سؤال: ما هى جميع التقويات اللازمة لل 128 لتسقيط موتور ريجاتا 1500 ؟

صباح الخير
حابب استفاد بخبرة اساتذة المنتدى رجاء يقولولى اية هيا التقويات اللى اعملها فى العربية ال 128 ككل من الالف للياء عشان اسقطها موتور يجاتا قدرتة من 80 ل 85 حصان فى العربية يعنى بعد ما ادور على الماتور و اجيبة من عزبة شلبى او بوسعيد اروح للميكانيكى اقولة يعملى اية فى العربية بزبط قبل ما يسقطلى الماتور الجديد و هل فرامل الريجاتا ال 1500 هتركب فى ال 128 ولا لا مع ان بفضل انى اجيب فرامل الريجاتا ال 1600 او فرامل اشد هل بتركب اى شديدة انا عاوزة من ماركة فيات ولا اية نظام عشان مش عارف انا محتار اكيد الفرامل بتاع العربيات الشديدة كدة ازاى هتركب على 128 يعنى على الاقل حجمها هيبقى اكبر او اصغر مش عارف رجاء افيدونى مع انة سؤال رخم و اجابتة طويلة بس انا ميح فى العربيات خالص محدش يكلمنى كلام مفهموش انا عايز كلام يفهمة الميكانيكى علشان اروحلة فاهم و هو يفهمنى كمان
الف شكر اوى و تقلت و طولت

سؤال تانى و ابقوا اضربونى بعدها مفيش مشاكل هههههه
هو انهى اخف وزنا بما ان الشاسية ضعيف زى ما بسمع متور التمبرا 1600 ولا الريجاتا 1500 و انهى هيبقى احلى(اكيد التمبرا) و انهى هيحتاج تعديلات اكتر و لا الاتنين نفس التعديلات و هل التمبرا 1600 هيسحب بنزين اكتر ؟؟؟؟؟؟
لو مفيش فرق و تمبرا اخف هركبة فارجو النصيحة يعنى انا شايف ان ريجاتا كتير على العربية و هيرضينى جامد مش هركب التمبرا غير فى حالة ان هيريح العربية اكتر من متور الريجاتا بعد التركيب

متــــــــابع

انا بردة متابع مستنين الفرج ههههههههههه
هو انا مستنى حد عملها قبل كدة الصراحة عشان اخد خبرتة

ياريت يا جماعه يبقي في صور مع الشرح

اتا عندى شويه صوره لتعديلات كتير بس لسه مجربتش حاجه منهم هبقى اجمع الصور ان شاء الله واحطها قريب بس علشان ظروف الامتحانات:36_1_37[1]:

ههههههههه صور مع الشرح دة انتا طماع وى مش لما يحوطلنا شرح بس الاول انا عايز اعرف القطع عشان اسال عليها هتدخل فى كام

اقتباس:

---

المشاركة الأصلية كتبت بواسطة mstool

ههههههههه صور مع الشرح دة انتا طماع وى مش لما يحوطلنا شرح بس الاول انا عايز اعرف القطع عشان اسال عليها هتدخل فى كام

---

ياعم مسطول:ma: ولا طماع ولا حاجه الناس هنا زاى الفل البيعرف حاجه بيقولها علي طول

صاحبي مسقط 1600 لانشيا
مركبلها شدااد من فوق ومن تحت بس

اقتباس:

---

المشاركة الأصلية كتبت بواسطة magyver

صاحبي مسقط 1600 لانشيا
مركبلها شدااد من فوق ومن تحت بس

---

طيب يا باشا ممكن تعرفلنا منه تفاصيل الموضوع التكلفه الاجماليه ..والحجات الى جابها مع الموتور زى الضفيرة والكنترول ..طلمبة الكهرباء الحاجات دى جابها بكام ومنين والموضوع كله نفع ولالاء؟
ومشكور مقدما :satelite:

انضم لقائمه المتابعين

....................

لا وجود للتجار بين اعضاء المنتدى الا بصفة رسمية
ادارة المنتدى

اعتقد ان فية ناس عملتها كتير او ناس فاهما كتر فى المواضيع دى ياريت يا جدعان ساعدونا شوية ارجوكم محدش يبخل علينا

المنتدى كله متابع ..............واحنا معاهم

هو المنتدى كلة متابع و احنا معاهم و انا معاكوا و عامل موضوع هتشل منة ههههههههههه و محدش معبرنا بردوا هانت هانت اللى هيقولنا جاى ان شاء الله انا حاسس ان محدش عايز يرد لية صدقونى الفكرة قامت فى كل دماغ الناس اللى عندها 128 عارفين دول عددهم ممكن يجيب كام ههههههههه البلد مليانة دية اكتر من الفيرنا يا جدعان معرفش ان الناس اشترت منها جديد من تانى ولا اية انا كنت بطلت اشوفها اول ما فكرت فى تظبيطها لاقيتها كتير جدا من تانى و كنت فى الاسماعيلية من كام يوم لاقيت واحد مركبلها تابلوة الاوبل كورسا بنضافة فظيعة و عاملها كراسى جلد ريكارو منظرها احلف باية نضيفة جدا انضف من المازدا 3 صدقونى ما كنت مصدق منظرها نضيف جدا فعلا

ايه يا شباب هي الناس لسه متابعه

ايه الموضوع الفقر ده محدش راضى يكلم

اقتباس:

---

المشاركة الأصلية كتبت بواسطة ddddff

ايه الموضوع الفقر ده محدش راضى يكلم

---

ياريت نتكلم بأسلوب احسن من كده وخصوصا ان دى اول مشاركه ليك

ولو تعبت نفسك ودورت فى المنتدى حتلاقى اكتر من موضوع فيه اللى انت عاوزه
بس انت مش عاوز تتعب نفسك

ياريت نتكلم بأسلوب احسن من كده وخصوصا ان دى اول مشاركه ليك

ولو تعبت نفسك ودورت فى المنتدى حتلاقى اكتر من موضوع فيه اللى انت عاوزه
بس انت مش عاوز تتعب نفسك
يا باشا انا مش بكلم عالمنتدى المنتدى انا دخلته بمزاجى وعارفه كويس انا بكلم عن المشاركة الى حظها واقع دى
وبعدين انا بكلم بهزار متخدش الكلام جد اوى كده
ومعلش عموما يا سيدى واحب اعرف الاستاذ برده اللى عامل الموضوع ان فى موضوع فى المنتدى موضح الى هو عاوزه كلهوجايب كل حاجة عن تدعيم شاسيه 128 وبالصور بس مش فاكر هو كان فين تقريبا فى قسم فيات ارجو انك تستفيد منه عشان انا كمان استفدت

:: نــايــل مــوتــورز:: - :: NileMotors.net ::
ا28.htmlالرابط لاده هتلاقى فيه الموضو ع الى انت عاوزه

سورى جبت رابط غلط بس هو عموما طلع فى نفس القسم ده

http://www.nilemotors.net/Nile/158505-128.html

ده الموضوع الى انت بتتكلم عنه

مع احترامى

لما انت ميح فى العربيات ليه تعمل تعديلات ممكن تكلفك حياتك وحياه غيرك ومصاريف وفة النهايه راكب عربيه 128 .

الكلام اللى انت عاوزه ده يتم مع عربيات اصلا قويه زى الجولف والبى ام دبليو واى حاجه هتحطها فيهم هتزود قيمتهم بغض النظر عن موديل السنه

ال28 لو عملت فيها كده هتبقى عامله زى جرار الزراعيه موتور حيوان بس قاعد فى الشارع سخونيه وصوت عالى وكرككبه ورجرجه . لازم برضه تبص على راحتك مش قوه وبس .

كلامك صح و غلط فى نفس الوقت انا ميح فى العربيات اة بس مش اوى زى مانتا فاكر يعنى
انا عارف اللى المفرود يحصل بس بسال علشان اعرفة صح و بالتمام و محدش فينا اتولد بيفهم و انتا كمان شكلك ميح علشان مقولتليش اعمل اية ههههههه
و على العموم انا صرفت نظر بس و احب افهمك كلامك غلط لية لان فية ناس مسقطة عليها مواتير لانشيا 1600 انجيكشن و عربياتهم زى الفل و مركبين تابلوة كورسا و ملمعين العربية و نضيفة جدا وحاطين نظام تبريد و تكييف و جنوط ميقدرش واحد راكب عربية ب 60 الف يشتريها و صباح النضافة لما تتزبط
بلاش تقول راكب 28 دية لانك بتبين لبعض الناس انك مش ....اوى فى العربيات علشان اى عربية حتى لو السيات 133 ممكن تتزبط ما كدة انا يبقى واخد الصاج بس و مركب علية عربية تفصيل
ازاى بقى تسخن اما اغير ريداتير جديد و مش بتاعها زى الموتور زى النظام كلة من جوة غير انها عربية ناشفة مش زى العربيات الجديدة الفافى و فى نفس الوقت هتبقى روعة افتح موديفيد كارز و اتفرج على عربية ملاكى القاهرة متزبطة منظرها احلى من المازدا 3 و هى متزبطة ههه شوفت واحد مركب عليها موتور اونو 105 حصان و كانت نضيفة جدا كان بيشد مع سيفيك موتور ميفيك احلفلك قدام كل الناس ان ماكان عارف يجيبة خالص و كان سباق سباق فى طريق لوحدهم لان ال 28 وزنها خفيف موتور جامد يطيرها لو معملوها التزبيطات الصح
فياريت تقول كلام شوفتة بعينك او متاكد منة بس شكرا ليك
على العموم انا شيلتها من نظرى علشان مشغول جدا و مش هيبقى عندى وقت ازبط بعد الشراء
و هشترى 323 لانها اعلى شوية و يابانى و انا راكب كورولا و بحترم اليابانى
و شكرا على ردك يا باشا