حوارات الأطباء والمرضى

**A7MED_PHARMA** · 31-05-2010 03:49 AM

وعاوز أحكيلك موقف والله يادكتور أحمد
خلاني أكره الدكاترة البشريين(معظمهم)
الموقف الأول....
روشتة مكتوب فيها
أسيتيل سيستايين..فوار
بيودروكسيل500
ميكوسين..شراب
سوتريم ..قرص

السوتريم مكنتش واضحة..كان كاتبها بالظبط كده ـــــــــsul
يعني كانت أقرب للسوليد منها للسوتريم
وكانت الجرعة قرص كل 8 ساعات..والسوتريم غالبا بتكون 2 قرص كبدابة للعلاج
المهم

البنت تعبت
راحوا للدكتور ..قالهم الحمار إلي صارفلكم الدوا ..إداكوا دوا غلط كان هيموت البنت
طبعا
أيوها جه ..زعق وشتم وقل أدبه
وأمها ..جت قلت أدبها وشرشحت شوية
وعمها ..جه وزعق وقل أدبه
وعمتها...جت وقلت أدبها
وإخوها..جه وقل أدبه
وإختها ..جت وقلت أدبها

وكلهم بالتتابع
يعني كل 10 دقايق واحد فيهم ييجي
وأنا بحاول أحنويهم بكل هدوء..مفيش فايدة

وللأسف..
الدكتور حاول يجيب خطأه فيا أنا
السوليد أثاره الجانية وحساسية ..محدودة جدا

المهم...ده موقف
...........................
الموقف التاني

روشتة جاتلي من دكتور مشهور في الزقازيق(لاداعي لذكر إسمه)
فيها نوع مش واضح خااالص
إتصلت بيه وعرفته بنفسي
"السلام عليكم ..دكتور (.....)..إزي حضرتك ..أنا دكتور أحمد..صيدلي ..حضرتك قدامي روشتة بإسم(....) مكتوب فيها كذا وكذا وكذا..والنوع الأخير بيبدأ بحرف كذا ..والباقي مش واضح
قالي إسم النوع
-النوع كان جديد..لدرجة إني دورت عليه في الماستر الجديد..مالقتوش
كلمته تاني..علشان يديني له بديل
قالي إديتي صاحب الروشتة
حطيت السماعة وشغلت الإسبيكر
لقيت الدكتور المحترم بيقول لصاحب الروشتة
"مش قولتلك تنزل تحيب الروشتة من الصيدلية إلي تحت..سيب محل البقالة إلي إنت واقف فيه دلوقتي ..وتروح تجيب الدوا من الصيدلية إلي تحت العيادة"

**A7MED_PHARMA** · 31-05-2010 03:57 AM

وعلى فكرة يادكتور أحمد
أنا لو إديت حد otc ...
وماجابش معاه نتيجة ..بقوله فورا تروح للدكتور
بعكس صيادلة كتير
والله يادكتور أحمد ..أنا براعي ضميري والله في شغلانتي دي
مع إني قرفان منها جدا
يعني تخيل.............
تقريبا
كل الصيدليات إلي أعرفها..وكل الصيدليات إلي حواليا بيبيعوا الـــtramadol Hcl
بالحبايــــــــة
وصيادلة كتير شغالين في أدوية العينات المجاينة

وأعرف دكاترة بشريين شغالين في كل حاجة
يعني تصدق والله يادكتور
البلد إلي أنا فاتح فيها
فيها دكتور ..
بيعمل عمليات لوز..وعمليت فتاق..وولادة قيصرية وطبيعية..وشغال أطفال ونساء وتوليد ..وجراحة عامة
ده حتى هوا إلي بيخدر الناس بنفسه في العمليات

وأعرف دكاترة بشريين كتير..شغالين بالنسبة مع الصيدليات
لدرجة إن هنا دكتور ..بيقول للناس بالنص
"ماتروحوش لصيدلية الدكتور أحمد..علشان مايديكوش دوا غلط..وروحوا صيدلية الدكتور رأفت"

..وحسبي الله ونعم الوكيل

**Dr Ahmed** · 31-05-2010 04:01 AM

يووووووووووووه
للأسف كتير يا دكتورأحمد
مش بقول لك باب للجنةأو باب أوسع لجهنم

بس لو علىالروشتات إيه رأيك مرة كتبت لواحدة حامل عندها نزيف فى الأنف كتبت لها كورس ديوسيد الصيدلية ادوها دستوسيد ياباشا
وأنا خطى دايما واضح حرف حرف
دستوسيد لحامل وشكرا

غير برمبران بدل بريمومايسين

وكتير من ده

وأنا عارف إن مش كل الصيادلة قطعا كده أنا بارفض التعميم فى أى شئ لكن فيه أماكن ومهن محتاجة ثورة تصحيح

**Dr Ahmed** · 31-05-2010 04:05 AM

المشاركة الأصلية كتبت بواسطة wkisho2005

بمناسبة الفضضفضة بئي
سهران ورايا نبطشية وتيجي واحدة ومعاها ابنها الساة خمسة الصبح وجاية مسرعة ومتلهفة ال يعن خايفة علي الواد
خير ياستي؟؟الواد عندهه اسهال وبيرجع
من امتي؟؟بقاله4 ايام!!!!!!!!!!!!
يعني بقاله 4 ايام عنده اسهال وبيرجع وقفشت معاكي تجيبيه الساعة 5 الصبح ئي عشان يكشف
مع العلم الحالة هي هي من 4 ايام يعني محصلش حاجة جديدة خوفتها مثلا او قلقتها زيادة عن اللزوم فقالت تطمن عليها مثلا

عسكري امن مركزي جاي يكشف
بيقولي عندي كذا كذا وروحت مش عارف فين قالولي لازم تروح عيادات التامين الصحي
قلتله طيب روح بئي مستشفي التامين الصحي اللي انت تبعها عشان هنا مش تامين
قالي يعني اروح المستشفي اللي في جديلة؟؟
قلتله معرفش والله المستشفيات بتاع التامين اللي انت تبعها اسال عندك بئي وشوف
هو:اه يعني اصد حضرتك اروح المستشفي اللي في جديلة
انا:ياسيدي معرفش والله انت تبع اي تامين روح واسال عندك في منطقة التجنيد بتاعك ولا اي حد من زمايلك
هو:يعني مينفعش تقولي يادكتور اروح مستشفي ايه ؟؟
انا:المستشفي اللي في جديلة!!!!!!!!
لان كان من الواضح لو مقلتلوش كدا هنقعد في المشهد دا للصبح

واحدة جايبة عيل صغير وجاية
هي:والنبي يادكتور عايزاك تتوصي كدا في الكشف انشالله يخليك
انا:من عنيه ياستي خير هو ماله؟
هي:بصتلي بصة غريبة جدا زي ماكون نزلت من نظرها وبتقولي,,,,,,,,,,,,,,,,,,هو انا اللي هاقولك يادكتور ؟؟!!!!المفرود انت اللي تعرف
انا :ايوة ياستي يعني بيشتكي من ايه؟
هي :اصل الصراحة هو ابن زميلتي في الشغل وهي تعبانة ومش عارفة تيجي معاه ومعرفش عنده ايه
وبعد دقيقة من الصمت كدا يعني هو يادكتور مينفعش تكشف عليه كدا وتحاول تعرف ايه اللي عنده؟النبي تكسب فيه ثواب انشالله ينجيك في طريقك ويسترك !!!!!!!!!!!!!!

كفاية كدا بئي وكل دا الحمد لله وانا لسة بقول ياهادي في المهنة دي معرفش كمان كام سنة ممكن اجنن بئي ولا ايه

ههههههههههههههههههههههه
إزاى فاتنى أكتب الحاجات دى فى أول مشاركة؟
دى تقريبا حصلت نسخة بالكربون مع كل الدكاترة بالذات اللى يرفض يقول لك بيشتكى من إيه علشان انت الدكتور وعارف كل حاجة!

**A7MED_PHARMA** · 31-05-2010 04:06 AM

طيب شوفت دي يادكتور أحمد

دكتور نساء وتوليد مشهور
طاتب روشتة لواحد ست عندها نزيف وإرتفاع حاد في درجة الحرارة
طبعا كاتب لها كل عيلة وقف النزيف..كابرون وهيموستوب ودايسينون وكل الكلام الحلو ده
الانواع دي كل أقراص
وكاتب لها محلول يتعلق حالا
فيه زانتاك(ومالووو)..وهيموستوب ودايسينون(مايضرش)...وأسبيجي� � أمبول(؟؟؟؟؟؟؟؟؟؟؟)

إتصلت بيه وأنا مش مضدق نفسي( أ ..ب ..في الطب)
وأقوله
يقولي لااااا
طلع إلي أنا كاتبه ..وبلاش تفتي

**الغزالى** · 31-05-2010 04:08 AM

المشاركة الأصلية كتبت بواسطة Ahmed Samy

بص عندنا في العيادة مضمضة مفعولها قوي جدا ...بنحطها في الكوباية قبل العيان ما يفتح بقه

بس و حياتك في ناس بتبقى ضاربة دماغ مشكل عالصبح "بصل في كرات مع توم او لمونة معصفرة"

باقوم قافل الكابوت وش

و اقوله لازم تصوم تلات ايام قبل ما تاخد في اسنانك الأسبوع الجاي

ههههههههههههههههههههههههه ههههههههه
يالهووووووووووى

ربنا يكون فى عنكوا والله

-

-

-

-

الموضوع: حوارات الأطباء والمرضى

LinkBack

أدوات الموضوع

عرض

-

-

-

-

-

-

المواضيع المتشابهه

ممكن عدة صوت من غير حوارات

حوارات سبارك في الحرفيين

حوارات جامدة

إتخنقت من حوارات العفشة( أوكتافيا 98)

الكلمات الدلالية لهذا الموضوع

المفضلات

المفضلات

ضوابط المشاركة