الموضوع: اتسرعت في شراء البرسونا؟؟؟ ضروري جدااا

لفظ الجلالة عدلة .. الله

الخبراء يفيدوك .. انا شايف انك ولا اتسرعت ولا حاجة طالما انت مقتنع يبقي خلاص

معاك عربية ثبات امان شكل ..

بس ياباشا هو عربيته عاجبه وحضرتك البيرسونا عاجباك خلاص محدش يقعد يقنع التانى انه اتسرع فى شراء عربيته لان دى أزواق وراحة نفسية

بص يا مان دي مقارنه ماخوذه اسمع بنفسك واعرف القصه ايه .....
أنا معايا برسونا وزوج أختي معاه صني ومن تجربتي للعربيتين البرسونا تفوق الصني بمراحل ما ينفعش أصلا تقارن بينهم

من ناحية التقفيل والخامات مفيش فرق ده حتى الصني المصري تقفيلها أسوء بكتير
من ناحية العفشة البرسونا تتميز باقتدار أفضل مليون مرة من عفشة الصني ومرتفعة عن الأرض أكثر
من ناحية الموتور البرسونا طبعا من غير كلام موتور لوتس الانجليزي يفوق موتور الصني بمراحل أنا عربيتي أوتماتيك وعربي زوج أختي صني مانيوال وأنا العربية بتعدي معايا 180 وجبت بيها 200 مرة وهو ما بتعديش 160 غير بالعافية
من ناحية الثبات البرسونا تكتسح الصني بتعوم بعد 140
من ناحية العزل والوسع الداخلي دي الحاجة الوحيدة اللي أحسن في الصني
البرسونا ماليزي 100% إنما الصني مصري مصري مصري بكل عيوب المصري والفرق شاسع بينها وبين الياباني
قطع الغيار متساوية في الأسعار
السعر متقارب وتتفوق البرسونا الفل أوبشن
الشكل الخارجي مع انها أزواق بس أظن البرسونا أحلى بكتير

أنا معرفش حاجة عن الاكسنت بس أظن أن البرسونا أحلى واحدة في التلاتة بامتياز
على فكره ده مش كلامي انا ده كلام منقول من حد عايش التجربه زيك وكان في نفس الحيره

السلام عليكم

بص ياباشا

انا معايا جين 2 وصنى بس دى حاجه ودى حاجه خصوصا الصنى معايا يابانى 100 % انا مدخلها من دبى ودافع جمركها والاتنين جميع الكماليات اتوماتيك

مميزات الصنى
الصنى انعم شويه من الجين 2 خصوص العفشه ودى الميزه الوحيد
مميزات الجين2
1- امكانيات ------------------------ إلخ مش موجود ربعها فى الصينى
2- ثبات الصنى ممكن تعوم بعد 160
3-تسارع يفوق الصنى بمراحل الاتني اتوماتيك انا اخر حاجه جبتها بصنى 170 وبصراحه كنت حاسس المتور هيولع وصوته عالى جدا كانك على الغيار الثالث
4-الشكل الخارجى والداخلى لجين2 يفوق الصنى والجميع يشهد
5-الفرامل abs ebd موجودين فى الجين2 وليس فى الصنى رغم ان فرامل الصنى حلوه بس لأسف جرب تفرمل على رمل وشوف الزحف على اصوله
6- المساحه الداخليه تقريبا الاتني نفس المساحه

وفى حاجات كتير ومحدش يقول انا متحمس لجين2 انا معايا الاتنين

وشكرا

اهلا يا باشا انا معايا العربيتين من شهر 6 السابق
sunny ex saloon auto و persona base line manual
اقدر اقوللك ان كل واحده وليها مميزاتها
ولكن كاعتماديه وتحمل وعفشه وموتور وتوكيل وعزل للصنى طبعا
شكل وثبات وامان فقط للبرسونا

الصنى اعلى من عالارض ب 2 سم كاملين (الشكل الجديد)
موتور يابانى قوى جدا وناعم وبيكسر سرهة 200 بسهوله لكن البرسونا رغم انها مانويل كمان جيبت 190 بالعافيه
عفشة الصنى مش ثابته اوى زى البرسونا لكن معقوله بردو وفى نفس الوقت بتتحمل قوى من غير ظهور اى اصوات ولا اى مشاكل زى برسونتى
لكن عامل الشكل مهم جدا بردو لصالح البرسونا وده اللى مخلينى مش ندمان على شراءها ايضا.
وكمان وضعية القياده الرياضيه والثبات العالى لصالح البرسونا

بالنسبه للمشاكل والتوكيل
انا كل 5000 كم باروح الصيانه فى عز معايا قائمة ملاحظات على برسونتى غالبيتها مكرره من صيانات سابقه وغالبيتها تافهه ولكن بيتفننو فى تكريهى فيها
ده بالاضافه لعيوب التصنيع والخامات اللى مالهاش حل زى التيل و نظام الفرامل المخيف وعلبة الدريكسيون

فى المقابل الصنى باعمل صيانه كل 10000 وحتى الان مشكله واحده تزييق كرسى وتم تغييره بالكامل فى ضمان توكيل السبع المحترم

ولذلك الحمد لله على كل شيء وفى رأيى من سيتحمل شكل الصنى هى الافضل ولو لا يبئى البرسونا ارحم من الباقى كله سواء اكسينت افيو ..الخ