الموضوع: محتاجين رأي الازكياء في الموضوع ده والمحترفين

المشاركة الأصلية كتبت بواسطة Khaled_Nowaihy

ممكن تعمل حل شعبى شوية ...
انا شفت عربيات لما تعمل مرشدير بيشتغل صوت تسجيل بيقول "انتبه السيارة ترجع الى الخلف" !!!!
ممكن يتعمل حاجة تقول "أقفل الباب بشويش الله يكرمك" لما باب العربية يفتح

ههههههههههههه
حلوه أوى
"الرجاء إغلاق الباب برفق.......الرجاء إغلاق الباب برفق.......الرجاء إغلاق الباب برفق"
ولو رزعه بقى أديلو على قفاه فعلا ويبقى يستاهل :))

المشاركة الأصلية كتبت بواسطة mrsailor

هو رزع الباب بس .. اضف الى معلوماتك الاتى:

1: شارع فيه ظبط و انت واقف فى حتة ناشفة وواحد يركب معاك و الشوز مليان ظبط مايفكرش حتى يمسح رجله
2: التكييف شغال و الازاز مقفول و الناس غاوية تسند دماغها على الازاز و يسيب لك على الازاز البصمة اللى بعرض الجبهة اللى تغيظ
3: الباب مش بيفتح لان السنتر مقفول و البيه او الهانم مستعجلين فيتعافو على الاكرة و يكسروها .. بدل ما يسألوا هو الباب مش بيفتح ليه
4: حد معاه كيس شارى فيه حاجة ممكن تسيب اثر و يحطه على كنبة العربية
5: مسح الاقدام فى الفبرة اللى على العتب .. لانهم مش عاوزين يرفعوا اقدامهم 1سم و هما نازلين او بيركبوا
6: العربية اللى فاتت كنت مركب الستاير اللى بتتفتح و تتقفل .. لو ماعرفوش يفتحوها بيشيلوها .. علشان اسهل
7: زهر السجاير لانهم بيدخنوا و الشباك مفتوح و الهوا بيطيره جوا العربية
8: العدد كبير فالبعض حايركب معاك و البعض حايمشى بطريقته .. و الحجة المعروفة .. معلش يا جماعة المساعدين اللى ورا مش كويسة .. تلاقى 5 ركبوا كأنهم مش سامعين .. و طول السكة يقعدوا يجاملوا بالقول المعروف ( احنا حاننزل لان العربية لان كده كتير على العربية) .. كأنهم ماسمعموش اللى قولته قبل ما يركبوا
9: الهزار البايخ بالايدى مع بعض اللى بينتهى بكسر او خلع حاجة من العربية
10: وصلنا المكان و يادوب تهدى تلاقى الابواب اتفتحت و انت لسة بتحاول تركن و من غير ما يطمنوا ان مافيش عربيات حوالينا .. ( للتغلب على دى خليت السنتر يقفل مع اول دوسة فرامل .. دا اوبشن فى الانذار ..)
11: خبط الابواب فى السيارات و الحوائط و الارصفة اللى راكن جنبهم عند فتحها
كل ده كوم و اللى بيكسر حاجة او يوشخها و ينزل من غير مايقول و تكتشفها بعدين ده كوم تانى
و اللى يغيظ ان فى ناس منهم ممكن يركبوا معاك مشوار مثلا 10 دقايق بس تقعد تعانى من اللى عملوه 10 ساعات
احنا للاسف ما عندناش زوق و للا احساس باللى بيضايق الناس و على فكرة انا عجبنى الجملة اللى اتقالت فى فيلم transporter
وهى:
Respect the man's car so the man respect you

نسيت نقطه مهمه جدا
اللي ييجي يفتح الباب و انت راكن جنب الرصيف و الرصيف عالي و الباب بيحك في الرصيف مش يقفل الباب و تظبط انت الوضع عشان ينزل لا بيكمل فتح الباب و تسمع صوت حكه الباب في الرصيف تقطع في قلبك

المشاركة الأصلية كتبت بواسطة mostafabasal

نسيت نقطه مهمه جدا
اللي ييجي يفتح الباب و انت راكن جنب الرصيف و الرصيف عالي و الباب بيحك في الرصيف مش يقفل الباب و تظبط انت الوضع عشان ينزل لا بيكمل فتح الباب و تسمع صوت حكه الباب في الرصيف تقطع في قلبك

راجع المصيبة رقم 11

ياجماعة فعلا الموضوع ده بيعصب جدا وأنا عن نفسي اللي برزع الباب لو هو حبيبي أول مرة بدديله كلمتين فجنابه :) زي متلا ده مش باب تلاجة والحاجات ده ولو مجبش نتيجة يبقى زي مقال ممدوح بقى على قفاه زريبو