه كمان, كاليبرات و تيل ولا كمان كبالن او اجزاء تانيه من العافشة, وبالنسبة للجنط انا عندى 14, يا ترى كفاية ولا ححتاج جنط اكبر ؟

شكراً أستاذ خالد مظبوط أنت هتجيب جوز شمعدان كامل أمامى 14 بيحتوى على الطنابير والكالبيرات والتيل الاصلى وخراطيم الفرامل وطبعاً مش محتاج تغير كبالن ولا اى حاجه شيل ده وحط ده والجنط كدة مقاسة مناسب بس المهم تختار الطنابير بعناية يكون فيهم لحمية ومافهمش ريجة واضحه والتيل مايكونش جايب أخرة وفي النهاية قبل ما تشترى تتفق أنك واخدهم على التجربة لو طلع فيهم اى شىء تستبدلهم أو ترجعهم وسعرهم في حدود 450 جنية تقريباً

ا. خالد بعتذر عن التاخير فى الرد ، بس الاستاذ محمد نبيل قام بالواجب وزيادة
هو بس على حسب علمى ان ال 500 جنية دى سعر الجنب الواحد تقريبا ، وممكن تكلم مجدى الدسوقى هيفيدك فى الاسعار اكثر مننا
بالنسبة للتصليح انا حاليا تعاملى مع التوكيل و فى بعض الاحيان مع محمد سعيد اللى فى الحرفيين .
اما فى العربيه اللى فاتت انا كنت بتعامل مع محمود اللى فى المعادى ، هو كويس ومتخصص فى الهوندا بس ، ودة تليفونة 0106408444.
بالنسبة لقطع الغيار انا بتعامل مع مجدى الدسوقى فى الحرفيين.

انت هتحس بفرق قوة الفرامل بس عشان الفرامل مترجلشة دائما ، بمعنى انك مثلا لو مرجلش الفرامل العادية بتاعتك كل اسبوع هتبقى تقريبا بنفس قوة الفرامل الديسكات.

المشاركة الأصلية كتبت بواسطة khaled_rafea

استاذ هيثم باشا, شكرا جزيلا على رد حضرتك, معلش حتقل على حضرتك بكام سؤال كمان, لو تعرف رنج سعر الحاجت دى كام يا ريت تقولى, واخدت بالى ان حضرتك ساكن فى المقطم ومعاك هوندا, انا كمان ساكن فى المقطم , يا ريت حضرتك تقولى بتصلح فين, وبتجيب حاجتك منين, وجزاك الله خيرا
وسؤال اخير معلش, حضرتك بتقول الميزة الوحيدة عدم إحتياجها للرجلاش, يعنى معنى كده ان قوة الفرامل مش حتختلف بعد تركيب الديسكات ؟