الموضوع: الي اخواني اعضاء المنتدى "احذروا هذا النصاب"

السلام عليكم و رحمة الله و بركاته

حبيت احكي عن موضوع حصل معاي و احذركم منه حتي لا يقع احد في مثل الموقف اللي انا وقعت فية

الموضوع باختصار يا جماعه اني انا من سكان المدن الجديدة و كان في واحد ساكن معاية في نفس العمارة ظابط شرطة برتبة عميد اتعرف علي و انا بسبب اني وظيفتي في مجال الكمبيوتر طلب مني بحكم الجيرة اني احاول اساعده في انه يتعلم كمبيوتر و انا مكنش عندي مانع علي اساس اننا جيران و بقينا تقريبا اصدقاء .

بقينا بنتقابل كتير و اتوطدت بينا العلاقة علي مدار اكتر من 8 شهور خرجنا مع بعض كذا مرة و بحكم انه راجل رياضي بحكم عمله و انا كمان بحب الرياضة كنا ساعات كتير بننزل نجري و نتمرن و بدا يقولي انه ممكن يساعدني في اني اشتري عربية بحكم منصبه و ان في عربيات بتنزل عندهم مدعمه و انه مش محتاج الكلام دة و انه ممكن يساعدني في اني اشتريها بدل عنه و اقنعني و انه بيحاول يساعدني لاني شاب كويس و زي اخوة الصغيرة

و طلب مني مبلغ للتعاقد علي العربية و انها هتبقي باسمه و هو هيعملي توكيل علشان الموضوع يبقي قانوني و فعلا قدرت اني ادبر مبلغ 15 الف جنية و اديتهمله و هو طبعا مكتبش ورق و انا مطلبتش منه علي اساس انه بيساعدني و مش من اللياقة اني اخونه و تاني سبب ان الموضوع مش هياخد يومين و استلم العربية

المهم اخد الفلوس و انتظرت العربية و عدى اكتر من 5 ايام و هو كل يوم يقولي بكرة بعدة لحد مفيوم لاقيته مرجعش الشقة و تليفونه مقفول

كانت الصدمه الاولي بالنسبة لي قعدت احاول اوصل له لحد موصولت لصاحب الشقة اللي المفروض انه بايعه له اتضح انها كانت شقة ايجار و لما طلبت بيانات ظابط الشرطة من و اقع العقد المبروم بينهو بين صاحب الشقة اداني صورة بطاقة الوظيفة كانت مهندس بالرغم من انه كان بيلبس ميري طول الوقت و بينزل معاية الشارع لابس ميري و الطبنجة في جنبة

انا كل اللي اعرفة عنه دلوقتي هي بيانات البطاقة اللي مقدرتش توصلني لاي حاجة غير اسمه الاسم : ..................
الشهادة : حاصل علي بكالريوس هندسة
العنوان : .................. - الاسكندرية
و كمان رقم عربيته

رقم السيارة : ..................

عربية تويوتا كرولا سوداء موديل 2008 الشكل الجديد

لما و صلت لصاحب العربية الاصلي قال انه بايعها و انه مرخص 3 سنين للي اشتري (النصاب ) يعني الاكيد انه لسة معه العربية دية

اللي اكد لي دة اني لما عملت له محضر بصورة البطاقة اللي حصلت عليها من صاحب الشقة الاصلي اتضح انه نصاب و علية 12 سابقة و حكم لكنه مش بيتمسك لانه ملهوش مكان ثابت بينتقل من مكان لمكان

يعني الخيط الوحيد هو العربية انها تتمسك

يا ريت يا جماعه لو حد شاف العربية دية يتصل بي ويقولي و جزاكم الله خيراً

اعتقد تواجدة بيكون في المدن الجديدة و المعادي لانها اماكن هادية و دية اماكن الجرايم اللي عملها

مرفق ملف بصورة بطاقتة و صورتة
ارجو التواصل يا اخواني رقم تليفوني

0128088644
و السلام عليكم و رحمة الله و بركاته


تم حذف البيانات الشخصية الخاصة بالشخص الاخر

مشرف 5 ب

31 مايو 2010

12:40 مساءا