علي الجين تو ده عادي ولا موش عادي انا معايا موديل2010
عرض للطباعة
علي الجين تو ده عادي ولا موش عادي انا معايا موديل2010
بصراحه انا كنت مركب اربع افراد اوزان كلهم مشاء الله كان في تأثير بسيط اوي علي السحب
اي عربية 1600 طبيعي يكون بياثر عليها شوية دا شيء عادي جدا....
لكن بياثر اوي اوي يبقي في حاجة
فعلا ملحوظه جامد فى المانويل بالاخص
ابئا اظبط ضغط الهواء للكاوتشات لانه بيفرق جامد اوى مع التكييف فى الاداء
وعلى فكره غالبية العربيات ال 1600 بتتأثر بردو (مش استثناء يعنى)
انت كنت مشغل التكيف علي اعلي حاجه طبعا
أنا عربيتي 2010 برضو مبقلهاش كتير
هيه فعلا بتتأثر بصورة واضحة بس عربيتك ممكن تكون عايزة تتفتح
يعني ايه تتفتح
انت عملت صيانة الالف ؟؟
لو كنت عملتها يبقى تفتيح الموتور يكون كالتالى
تطلع على طريق واسع وفاضى وامان(الله يستر طريقنا جميعا) مرة واحدة بس كفاية
وتجيب اخر كل غيار لحد ما يوصل للرد زون (الار بى ام اول ما يوصل لاول شرطة حمرا فية ) تروح ناقل على التانى لحد اول الاحمر والتالت والرابع واول ما تجيب اخر النقلات دى كلها يبقى كدة انت فتحت الموتور وطبعتة على كل السرعات وحتلاقى استجابتة اعلى بكتير من السابق
اما لو كنت لسة مخلصتش الالف الاولى وشغلت التكييف فطبعا دة مش مستحب لانك بتحمل على الموتور اللى مش متليين اساسا لسة وطبعا لازم يبقى فى فرق فى السحب كبير جدا وبالتوفيق
وكان فية سوال معلش هوة التاثير دة بيكون فى اية (السحب مثلا) ولا بتحس باية بالظبط ؟؟؟
والتكييف عامل معاك اية فى الحر دة؟
اولا التفتيح ده فايدته ايه طب وانا اتوماتيك عربيتي اعمل ايه
اوتو يبئا اعمل كيك داون كتير
يعنى دوس الدواسه عالاخر خالص كتير
ميزته بيحسن اداء المحرك جدا
وعيبه بيقصر عمر المحرك شويه يعنى بدل مايقعد 250 الف كم مثلا يقعد 200 بس (مثال)
التكييف عندي مش بيتأثر بالسحب جامد ولا حاجه
انا برضه عربيتي اتوماتيك اعمل ايه للتفتيح
بكل بساطة للعربيات الاوتوماتك خلى الفتيس على L وفتح لحد اول الريد زون
وبعدبن انقل على 2 ودوس بنزين لحد اول شرطة حمراء في عداد ال rpm
و بعدين انقل الفتيس على 3 و هكذا لحد ال D
بمجرد وصولك لاول شرطة حمراء في عداد ال rpm انقل الفتيس مباشرة وهو حينقل على الترس اللى بعده اوتوماتك
بس السؤال الاهم هل تفتيح الموتور ده فعلا مفيد وهل يوجد مرجع علمي او توصية من شركة بروتون بذلك
ام انه تقليد او عرف متبع زي موضوع بليه وضغط الكاوتش في الصيف ... !!!!
انا يا رجالة التكييف بيفرق كثير بصراحة...تحس كان اداء العربية اقل من العادى و بتاكل بنزين اكثر...انا عارف ان دا عادى...بس الجديد باه ان فى الحر الجامد اللى احنا فيه دا بيكون اداء التكييف مش اد كدة
انا ياجماعه معايا برسونا 2010 التكيف بيبقى مظبطه على 18 c وبحس "حاجة بسيطة اوى" بيه بس عند اول ماتشغله على طول بس بعد كده بيبقى عادى جدا ولا كأنى مشغل حاجة خالص بس انا مبشدش خالص بالعربية مع انى جايبها مانيول عشان الشد والحمد لله "الف حمد والف شكر ليك يارب على النعم ديه"
*اخونا اللى عنده المشكلة ديه ياريت يكون بيحط بنزين 92 ويكون من محطة نضيفة ومعروفة اوى يعنى موبيل او اســــــو او كاتكس او الامارات ويكون بعد المغرب كمان ويكون التانك فاضى خالص
وبعد مايمشى بيها بتاع ساعه كده يجرب التكيف ويقولنا ايه الاخبار "بس اهم حاجة يكون مفضى التنك قبل ما يمون على قد ما يقدر ولا تتهاون فى اى نقطة من دول بس عن تجربة بتفرق جدا"
يارب اكون افادتك
شكرا