عاوز اشتري لاب توب Lenovo

**michohat** · 30-05-2010 11:53 PM

السلام عليكم ورحمه الله وبركاته

عاوز اشترى لاب توب وانا متعود اشتري من كمبيومي لقيت لاب توب Lenovo مكوناته معقولة وسعره معقول بس معرفش هل الماركه ليها اعتماديه ومتوفر ليها قطع الغيار كالبطارية او الشاحن
صفحه الجهاز
CompuMe eShop - Computers :: Notebook Computers :: Lenovo G550 Notebook (59-031122)

احتياجاتى من الجهاز سوف يكون جهاز عمل وهذا هو الاستخدام الاساسي له وعملى كمحاسب يتضمن تطبيقات الاوفيس و كذلك بعض الداتا بيز كال سايبز و الاوركل
فهل فيه ملاحظات على الماركه دى؟

**John_Samy_1** · 31-05-2010 12:10 AM

حضرتك أحسن تشوف حاجة HP امكانيات أعلى بنفس السعر. HP ماركة محترمة وحمال شغل. أنا كمان ليَّ تجربة شخصية مع Acer وكان جهاز زي الفل استحملني 4 سنين بهدلة كلية ومواصلات بس ناس كتير مابتنصحش به مش عارف ليه وهيكون ارخص من el-HP.

**SunSet** · 31-05-2010 12:13 AM

الاهم الامكانيات وليس الماركة لان المكونات الداخلية كلها واحدة في كله

**بحري** · 31-05-2010 12:17 AM

اللينوفو وريث الآي بي إم وأغلب موديلاته تصميميا تعتبر فئة البيزنس والجهاز عضلي إلى حد كبير..أول نزوله كانت أغلب موديلاته سخيفة وفيها عيوب خايبة إنما دلوقتي وضعه أحسن كتير
متوفر كتير وسهل البيع والشراء وفي هذه الفئة الماركات متقاربة..لو عاجبك توكل على الله

**michohat** · 31-05-2010 12:25 AM

المشاركة الأصلية كتبت بواسطة بحري

اللينوفو وريث الآي بي إم وأغلب موديلاته تصميميا تعتبر فئة البيزنس والجهاز عضلي إلى حد كبير..أول نزوله كانت أغلب موديلاته سخيفة وفيها عيوب خايبة إنما دلوقتي وضعه أحسن كتير
متوفر كتير وسهل البيع والشراء وفي هذه الفئة الماركات متقاربة..لو عاجبك توكل على الله

ازيك يا استاذ بحري الف سلامه عليك سمعت انك كنت تعبان ان شاء الله يكون خير

انا مش بدور على لاب توب بامكانيات عاليه
كل اللى عاوزه انه جهاز يستحمل الشغل لساعات طويلة متواصله مع توفر مصدر كهربائي (هيكون بديل لكمبيوتر مكتبي )
و يشغل تطبيقات الاوفس وخاصه الاكسل بشكل كويس
و بروسيسور ورامات معقولة لانه هيشغل داتا بيز
مش لازم يبقى وندز 7 ولا فيستا ماله الاكس بي ( بحب الاكس بى والوندز 2000 )
وطبعا وزنه مش تقيل
وكمان قطع غياره متوفرة زى البطارية والشاحن طبعا لانهم اول حاجه بتبوظ

**michohat** · 31-05-2010 12:31 AM

حاليا انا شغال على جهاز ديل استديو 1537 وبنفس الامكانيات بتاعت اللينوفو بس الفرق بينهم هو اللينوفو فيه لوحه مفاتيح الاله الحاسبة و دى بتفيدنى كتير فى مجال شغلى
وفرق الديل عن اللينوفو ان كارت الشاشة بتاعه ati مش بيسحب من الرامات ده غير ان الديل كان اغلى بكتير من اللينوفو ده ايام ما اشتريته

**amrbakly** · 31-05-2010 01:47 AM

بجد تجربة 5 سنوات مع لينوفو، الأولاني كان سي 300 و التاني ثيتك باد

لينوفو أفضل لاب توب من حيث الإعتمادية و القوة و الأداء و ممكن تروح تسأل اي حد بتاع صيانة لاب توب اية اقل لاب توب بيدخلكم صيانة و حتشوف الشهادة من الجميع بأنة جهاز رائع

كمان وكيلة محترم و هو بيتر بيزنس و اعتقد اي حد اشتغل في الكمبيوتر عارف يعني اية بتر بيزنيس

و انا مغمض منصحكش غير بنوعين لينوفو و توشيبا و لو تقدر تجيب جيت واي من أمريكا برضة كويس

**pro_samir** · 31-05-2010 03:16 AM

جهاز كويس ومفيش منة مشاكل

سعرة برامات 3 جيجا و هارد 320 عامل حوالي 2800 جنية و راماتة ddr3

بس الأستوديو اللي معاك محترم فا لو الجهاز مش تاعبك في حاجة خلية متغيروش وممكن تشتري لوحة الأرقام دي بتكون ارقام بس وبتتوصل usb وفيها منها ماركات زي Hp بتشتغل ارقام وممكن تشتغل الة حاسبة لوحدها من غير الكمبيوتر

**Hmatchy** · 31-05-2010 06:35 AM

acer جميل ورخيص وسريع ولوحة مفاتيح كاملة وحمار شغل وفيه ميزة البطارية و الشاحن كمان فى الضمان
lenovo مش منتشر اوى و دا عيبوا بس انا موش شوفت حد شكر فيه او قال فيه عيب
ونصيحة طالما هتشترى حاجة تشتغل عليها يبقى اسئل بطارية و شاحن ال lenovo كام قبل ما تجيبه و قارنها بباقى الانواع

الموضوع: عاوز اشتري لاب توب Lenovo

LinkBack

أدوات الموضوع

عرض

-

-

-

-

المواضيع المتشابهه

عاوز اشتري ماروتي

عاوز اشتري كاسيت تنصحوني اشتري ايه

انا عاوز اشتري ريس

عاوز أرش العربيه بس كنت عاوز اشتري انا الدهان و الحجات و احاسبه مصنعيه بس

عاوز اشتري موتوسيكل

الكلمات الدلالية لهذا الموضوع

المفضلات

المفضلات

ضوابط المشاركة