حوارات الأطباء والمرضى

**Ahmed Samy** · 31-05-2010 03:20 AM

لأ ما حدش جرب انك تقنع طفل غتت و مدلع يفتح بقه و علشان تديله فيه حقنه طولها 20 سم

لأ و مامته المتعلمة المتنورة تسألك " طب ما ينفعش يا خدها وهو قافل بقه؟"

طب تقولها إيه

أو راجل عجوز عنده 70 سنة و لسة عامل طقم و جاي بيشتكي انه "حاسس بالطقم في بقه" طب ده تقوله ايه ؟؟اعملك طقم اللهو الخفي يا حاج ؟؟

أنا فعلا بتيجي على أيام نفسي أشتغل ميكانيكي عربيات

بجد مش باهزر

اصله طب برضه

تعليم و تشخيص و علاج و متابعة

بس العيانين خرس

**Mostafa.Ismail** · 31-05-2010 03:22 AM

الله يكون فى عونك بجد.

**Dr Ahmed** · 31-05-2010 03:24 AM

المشاركة الأصلية كتبت بواسطة dr.almaghraby

ازاي يا دكتور؟

ممارسة الطب ممكن تكون سبب فى زيادة الإيمان بالله بما يمر على الطبيب من آيات وسبب فى حصد ثواب كثير جدا من العناية بالمرضى خاصة لو احتسبت العناية بهم أنها زيارة مريض وممكن يكون سبب فى إنقاذ حياة ومن أحيا نفسا فكأنما أحيا الناس جميعا وكفاية دعوات الغلابة ودعوات المرضى عموما وأحيانا كلمة أو نصيحة لمريض بتفرق معاه فى حياته كلها

أما أبواب جهنم ففى النصب وقلة الأدب والإهمال
النصب فى تلبيس المريض فحص أو تحليل أو عملية لا يحتاجها لمجرد الاستفادة المادية وفيه أطباء احترفوا كده للأسف ربنا يهديهم
وقلة الأدب فى عدم احترام الأمانة فى الكشف على من تأتمن الطبيب
أما الإهمال فسيكون سبب فى معاناة أو وفاة ومن أشكال الإهمال ضعف المستوى العلمى

**A7MED_PHARMA** · 31-05-2010 03:26 AM

طيب أحكيلكم على بعض الحكاوي إلي بتحصل في الصيدلية

.........
واحد جاي عاوز شريط حبوب الحباية نصها أزرق ونصها أصفر
بتاع إيه..؟؟مايعرفش
طيب بكام؟؟مايعرفش
.........
واحد جاي عاوز الشريط أبو 3.75 وظهر الشريط بتاعه أخضر
بتاع ايه؟؟مايعرفش
طيب بكام؟؟مايعرفش
ولو ماعرفتش تجيبهوله ...يبصلك بصة .تفهم منها إنك حمار ومش فاهم حاجة
.........
ييجي واحد عاوز لبوستين للسخونية(عدد 2 لبوسة)
وواحد عاوز 2 قرص مضاد حيوي 1000
وواحد عاوز حبايتين(عدد إتنين حباية)علشان عنده اللوز
المفروص بقا إنك تديله حبايتين ..ياخدهم من هنا ..واللوز تروح من هنا

وأكتر من كده..أحكيلكم مواقف وطرائف والله

**الغزالى** · 31-05-2010 03:31 AM

المشاركة الأصلية كتبت بواسطة Ahmed Samy

لأ ما حدش جرب انك تقنع طفل غتت و مدلع يفتح بقه و علشان تديله فيه حقنه طولها 20 سم

لأ و مامته المتعلمة المتنورة تسألك " طب ما ينفعش يا خدها وهو قافل بقه؟"

طب تقولها إيه

أو راجل عجوز عنده 70 سنة و لسة عامل طقم و جاي بيشتكي انه "حاسس بالطقم في بقه" طب ده تقوله ايه ؟؟اعملك طقم اللهو الخفي يا حاج ؟؟

أنا فعلا بتيجي على أيام نفسي أشتغل ميكانيكي عربيات

بجد مش باهزر

اصله طب برضه

تعليم و تشخيص و علاج و متابعة

بس العيانين خرس

اظن انت بالذات بشتوف الزبد كلة خصوصا الى واكلين بصل والذى منة

**A7MED_PHARMA** · 31-05-2010 03:34 AM

المشاركة الأصلية كتبت بواسطة Dr Ahmed

عند حق طبعا .. عندنا 80 مليون دكتور ومفتى
كل الناس بتفهم فى كل حاجة ... بالذات الطب والدين

بس الصيادلة أنا واخد موقف من معظمهم لأن معظم الصيدليات بقت زى المستوصفات الغير مؤهلة

والله يادكتور ظروف الحياة
وبعدين إحنا (أنا تحديدا)مش بعدي حدودي
بعمل otc على أدي كده ..ومش بفتي في حاجة ماعرفهاش
وبتعمله من روشتات الدكاترة
...
لكن فعلا
في صيادلة فاتحين مستوصفات فعلية ..وبيوصفوا علاجات للضغط والسكر فعلا
وبيعملوا عمليات جراحية محدودة في الصيدليات..زي الخُراج وماشابه
بس أكل العيش بيحكم يادكتور

**Dr Ahmed** · 31-05-2010 03:48 AM

المشاركة الأصلية كتبت بواسطة A7MED_PHARMA

والله يادكتور ظروف الحياة
وبعدين إحنا (أنا تحديدا)مش بعدي حدودي
بعمل otc على أدي كده ..ومش بفتي في حاجة ماعرفهاش
وبتعمله من روشتات الدكاترة
...
لكن فعلا
في صيادلة فاتحين مستوصفات فعلية ..وبيوصفوا علاجات للضغط والسكر فعلا
وبيعملوا عمليات جراحية محدودة في الصيدليات..زي الخُراج وماشابه
بس أكل العيش بيحكم يادكتور

والله يابو حميد أنا شايف إن مافيش نقطة فى النصف
All or none
Yes or No
ودا جزء من الأمانة اللى كنت باقول عليها باب للجنةأو للنار

ممكن مريض يكون بيشتكى من إمساك والصيدلى يديله دوا مسهل عشوائى رغم إن الامساك ده يكون بسبب سرطان فى القولون والصيدلى حرمه من فرصة الاكتشاف المبكر
أنا شفت واحد بيسأل الصيدلى هل يعمل العملية اللى الدكتور قال له عليها أو لأ! الصيدلى هو المرجع فوق الجراح عند بعض الناس؟
وفيه جراح كتير بينى وبين الصيادلة بس ده مش موضوعنا حاليا ويارب يعيننى ويعينك على الأمانة اللى فى إيدينا

-

-

-

الموضوع: حوارات الأطباء والمرضى

LinkBack

أدوات الموضوع

عرض

-

-

-

-

-

-

-

المواضيع المتشابهه

ممكن عدة صوت من غير حوارات

حوارات سبارك في الحرفيين

حوارات جامدة

إتخنقت من حوارات العفشة( أوكتافيا 98)

الكلمات الدلالية لهذا الموضوع

المفضلات

المفضلات

ضوابط المشاركة