-
مشكلة دركسيون تيدا
انا عندي تيدا 2007 خليجي- وكله تمام
ماعدا ان عند تحريك الدركسيون سريعا والعربيه واقفه حركه خفيفه شمال ويمين يكون هناك صوت واثناء القياده لايوجد اي مشكله الا عند ركن العربيه فعند لف الدركسيون الي اليمين والتحرك تحس برده في الدركسيون وكذلك في الشمال . ولكن في القياده العاديه لاشيئ نهائي .
رحت توكيل مودرن موتورز فقال لي تغير قطمة الدركسيون وتمنها 720 و تسيب العربيه يومان ورحت توكيل اخر قال نفس الشئ ولكن مع خصم 20% وتخلص في ساعاتان ولكن القطعه سيطلبها لي خلال اسبوعان.
هل احد مر بنفس الشكوي وهل هناك نصيحه حيث ان مودرن الهاكستب دائما زحمه وفي المره الاولي لم يفعل شئ لعدم وجود القطعه وطلب 75 جنيه وعند السؤال قال لي مصنعيه فقلت له ان العربيه لم تتحرك من مكانها ولم اطلب فحص او اي شي اخر.
مع الشكر
-
هل جربت تروح السبع زهراء المعادي؟
لو مكنش جرب و شوف هناك ايه الوضع
لو عندك عفشجي ثقه ممكن تشتري الجزء ده و يركبهولك و انت واقف
و لو رحت السبع اسئل علي المهندس محمد عمر قوله ان الدكتور امير صاحب الصني النبيتي هو اللي باعتك ليه و قوله انك مش عايز تسيب العربيه و عايزها تخلص بسرعه و شوف الوضع ايه
-
عليك وعلى مركز خدمة السبع وهما هناك حيقوموا بالازم , و كلهم هناك ناس محترمين جداا
وبالنسبة الى موضوعك ده انا اول مرة اسمع عنه , ومش مريت بالمشكلة دى والحمد لله وانا عامل 20 الف كيلو , ومش عارف بصراحة دى سببها ايه لان اول مرة اسمع عنها , وبردوا اسمع راى محمد طه زميلنا لان العربية عاملة معاه 80 الف كيلو , يمكن حسها او عدت عليه , بس اعتقد لا
على العموم ممكن تكون مشكلة فردية , وباذن الله امرها بسيط , واذا مروحتش السبع هناك وحابب تروح مودرن لو كانت اقرب ليك قولى عشان ابعتك لحد يظبطلك الدنيا , مع ان بفضل انك تروح السبع لانهم متخصصين فى شغل الميكانيكا اكتر من مودرن
وفى النهاية قولنا عملت وطمنا عليك
وعاوزين نعرف ايه اللى حصل بعد ما تحلها على خير ان شاء الله
تقبل تحياتى
-
خالص الشكر علي الاستجابه السريعه. وساذهب للمهندس محمد عمر
واكرر شكري وتقديري وعلي فكره هما في مركز الصيانه قالو لي ان ده عيب بسيط في التيدا ويتم تغيره وكل مركز اصبح به عدد من القطمه ( هي عباره عن حديده صغيره تركب داخل العربيه من التاره وفي نهايتها صليبه من الناحيتين) ولا تحتاج وقت ولكن مودرن قالي يومان .
شكرا اخواني وساخبركم بالنتيجه
-
مقولتناش عن النتيجة ايه لغاية دلوقتى , مع ان حضرتك بتدخل , احنا زعلناك ,
وحشنا بس ,وعاوزين نطمن , عشان نستفاد والكل يستفاد من تجربة حضرتك
-
ان شاء الله المشكلة تكون اتحلت ... عاوزين حضرتك تقولنا اية رأيك فى الحل بتاع المشكلة وهل المشكلة رجعت تانى وبدأت فى الظهور ولا كلمة تمام ,,,
-
انا عندى نفس المشكله دى تقريباً وكل اما اروح لمركز السبع واقولهم يقولولى هانربطلك على قطمة الدركسيون وطبعاً مفيش اى فايده وزى ما هيه
ياريت تطمنا عملت ايه وبإذن الله تكون مشكلتك اتحلت وياريت تحكيلنا بالتفصيل شويه كيفية تغيير هذه القطمة ومكانها بالتحديد
-
يمكن تكون حاجة عادية يا كيمو
انالما اشوفك حخليك تشوق عربيتى وتتاكد عشان نشوف الموضوع ده
ماشى الكلام ؟
وخلينا اجرب عربيتك عشان اشوف الحكاية دى , لانى مش حاسس بيها عندى بصراحة
ووحشنا يا فندم متغبش علينا يا كيمو
وان شاء الله صاحب الموضوع يدخل ويفيدنا
-
بإذن الله ربنا يقدرنى واكون متواجد كل يوم
و اتمنى تكون مشكله بسيطه يااستاذ احمد وبإذن الله سامسونج يطمنا عمل ايه
-
انا فعلا مع الاعضاء روح مركز السبع و ان شاء الله المشكلة هتتحل فورا عشان ده مركز محترم جدا جدا جدا
Content Relevant URLs by
vBSEO 3.6.0 PL2