الامر أتحسم للكروز

**Ahmed Samy** · 01-06-2010 01:12 AM

هو حضرتك سقطت فريسه أحد معاتيه المبيعات ؟؟؟؟؟؟؟

فتيس ايه اللي بوش و ألماني ايه اللي أكدهولك الأفندي ؟؟؟

العربية حلوة مافيش اعتراض

بس كووووووووووووري من أول الموتور لحاااااااد الفانوس

و مين ده اللي بدل عربية في 24 ساعة

ههههههههههه

انت صدقته بجد ؟؟؟

مقتنع يعني ؟؟؟

ده جهاز حماية المستهلك بيحفى وراهم علشان يغيروا جنط يقو يقوللك غيروا عربية

ماتزعلش مني

بس حضرتك فعلا طيب قوي

**masryxt** · 01-06-2010 01:17 AM

هو بالتأكيد طيب جدا لدرجة انة دي اول مشاركة في المنتدي علي الاطلاق وفيها كل تفاصيل فئات الكروز وكمان بالاسعار والاسبيسيال اوردر

جزاك الله خيرا

حكموا عقولكم

**Ahmed Samy** · 01-06-2010 01:33 AM

المشاركة الأصلية كتبت بواسطة masryxt

هو بالتأكيد طيب جدا لدرجة انة دي اول مشاركة في المنتدي علي الاطلاق وفيها كل تفاصيل فئات الكروز وكمان بالاسعار والاسبيسيال اوردر

جزاك الله خيرا

حكموا عقولكم

ماهو حضرتك لازم تقرا اول سطر في مشاركتى ....

**KHALED AYMAN** · 01-06-2010 01:43 AM

المندوب ده اسمه احمد نبيل ؟؟
المهم
سيبك من الى يقولك غير عربيه فى 24 ساعه ...
سيبك من الى يقول فيها قطع المانى ...
و بعد اذنكو لو فى دليل على وجود قطع "صناعه و ليس تصميم" المانى..حد يجيبه ...والله هفرح ...
بالنسبه للى بيقولو اعتبر انها من غير توكيل !
امال لما يحصل عيب "فردى" هيصلحه فين ؟
بلاش نقول كلام غير مطابق للواقع ..
و بعدين تمن العربيه ..
شامل تكلقتها و شحنها و جمركها و "ضمانها" ...
يعنى انت دافع فلوس لمجرد ان العربيه ليها توكيل !
نقوم نقول اعتبر انها من غير توكيل !
سبحان الله ..
و عموما الف مليون مبروك.

**mhmdalsaadany** · 01-06-2010 01:50 AM

يا جماعه بالنسبة لموضوع الاسيتي هيكون في مشكله جامده جدا في قطع الغيار عشان الموتور مختلف مش نفس المتور يعني لاقدر الله لو حصل حاجه هنقف جنبيها ونقول عروستي
لكن التوكيل كلنا متفقين انه سيئ مفيش جدال ومفيش حل ليه
ربنا يستر

**KHALED AYMAN** · 01-06-2010 01:55 AM

حسب معلوماتى ..
موتور اللاسيتى هو الموتور الى عندى فى الفيكترا او تقريبا الى بينزل فى الاسترا السيدان 2009 ..
بس هو موتور ecotec
اوبل يعنى ..!
و قطع غياره موجوده عادى ..

**mhmdalsaadany** · 01-06-2010 02:00 AM

الله الواحد احتار يا جماعه منين مفيهاش ولا مسمار الماني وبتنزل بره بموتور الاوبل
وكمان انا عرفت ان الفتيس بتاعها نفس فتيس الاوبل الاسترا 2010 اللى بتنزل بره وان gm هتعتمد الفتيس دا بعد كدا في كل موديلاتها
والله اعلم ومنكم نستفيد ارجو التصحيح لو انا غلطان

**Ahmed Samy** · 01-06-2010 02:09 AM

حضرتك هي فيها تقنيات من مجموعة جنيرال موتورز

بس العربية متصنعه في كوريا

علامتها الأصلية دايو

**KHALED AYMAN** · 01-06-2010 02:12 AM

المشاركة الأصلية كتبت بواسطة mhmdalsaadany

الله الواحد احتار يا جماعه منين مفيهاش ولا مسمار الماني وبتنزل بره بموتور الاوبل
وكمان انا عرفت ان الفتيس بتاعها نفس فتيس الاوبل الاسترا 2010 اللى بتنزل بره وان gm هتعتمد الفتيس دا بعد كدا في كل موديلاتها
والله اعلم ومنكم نستفيد ارجو التصحيح لو انا غلطان

برا حاجه و مصر حاجه يا باشا ....
بس عموما هى فيها حاجات ممكن تكون "تصميم" المانى ...
زى العفشه مثلا بيقولو (مش متاكد) انها زى عفشه الاسترا ...
لو فرضنا مثلا انها ملتى لينك مثلا يعنى ..
هل معنى كده ان عفشتها عفشه اوكتافيا عشان الاوكتافيا ملتى لينك ...؟؟و نقول بقى عفشه الكروز المانى ...؟؟
جى ام اه ممكن تاخد تصميم من اوبل او اى ماركه تملكها ..
بس تصنيع الكروز كورى 100% بالنسبه لمصر هنا

**ahmeeeeeed** · 01-06-2010 04:20 AM

انا ماقلتش ياجماعة ان العربية الماني ومافيش جدال انها كوري بس انا بتكلم عن القطع الي متكون منها العربية اي نعم ان العربية متقفلة في كوريا بس فعلا ممكن تكون معظم قطعها من شركة بوش وانا شفت دة بنفسي النهاردة على مروحة الموتور والي مش متأكد يشوف المروحة وبعدين ردا عالاستاذ الي بيقول اني طيب لدرجة اني صدقت مسؤل المبيعات انا مابصدقش اي حد ايا كان بس انا نقلت الي اتقال بس وماعلى الرسول الا البلاغ

الموضوع: الامر أتحسم للكروز

LinkBack

أدوات الموضوع

عرض

-

-

-

-

-

-

-

-

المواضيع المتشابهه

شاشه و dvd للكروز

حد ركب زينون للكروز ؟

هو فية تقليد للكروز

جنط 17 للكروز

بالنسبة للكروز ؟؟؟!!!

الكلمات الدلالية لهذا الموضوع

المفضلات

المفضلات

ضوابط المشاركة