افيدونى عندى صوت صفاره مستفز جدا فى برسونتى

السلام عليكم ورحمه الله وبركاته
اولا اسف على عدم القدرة على التواصل المستمر وذلك لظروف العمل
ثانيا انا عندى شويه استفسارات كدة
انا عربيتى برسونا 2009 كامله اتوماتيك وعامله 16500 كيلو ولحد دلوقتى مغيرتش التيل الامامى ولا الخلفى
النهاردة وانا جاى فى الطريق كنت فاتح الشباك اللى جنبى وسمعت صوت صفاره متواصل وانا ماشى اعتقد انه جاى من العجل الامامى رحت واقف على جنب على الدائرى قبل نزله المحور وبصيت على حاجه مش طبيعيه ملقتش حاجه ومشيت ونلت المحور وسمعت الصوت تانى وشويه بعد ما نزلت من على المحور على الصحراوى اختفى لحد ما ركنت فى القريه الذكيه مش عارف بقا شغل العفاريت دة
ممكن التيل هو اللى يعمل صوت الصفاره دى مع ملاحظه انى كنت ماشى على 90 ومكنتش ظاغط فرامل اصلا
بصراحه خايف اروح التوكيل علشان الصوت دة ميظهرش ويطلع شكلى وحش

وكنت عايز اعرف امتى التيل الامامى يحتاج يتغير او الخلفى

سؤال كمان
ايه افضل نوع تيل من برة التوكيل وبكام انا سمعت عن نوع اسمه ريسما
لان تيل التوكيل غالى جدا وكمان جودة ضايعه

وهما قالولى لو هتغير تيل بره الطنابير هتطلع برة الضمان قولت مش مهم لان ضمانها اصلا 30 الف
وكمان لما بتحصل فيها مشكله بيخرطوها مش بيغيروها لانها غاليه :khd:والكلام دة من ناس جوة التوكيل


ماجد عمران
0118033346

انا رحت التوكيل بالعربيه دلوقتى وقالولى بعد الكشف عليها عايزه تغير تيل امامى وخلفى
قولتلهم انا هغيرها بره
قالى كدة الطنابير هتكون بره الضمان
قولتله انتو كدة كدة لو حصل فيها حاجه التوكيل مش بيغيرها التوكيل بيخرطها
قالى لا التوكيل بيغيرها بواحدة مخروطه اصلا علشان الخرط بياخد وقت

قولتله يبقا مش فارقه كمان الطنابير ضمانها 30 الف بس

هغير ان شاء الله التيل بره واشوف

قولتله انتو كدة كدة لو حصل فيها حاجه التوكيل مش بيغيرها التوكيل بيخرطها
قالى لا التوكيل بيغيرها بواحدة مخروطه اصلا علشان الخرط بياخد وقت.....




يا نهار اسود بيغيروها بواحده مخروطه ..... ده ايه العبط الى هما فيه ده
عموما انت عملت خير انك هتغير بره وبخصوص النوع الى حضرتك بتسأل عليه هو اسمه ريمسا ..... مش ريسما
وهو فعلا نوع محترم اوى بس مش عارف نازل للبروتون ولا لا انا بغيرو فى كذا عربيه ..... اوبترا وصني والنترا وكرولا 2006 ,,,,, فا اسأل عليه لو موجود هاته على البركه

الله ينور ....علي التوقيع

مشكله التيل من المشاكل الاساسيه في بروتون

اقتباس:

---

المشاركة الأصلية كتبت بواسطة magedomran

انا رحت التوكيل بالعربيه دلوقتى وقالولى بعد الكشف عليها عايزه تغير تيل امامى وخلفى
قولتلهم انا هغيرها بره
قالى كدة الطنابير هتكون بره الضمان
قولتله انتو كدة كدة لو حصل فيها حاجه التوكيل مش بيغيرها التوكيل بيخرطها
قالى لا التوكيل بيغيرها بواحدة مخروطه اصلا علشان الخرط بياخد وقت

قولتله يبقا مش فارقه كمان الطنابير ضمانها 30 الف بس

هغير ان شاء الله التيل بره واشوف

---

في مهندس قالك انهم بيغيروا بطنابير مخروطه !!!! مين المجنون دا
يا اما هو غلطان يا انت فهمت غلط يا التوكيل دا بيبيع عجل مش عربيات

اقتباس:

---

المشاركة الأصلية كتبت بواسطة Ahmed.Ali

في مهندس قالك انهم بيغيروا بطنابير مخروطه !!!! مين المجنون دا
يا اما هو غلطان يا انت فهمت غلط يا التوكيل دا بيبيع عجل مش عربيات

---

+11111111
طب ما خلاص مدام كدة يبقى كدة اساسا مفيش ولا كيلو واحد ضمان للطنابير لان كل اللى بيعملة اية لما طنابيرك تبوظ بدل ما ياخدها يخرطها وياخد وقت بيكون عندة واحدة بايظة اساسا ومخروطة بيركبهالك فين الضمان باة ولا الضمان يقصد انة مبيخدش منى تمن الخراط اللى خرط ؟؟؟:36_1_8[1]::ma:

اقتباس:

---

المشاركة الأصلية كتبت بواسطة ahmed.ali

في مهندس قالك انهم بيغيروا بطنابير مخروطه !!!! مين المجنون دا
يا اما هو غلطان يا انت فهمت غلط يا التوكيل دا بيبيع عجل مش عربيات

---

والله قالى كدة
رديت عليه قولتله ايه طيب وليه متخرطش بتاعتى قالى علشان لو هخرط بتاعتك هتاخد وقت
لكن انا بيبقا عندى طنابير مخروطه
فبركبلك واحده مخروطه:8954[1]::8954[1]::8954[1]::8954[1]::8954[1]::8954[1]:
وعلى فكره انا قولتلهم بلاش تغيرو التيل ولما رحت استلم العربيه قالولى فى مصنعيه لازم تدفعها

عملت هوليله وقولت ادفع ليه ومحدش قالى انى هدفع تمن كشف خصوصا ان العربيه عامله 16 الف بس

المهندس امر بصراحه راجل زووق

قالى خلاص وشالهم
:36_1_58[1]:

اقتباس:

---

المشاركة الأصلية كتبت بواسطة mido_soliman

+11111111
طب ما خلاص مدام كدة يبقى كدة اساسا مفيش ولا كيلو واحد ضمان للطنابير لان كل اللى بيعملة اية لما طنابيرك تبوظ بدل ما ياخدها يخرطها وياخد وقت بيكون عندة واحدة بايظة اساسا ومخروطة بيركبهالك فين الضمان باة ولا الضمان يقصد انة مبيخدش منى تمن الخراط اللى خرط ؟؟؟:36_1_8[1]::ma:

---

ده اللى حصل فعلا
على فكره انا سألت المهندس مصطفى حسين عن التيل قالى افضل نوع اسمه fbk

هروح ان شاء الله اغيره عندة النهارده

اقتباس:

---

المشاركة الأصلية كتبت بواسطة mido_soliman

+11111111 الضمان يقصد انة مبيخدش منى تمن الخراط اللى خرط ؟؟؟:36_1_8[1]::ma:

---

فى الغالب ده قصده فعلا :8954[1]:

اقتباس:

---

المشاركة الأصلية كتبت بواسطة jisso82

فى الغالب ده قصده فعلا :8954[1]:

---

دة غلب اية دة يا ربى على كدة كل الناس اللى غيرت طنابير فى الضمان وكانت فاكرة انها اتغيرت بطنابير جديدة تعرف الماساة دلوقتى انهم اخدوا طنابير مخروطة لاء واية ممكن جدا تكون حالتها اسوا من حالة طنابيرها اللى اتغيرت
حسبى الله ونعم الوكيل لنا الله

ازاي يغيروا طنابير في الضمان باخرى مخروطه ايه التهريج بتاعهم ده

حد يقولي ... هو ده بجد توكيل ولا ميكانيكي تحت السلم.. للاسف انا قربت ابيع عربيتي بسبب التوكيل

اقتباس:

---

المشاركة الأصلية كتبت بواسطة magedomran

والله قالى كدة
رديت عليه قولتله ايه طيب وليه متخرطش بتاعتى قالى علشان لو هخرط بتاعتك هتاخد وقت
لكن انا بيبقا عندى طنابير مخروطه
فبركبلك واحده مخروطه:8954[1]::8954[1]::8954[1]::8954[1]::8954[1]::8954[1]:
وعلى فكره انا قولتلهم بلاش تغيرو التيل ولما رحت استلم العربيه قالولى فى مصنعيه لازم تدفعها

عملت هوليله وقولت ادفع ليه ومحدش قالى انى هدفع تمن كشف خصوصا ان العربيه عامله 16 الف بس

المهندس امر بصراحه راجل زووق

قالى خلاص وشالهم
:36_1_58[1]:

---

انا مغير طنابير في الضمان و الكلام دا محصليش و شوفت بعيني اذن صرف الطنابير الجديده من التوكيل علي العموم انا هروح التوكيل الاسبوع الجاي و هقابل المهندس امر لو طلع كلام الكفتجي صحيح هيبقي يوم لطيف خفيف بالتكييف في مركز حمايه المستهلك :36_1_8[1]:

اقتباس:

---

المشاركة الأصلية كتبت بواسطة redbull_30

حد يقولي ... هو ده بجد توكيل ولا ميكانيكي تحت السلم.. للاسف انا قربت ابيع عربيتي بسبب التوكيل

---

بس لو العربيه عاجباك ومرتاح معاها متبيعهاش عشان التوكيل ........ صلح عند اى حد بره من المراكز المتخصصه ودول معاملتهم افضل متهيالى ومتهيألى البروتون مش معقده زى الفرنساوى مثلا وهتلاقى 100 واحد يشتغلك فيها وقطع غيارها بقت موجوده بشكل كويس واسعار عاديه مش مبالغ فيها يعنى

على فكره يا جماعه
اولا الصوت طلع فعلا من التيل
ثانيا بالنسبه لموضوع الطنابير انا اتاكدت فعلا من جوه التوكيل والله من اكتر من واحد ان الطنابير لو فيها مشلكه بيغيرها بواحده مخروطه ودة لأن الواحده جديدة غاليه جدا ب 900 جنيه وموضوع اذن الصرف دة فعلا صح لانه بيطلع المخروطه من المخزن لكن انت مشفتهاش جديدة ولا مخروطه انت شفت الاذن وبس
ثالتا المهندس مصطفى حسين اللى كان شغال فى التوكيل زمان عرفت انه فتح مركز خدمه لبروتون فى اخر فيصل كلمته امبارح علشان موضوع التيل دة ورحت عندة علشان اغيرة
التوكيل طبعا كان قالى لازم تغير تيل امامى وخلفى بس العربيه عامله 16 الف بس يبقا لازم اغير الاتنين قالوا اه
رحت للمهندس مصطفى حسين اللى فى فيصل علشان اغير الاتنين
الولد غير الامامى وفك العجله الخلفيه وبص قبل ما يغيرها قالى لا الخلفى تمام ويشاغل معاك كمان بتاع 5000 كيلو مش عايز يتغير
وغيرت الامامى بس نوع fbk والتكلفه 180 ج بالتركيب والحمد لله الصوت اختفى
طبعا لو كنت هغير فى التوكيل
كانو هيغيروا الاتنين بغض النظر الخلفى شغال ولا لا
وحسبنا الله ونعم الوكيل
على العموم انا استريحت لما عرفت مكان المهندس مصطفى دة لأنى فوجئت بان كل العربيات اللى وقفه عنده بروتون بس
وده حسسنى بالامان انى رايح لواحد حافظ العربيه لانه كان فى التوكيل وكمان مش هيجرب فيا الاول
وسعره طبعا هيكون افضل من التوكيل باى حال من الاحوال بفرق كبير

منتظر اى تعليق

دا كلام خطير...يعني خفضوا الضمان عليها من 60 الف الى 30 الف, وكمان تستبدل بواحده مستعمله مخروطه؟؟!

انا أعتقد ان الحل هو برساله خفيفه لطيفه لبروتون ماليزيا....

اقتباس:

---

المشاركة الأصلية كتبت بواسطة blackberry

دا كلام خطير...يعني خفضوا الضمان عليها من 60 الف الى 30 الف, وكمان تستبدل بواحده مستعمله مخروطه؟؟!

انا أعتقد ان الحل هو برساله خفيفه لطيفه لبروتون ماليزيا....

---

أنا مش فاهم موضوع تَغيير الطنابير ده غريب جدا مع الكيلومترات القليلة ده.

أنا أعتقد اللانوس عندي متغيرلهاش طنابير خالص وماشية دلوقتي 153,000 والتيل بيتغير كل 20,000 أو 25,000 تقريبا وشغال تمام وملوش صوت.

لكن ان حاسس توكيل بروتون فيه موضة إنه لازم يغير أي حاجة وخلاص عشان الفلوس!

اقتباس:

---

المشاركة الأصلية كتبت بواسطة Raul_7

أنا مش فاهم موضوع تَغيير الطنابير ده غريب جدا مع الكيلومترات القليلة ده.

أنا أعتقد اللانوس عندي متغيرلهاش طنابير خالص وماشية دلوقتي 153,000 والتيل بيتغير كل 20,000 أو 25,000 تقريبا وشغال تمام وملوش صوت.

لكن ان حاسس توكيل بروتون فيه موضة إنه لازم يغير أي حاجة وخلاص عشان الفلوس!

---

انا كلمت بعض الاشخاص هنا في مصر وخارج مصر بخصوص الطنابير..واذا وصل رد هاعرفكم بالجديد ان شاء الله.


1- اولا انا مستاء جدا من موضوع ان الضمان كان 5 سنوات على المحرك والجير وبعدها نزل ل 3 سنوات او 60 الف...

2- وبعدين الطنابير نزلت من الضمان بدل 60 الف الى 30 الف...ومش بعيد كمان شهر تتشال من الضمان كليا...

3- مستغرب جدا من تغيير الطنابير عند كيلوميتر قليل! المفروض اغير او اخرط طنابير كل 20 الف ولا ايه! انا كان معايا z3 الله يمسيها بالخير كنت منزلها من دبي, شافت الويل في مصر وبرا مصر والله كنت ماشي بيها 170 الف كيلو ولا غيرت طنابير ولا اشتكت.

والمصيبه الاكبر ان عند تغييرها تتغير بواحده مستعمله مخروطه! يعني لو بواحده جديده حتى لاول 30 الف (مع ان حقنا ل 60 الف كيلو) كان ممكن نستسيغها شويه على مضض!

انا الحمدلله مش عندي اي مشاكل حاليا لا مع السياره ولا مع التوكيل, ولكن اخاف ييجي يوم احتاجهم فيه ومش الاقي مقابل الخدمات اللي دفعت لها, ومش عايز اندم في يوم على اختياري للسياره.

والله الموفق,

اقتباس:

---

المشاركة الأصلية كتبت بواسطة blackberry

انا الحمدلله مش عندي اي مشاكل حاليا لا مع السياره ولا مع التوكيل, ولكن اخاف ييجي يوم احتاجهم فيه ومش الاقي مقابل الخدمات اللي دفعت لها, ومش عايز اندم في يوم على اختياري للسياره.

والله الموفق,

---

ألف شكر لردك.

وأنا فعلا النقطة ده اللي قلقاني جدا أنا كمان.

اقتباس:

---

المشاركة الأصلية كتبت بواسطة magedomran

على فكره يا جماعه
اولا الصوت طلع فعلا من التيل
ثانيا بالنسبه لموضوع الطنابير انا اتاكدت فعلا من جوه التوكيل والله من اكتر من واحد ان الطنابير لو فيها مشلكه بيغيرها بواحده مخروطه ودة لأن الواحده جديدة غاليه جدا ب 900 جنيه وموضوع اذن الصرف دة فعلا صح لانه بيطلع المخروطه من المخزن لكن انت مشفتهاش جديدة ولا مخروطه انت شفت الاذن وبس
ثالتا المهندس مصطفى حسين اللى كان شغال فى التوكيل زمان عرفت انه فتح مركز خدمه لبروتون فى اخر فيصل كلمته امبارح علشان موضوع التيل دة ورحت عندة علشان اغيرة
التوكيل طبعا كان قالى لازم تغير تيل امامى وخلفى بس العربيه عامله 16 الف بس يبقا لازم اغير الاتنين قالوا اه
رحت للمهندس مصطفى حسين اللى فى فيصل علشان اغير الاتنين
الولد غير الامامى وفك العجله الخلفيه وبص قبل ما يغيرها قالى لا الخلفى تمام ويشاغل معاك كمان بتاع 5000 كيلو مش عايز يتغير
وغيرت الامامى بس نوع fbk والتكلفه 180 ج بالتركيب والحمد لله الصوت اختفى
طبعا لو كنت هغير فى التوكيل
كانو هيغيروا الاتنين بغض النظر الخلفى شغال ولا لا
وحسبنا الله ونعم الوكيل
على العموم انا استريحت لما عرفت مكان المهندس مصطفى دة لأنى فوجئت بان كل العربيات اللى وقفه عنده بروتون بس
وده حسسنى بالامان انى رايح لواحد حافظ العربيه لانه كان فى التوكيل وكمان مش هيجرب فيا الاول
وسعره طبعا هيكون افضل من التوكيل باى حال من الاحوال بفرق كبير

منتظر اى تعليق

---

بقولك يا باشا اولا شكرا على مشاركتك التجربة
ثانيا ممكن تبعت عنوان مركز المهندس مصطفى بالضبط في فيصل و لو مش ممكن تحطه على المنتدى يبقى ياريت لو تبعته لي على الرسائل الخاصة

وجزاكم الله خيرا