الموضوع: عادي

.... لا مش عادى ....

فى هذا الزمن إنتشرت النميمية والغيبة فدعونا

ليه كل حاجة مش عادى بقت عادى !!

ليه يا شباب ليه يا بنات !!

ليه لما نقعد مع بعض فى مكان ونتكلم فى اعراض الناس بقت عااادى مع انه مش عاادى !!

عن أبي هريرة - رضي الله عنه - قال: قال رسول الله -صلى الله عليه وسلم-: { لا تحاسدوا، ولا تناجشوا، ولا تباغضوا، ولا تدابروا، ولا يبع بعضكم على بيع بعض، وكونوا عباد الله إخوانا، المسلم أخو المسلم، لا يظلمه، ولا يخذله، ولا يكذبه، ولا يحقره، التقوى ها هنا، ويشير إلى صدره ثلاث مرات، بحسب امرئ من الشر أن يحقر أخاه المسلم، كل المسلم على المسلم حرام دمه وماله وعرضه } رواه مسلم

تذكروا أخوانى وأخواتى أن الغيبة محرمة وهي من الكبائر والدليل قوله تعالى:( وَلا يَغْتَبْ بَعْضُكُمْ بَعْضاً أَيُحِبُّ أَحَدُكُمْ أَنْ يَأْكُلَ لَحْمَ أَخِيهِ مَيْتاً فَكَرِهْتُمُوهُ ٌ) (الحجرات:12)
وقوله صلى الله عليه وسلم : ( إن دماءكم وأموالكم وأعراضكم حرام عليكم ) .

ما يباح منها

1- التظلم : فيجوز للمظلوم أن يتظلم عند القاضي وغيره فيقول : ( ظلمني فلان بكذا )
2- الاستعانة على تغير المنكر : فيقول لمن يرجو منه ذلك: ( فلان يعمل كذا فازجره )
3- الاستفتاء : فيقول للمفتي : ( ظلمني أبي بكذا فهل له ذلك ؟ )
4- تحذير المسلمين من الشر : كالمشاورة في مصاهرة إنسان بأن تكون على سبيل النصيحة.
5- المجاهر بالفسق : فيجوز ذكره بما يُهْجَر به
6- التعريف : فلو كان الإنسان معروفا بلقب الأصم والأعمش وغيرهما ، فيجوز ذلك

من أقوال السلف

قال مجاهد :
كفارة أكلك لحم أخيك أن تثني عليه وتدعو له بخير وكذلك إن كان قد مات العلاج
إذا هممت أخي بالغيبة فتذكر :
1. أنك متعرض لسخط الله
2. أن حسناتك تنقل إلى من اغتبته
3. عيوبك وانشغل بها عن الناس
4. أنك كمن يأكل لحم أخيه ميتا
5. انظر في سبب الغيبة واجتنبه

كفارتها

الإقلاع عن الذنب
الندم على ما فات
العزم على أن لا يعود
وإذا كانت الغيبة قد وصلت الرجل جاء واستحله وان لم تكن قد وصلته جعل
محل استحلاله استغفارا له لئلا يخبر بما لا يعلمه فيوغر صدره ملخص بتصرف من كتاب مختصر منهاج القاصدين وغيره من الكتب في هذا الباب.

والآن هل عرفتها ..؟؟؟
وهل عزمت على الإقلاع عنها ؟

قال تعالى { يَا أَيُّهَا الَّذِينَ آمَنُوا اجْتَنِبُوا كَثِيرًا مِنَ الظَّنِّ إِنَّ بَعْضَ الظَّنِّ إِثْمٌ وَلَا تَجَسَّسُوا وَلَا يَغْتَبْ بَعْضُكُمْ بَعْضًا أَيُحِبُّ أَحَدُكُمْ أَنْ يَأْكُلَ لَحْمَ أَخِيهِ مَيْتًا فَكَرِهْتُمُوهُ وَاتَّقُوا اللَّهَ إِنَّ اللَّهَ تَوَّابٌ } الحجرات 12

ليه لما امشى فى الشارع والاقى شاب ولا بنت راكبين عربية ومشغلين الكاسيت على الاخر وعمالين يسقفوا ويهيصوا

يبقى عااادى مع انه مش عااادى !!

مع ان الله قال تعالى {وَمِنَ النَّاسِ مَن يَشْتَرِي لَهْوَ الْحَدِيثِ لِيُضِلَّ عَن سَبِيلِ اللَّهِ بِغَيْرِ عِلْمٍ وَيَتَّخِذَهَا هُزُوًا أُولَئِكَ لَهُمْ عَذَابٌ مُّهِينٌ} لقمان 6

ليه لما كنت فى الجامعة والاقى البنات عاملين فى نفسهم البدع اللى حاطة كيلو بودرة على وشها واللى مغيره خلقتها

واللى لابسة ضيق هيفرقع ولا حتى لابسه حجاب على الموضة وابص .... يبقى عاادى مع انه مش عااادى !!

ليه لما اروح مكان هادى والاقى ولد بنت ماسكين فى ايد بعضه وعمالين بيحبوا فى بعض يبقى عااادى مع انه مش عااادى !!

ليه لما اروح عند حد والاقيه مشغل التليفزيون على فيلم ساقط ولا كليب ماجن ولما اجى اقوله مينفعش كده يقول عااادى

مع انه مش عااادى !!

ليه لما الاقى بنت قاعدة على كافيه وبتشرب شيشة وابصلها واقول عااادى وهو مش عااادى ابدااااا !!!

ليه لما الاقى اب وام ماشين فى الشارع ومعاهم بناتهم لابسين لبس فاضح يكسف ........... يااااه عادى جدا

وهو مش عاادى خاااااالص !!

ليه لما الاقى بنت ماشية فى الشارع بعد 12 بالليل لوحدها ولو سالتها مروحتش ليه تقول عااادى لسه بدرى وهو مش عااادى ابدا !!!

ليه لو اتعزمت فى فرح ولقيت العروسة بعد ما كانت محجبة قلعت حجابها أو محجبة وبترقص بحجابها وتقولها ليه؟ تقولك

عادى ما هى ليلة العمر وهو مش عادى !!

ليه لما تروح الفرح وتلاقى البنات كاسيات عاريات وحطين مكياج ومغرقين نفسهم برفان وتسأل ليه يقولوا عادى فرح بقى

وهو مش عااادى !!

ليه لما تركب وسيلة مواصلات وتلاقى الشاب قاعد والعجوز واقف والشاب ولا اكنه شايف حاجة عااادى وهو مش عاادى ابداً

أين النخوة والرجولة !!

ليه لما الاقى أب ولا أم هيموتوا من الحسرة لان اولادهم رموهم فى دار مسنين يقولوا عااادى اصل ولادهم مشغولين وده

مش عاادى ابدا؟؟

ليه لما اروح مأتم ( عزاء لأحد ما ) وادخل اسمع القرآن الاقي الناس عمالة ترغي ومش بتنصت ليه مع انه كلام ربنا تفتكروا انه عادي

مع أن الله قال { واذا قرأ القران فاستمعوا له وانصتوا له لعلكم ترحمون} الأعراف 204

لالا مش عادي خالص

ليه كل ما افتح برنامج الاقيهم بيكرموا مغني او ممثل ويعمله منه نجم في حين ان ناس كتير بتتعب وتخلص في اعمالها

ومحدش يعرف عنها حاجة ....هل ده شئ عادي لا مش عادي ؟

لو هفضل اتكلم من هنا لبكرة مش هخلص من كلمة

عــــــــــــــــــــــــ ـــــــــــــــادى

يا ترى يا جماعة هو فعلا عاااادى !! عادى التبرج عادى السفور عادى الغيبة والنميمة والكذب عااادى عاادى سماع الاغانى عاادى اللبس الضيق عاادى الحب داخل الجامعات وفى الطرقات وخارجها !!

عــــــــــــــــــــــــ ــــــــــــــــــــــادى

يا نــــــــــــــــــــــــ ـــــــــــــــــــــاس

طيب ازاى عااادى هو ده اللى امرنا به الله عزوجل ولا اللى علمهولنا النبى محمد صلى الله عليه وسلم

يقول الله تعالى {أَلَمْ يَأْنِ لِلَّذِينَ آمَنُوا أَن تَخْشَعَ قُلُوبُهُمْ لِذِكْرِ اللَّهِ وَمَا نَزَلَ مِنَ الْحَقِّ وَلَا يَكُونُوا كَالَّذِينَ أُوتُوا الْكِتَابَ مِن قَبْلُ فَطَالَ عَلَيْهِمُ الْأَمَدُ فَقَسَتْ قُلُوبُهُمْ وَكَثِيرٌ مِّنْهُمْ فَاسِقُونَ } الحديد16

هو ده اللى اتربينا عليه هو ده الاسلام والدين !!

طيب هو ليه اللى مش عادى بقى عاادى واللى عااادى بقى مش عادى

يعنى الملتحى الناس بتبصلهم بغرابة والشاب الفانكى الروش الناس شايفه انه عادى

يعنى المنتقبة الملتزمة بقت متخلفة ورجعية والبنت المتبرجة بقى ده الطبيعى

يعنى اللى بيتفرج على قنوات دينية بقى متشدد وناشف واللى بيتفرج على مسلسلات وافلام بقى روش واون لاين

يعنى اللى ماشى مشغل الاغانى بصوت يخرم الودان هو ده اللى عايش حياته اما اللى مشغل قران فى عربيته بيزعج اللى حواليه ومبيعملش حسابهم

................. ........ يعنى ............ ........

لا حول ولا قوة الا بالله

المفروض يعنى هو ده اللى يحصل

المفروض ده اللى بقى عااادى

ازاى يعنى

الدنيا بقت ماشية بالمقلوب

الصح بقى غلط والغلط بقى صح

!!!!!!!!!!!

ياريت نصحح المفاهيم ونظبط علاقتنا ونتعلم ديننا ونطبق سنة حبيبنا ونمشى على الصراط المستقيم علشان نوصل لجنتنا

==

مش هقلع طرحتي يوم فرحي عشان ليلة العمر... لا مش عادي

مش هرقص في فرح بنت خالي عشان صلة الرحم... لا مش عادي

مش هحكي لزميلي في الشغل مشاكلي العائلية.. لا مش عادي

وكفايا بقى كلمة عادي.. لاننا متخلقناش عادي

ولا هنقف نقول يارب... اصله كان عادي

عادي كل البنات مصاحبين.. وانا يلا اصاحب.. لا مش عادي

عادي كلهم مسافرين...وانا يلا اسافر.. لا مش عادي

عادي تقصير الجوب على البووت.. عشان ابقى على الموضة.. لا مش عادي

عادي البنطلون ابو وسط ساقط ... عشان ابقى روش... لا مش عادي

عادي اركب عربية زميلي.. مهو زي اخويا... لا مش عادي

وعادي ابن عمي يبعت لي رسايل تهريج.. اصله زي اخويا.. لا مش عادي

وعادي اكدب على أهلي ..مهي كدبة بيضا... لا مش عادي

عادي اروح شغلي متاخر وازور امضتي..مهو كله عادي.. لا مش عادي

عادى اكون محجبة واقف انشر الغسيل من غير حجاب مانا فى بيتى .. لا مش عادى

عادى لما اخرج انا وخطيبى لوحدنا طول الليل مهو هيبقى زوجى .. لامش عادى

عادي نحط صورنا الشخصية على الفيس بووك..عادي محنا بالحجاب -لا مش عادي

عادي نحط صور اتنين بيحضنوا بعض .. مهي مش صورتنا لا مش عادي

عادي نتعرف على بعض ونشيت مع بعض .. مش هنقول حاجه عيب.. لا مش عادي

عادي اكتب رقم تليفوني وبياناتي الشخصية. محدش هيعمل لي حاجه.لا مش عادي

وكفايا عيشه عادي

لاننا مش عايزين ننقلب فى قبرنا

تذكروا قول الله سبحانه وتعالى : { واعتصموا بحبل الله جميعاً ولا تفرقوا واذكروا نعمة الله عليكم إذ كنتم أعداءً فألف بين قلوبكم فأصبحتم بنعمته إخواناً } أل عمران 103

هنا كان يعيش السيد عــادي


*¨¨*عادي بن عادي آل عادي*¨¨*

أنتظر أرائكم
منقول