الموضوع: تقرير عن صيانة ال 40000 كم للياريس

الاخوة الاعضاء الكرام ...

يسعدني أن أقدم لكم تقرير شامل بالصور لعملية الصيانة التي تمت اليوم لسيارتي الياريس بتوكيل تويوتا بأبورواش


أولا.. مواصفات السيارة :
- تويوتا ياريس سيدان موديل 2008
- أوتوماتيك فول اوبشن
- الكيلومترات المقطوعة حتي موعد أجراء الصيانة 41106 كم

ثانيا.. اجراء الصيانة:
قمت بالاتصال بالشركة لعمل حجز مسبق يوم الاربعاء الماضي الموافق 26/5/2010 و تحدد ميعاد في 30/05/2010 الساعة 8 صباحا

و بالفعل توجهت الي التوكيل بأبورواش في الساعة السابعة صباحا و لكن نظرا لسوء حالة المرور علي الطريق الدائري و أول طريق مصر - الاسكندرية الصحراوي وصلت متأخرا في حوالي الساعة التاسعة و مع ذلك قاموا بأستلام السيارة بعد وصولي بحوالي ربع ساعة و تم أدخالها للصالة في تمام العاشرة ألا عشرة دقائق و انتهت أعمال الصيانة الدورية في تمام العاشرة و عشرة دقائق أي انها أستغرقت 20 دقيقة بالظبط و لكنهم بدأوا بعد ذلك في الكشف علي الفتيس و الاوتوماتيك بناء علي شكوي تقدمت بها أليهم و تم أستلام السيارة في تمام الحادية عشرة و النصف

ثالثا.. الاعمال التي تمت :
1- تغيير سير الديناحمو
2- تغيير زيت الفرامل
3- تغيير زيت الاوتوماتيك
4- تغيير زيت المحرك (موبيل 1) + الفلتر
5- تنظيف فلتر الهواء (تم تغييره في صيانة ال 30000 كم)
6- الكشف علي الفرامل و الطنابير أمامي و خلفي و تنظيفها
7- الكشف علي الاطارات و الترصيص و التبديل و تقديم تقرير عن حالة الاطارات
8- الكشف علي الانوار
9- تربيط العفشة
10- غسيل المحرك و السيارة
11- الكشف علي الاوتوماتيك و الفتيس نظرا لوجود شكوي بتقل أثناء الغيار من ال p الي r او n و فعلا تم اختبارها بواسطة مهندسين الصيانة و أقروا عمل اللازم و مراجعة الويرات و زيادة تشحيمها

التكلفة الاجمالية 1137 جنيه

رابعا.. تقييم أداء السيارة بعد الصيانة :
خلال طريق العودة من التوكيل الي المنزل بالرحاب لاحظت الاتي :
1- تحسن في أداء الاوتوماتيك و ليونة في تحريك الفتيس عن السابق
2- الفرامل كما هي تقريبا حيث لم يتم تغيير التيل نظرا لحالته الجيدة
3- فرامل اليد تم ظبطها مرة أخري
4- تحسن واضح في التكييف
5- تحسن كبير في السحب و التسارع نظرا لنظافة فلتر الهواء و الردياتير الذي تم تنظيفه مرتين بالامس و اليوم
6- نتيجة لتربيط العفشة زال الاحساس بوجود أهتزازات نتيجة للمطبات

بشكل عام أحسست بأن العربية فاقت و رجعت جديدة

خامسا.. تقييم أداء التوكيل :
1- المعاملة ممتازة حيث انهم يهتمون بشكوي العملاء و يحققون بها أثناء أجراء الصيانة
2- توقيت الخدمة أكثر من ممتاز خاصة مع خدمة EXPRESS التي تتميز بها تويوتا حيث أستغرقت أجراءات الصيانة 20 دقيقة بالظبط و هذا ماسمعته من أحد مديري مركز الخدمة أثناء حديثه مع وفد ياباني كان يزور التوكيل اليوم و قد تابعوا عملية الصيانة لسيارتي
3- السعر مقابل الخدمة أعتقد انه غالي شوية لكن معقول مقارنة بتوكيلات أخري

عموما تقييمي لهم كتوكيل من حيث الصيانة (جيد جدا)

أسيبكوا مع الصور :


بعد دخول الصالة مباشرة و عملية الكشف علي الانوار و تشحيم المفصلات


أثناء اجراء الصيانة الدورية (40000 كم)


عملية الكشف علي الفرامل و الاطارات و تغيير الزيوت


الوفد الياباني أثناء متابعة عملية الصيانة


بعد أنتهاء الصيانة و التوجه الي محطة الغسيل


مع خالص تحياتي
م/ سمير الشهاوي

بس ليا سؤال ليا مرحتيش توكيل اللى جانبك فى طريق القطاميه واخترت تروح اللى بعيد فى ابورواش
اصلى انا ساكن فى المعادى ويعتبر المشاور واحد بس برتاح لابورواش عن القطاميه هل حضرتك كدة فعلا

فعلا كده ده غير أني اتعاملت معاهم أكثر من مرة و اللي تعرفه احسن من اللي ماتعرفوش و بالنسبة للمشوار فده عادي الحكاية كلها 60 كم بتكون فرصة اختبر فيها العربية و انا رايح و انا راجع من الصيانة

ليا سؤال عن تبديل الاطارات ...لاني عملت صيانتين مرة الـ 5 آلاف ومرة الـ 10 آلاف ...وما بدلوش الاطارات...كنت عايز اعرف بيبدلوا الاطارات امتي...لاني باعمل الصيانة في مركز خدمة معتمد من تويوتا وليس التوكيل نفسة...

تبديل الاطارات بيتم كل 10000 كم اللي في الامام بيرجعو ورا و اللي ورا بيطلعوا قدام مقص
ممكن حضرتك تعمل التبديل في أي مركز خدمة أطارات زي بريدجستون و بالمرة بيكشفوا علي الاطارات و بيقولوا لك علي حالتها