معلش استأذن صاحب الموضوع في تعديل بسيط
الشقة اللي حضرتك موضحها في شارع 23 وليس شارع 27 لأن شارع 27 هو الشارع الرئيسي او السوق زي ما بيقولو
انا عندي شقة هناك قريبة من حضرتك بس قدام شوية ناحية البحر في شارع 25 ومابين شارع 2 و 4
ديه بعض المعلومات للي عاوز يتعرف على النخيل
المدينة مقسمة الى شوارع عرضة موازية للبحر تحمل ارقام زوجية تبدأ من صفر على البحر مباشرة ثم 2 - 4 - 6 ---- الخ
وشوارع طولية تحمل ارقام فردية من 1 اقصى يمين المدينة ثم 3 - 5 - 7 ---- الخ
المدخل الرئيسي للمدينة في شارع 27 وهو الشارع التجاري هناك وكل ما كانت الشقة قريبة منه كان ايجارها اغلى وسعرها اعلى
المدينة تابعة لجمعية 6 اكتوبر التابعة للقوات المسلحة وده موقع الجمعية على الانترنت وتقدر تشوف خريطة للمدينة http://www.6october.org/
الجمعية ليها مقر داخل المدينة والمقر التاني في القاهرة في مدينة نصر شارع الطيران يجوار بنزينة موبيل وتوكيل منصور
اول ما تدخل المدينة موجود على يمينك اسواق فتح الله وموجود بالداخل المالكي وبيتزاهت وكنتاكي
يوجد مصدات للامواج والشاطي كويس جدا
بالنسبة للي هيشتري شقة بيبقى ليه نسبة في الارض وفيه عمارات 5 ادوار اللي هي القديمة ومتقسمة على شقتين يعني نصيبك هيكون 1/12 من الارض وعمارات 7 ادوار او اكثر اللي هي الحديثة ومتقسمة على 3 شقق على نفس المساحة طبعا الشقق اصغر والغرف اصغر والمطبخ في الصالة
يوجد عيبين فقط وسيتم حلهم سريعا ان شاء الله
لا يوجد صرف صحي والاعتماد حتى الآن على طرنشات وديه مسببة كميات غير عادية من الناموس وبعض الصراصير في الشقق المهملة ولذلك اي حد يروح هناك يعمل حسابه على جهازين او 3 ريد السائل وممكن يشتريهم من عند فتح الله
ولكن في آخر زيارة ليا للمدينة لاحظت ان مشروع الصرف الصحي وصل لغاية شارع 23/4 يعني هما شغالين بسرعة كبيرة في انهار المشروع وبالتالي انهار الناموس
المدينة بكل المقاييس جميلة جدا بس زحمة شوية