مواهب نايل موتورز .... عايزين يوم رياضى

**abou_ruqi** · 31-05-2010 04:23 PM

احنا اتفقنا ان الفرقتين مايكونوش قاهرة ضد اسكندرية علشان المستوى المسخرة اللي ظهر بيه لاعبو القاهرة
فقلنا نعمل فريق مدخنين ضد فريق غير المدخنين , بس لقينا إن ما فيش غير اتنين او تلاتة مش مدخنين في المنتدى كله

فقررنا تقسيم الفرقتين على ما هو آت

المعسل ضد التبغ

يعني الشيشة ضد السجاير

اتمرنوا كويس بقه

**SHNORY** · 31-05-2010 04:35 PM

وممكن نخليها جوازنجيه ضد عزبنجيه

**MoHaMed HaMeD** · 31-05-2010 04:36 PM

يجماعه الفتره الاخيره ملاحظكل نايل موتوررز راشقه ف اليكس عايزين بقى القاهر ينوبها حاجه ياريت ننظم ويكون مكان هنا ف القاهره وانا معاكو ان شاء الله بس اخلص الامتحانات ع خير ادعو لى

**SHNORY** · 31-05-2010 04:42 PM

المشاركة الأصلية كتبت بواسطة hamed_73

يجماعه الفتره الاخيره ملاحظكل نايل موتوررز راشقه ف اليكس عايزين بقى القاهر ينوبها حاجه ياريت ننظم ويكون مكان هنا ف القاهره وانا معاكو ان شاء الله بس اخلص الامتحانات ع خير ادعو لى

يا باشا جاوب علي الاسئله التاليه وبعدها خدوا حق احتكار المقابلات
عندكم كورنيش؟
عندكم معموره ؟
عندكم محمد الطويل؟
عندكم جندل؟
عندكم 3 يظبطوا 60 كيلوا اكل ؟
عندكم جو زي بتاعنا؟
عندكم مكان كامل المرافق نقضي فيه يوم كامل براحه تامه؟
واهم حاجه عامل الاغراء
اعملوا ونظموا واغرونا باننا نيجي وانتم حتلاقونا قدامكم كل مقابله
احنا قدمنا العرض بتاعنا بيسين وشوي وجاكوزي وشيشه
والمره الي فاتت تورته وشاليه وجنينه
واللي قبلها شاليه وكورنيش وبحر وترافيك ممتاز من اجود انواع البشر
ههههههههههههههههههههههههه ههههههههههههههههههههههههه هههههه
بس برضه نجيلكم يا برنس علشان احنا معندناش اغلي منكم

**alaa74** · 31-05-2010 04:50 PM

المشاركة الأصلية كتبت بواسطة abou_ruqi

احنا اتفقنا ان الفرقتين مايكونوش قاهرة ضد اسكندرية علشان المستوى المسخرة اللي ظهر بيه لاعبو القاهرة
فقلنا نعمل فريق مدخنين ضد فريق غير المدخنين , بس لقينا إن ما فيش غير اتنين او تلاتة مش مدخنين في المنتدى كله

فقررنا تقسيم الفرقتين على ما هو آت

المعسل ضد التبغ

يعني الشيشة ضد السجاير

اتمرنوا كويس بقه

خالد باشا اخبارك ايه

اولا انتوا مين اللى اتفقتوا وعلى أى أساس تتفقوا نيابه عن بتوع

القاهرة ( المصاروة )

ومين قالك ان دة مستوى القاهرة اتقل اتقل التقيل جاى ورا

وهنشوف يا باشا انت فاكرنا الزمالك قدام الاهلى ولا إيه ؟

وكمان مين قالك يا باشا ان مفيش غير اتنين او تلاته مش مدخنين

فى المنتدى كله ( خلى بالك انا بعمل عليك حمله غير المدخنين

وحزب محاربى مركز شباب الشيشه )

عموما يا باشا الملعب هو الفيصل بس انتوا اتمرنوا كويس وشدوا الشيشه بضمير

**alaa74** · 31-05-2010 04:56 PM

المشاركة الأصلية كتبت بواسطة shnory

يا باشا جاوب علي الاسئله التاليه وبعدها خدوا حق احتكار المقابلات
عندكم كورنيش؟
عندكم معموره ؟
عندكم محمد الطويل؟
عندكم جندل؟
عندكم 3 يظبطوا 60 كيلوا اكل ؟
عندكم جو زي بتاعنا؟
عندكم مكان كامل المرافق نقضي فيه يوم كامل براحه تامه؟
واهم حاجه عامل الاغراء
اعملوا ونظموا واغرونا باننا نيجي وانتم حتلاقونا قدامكم كل مقابله
احنا قدمنا العرض بتاعنا بيسين وشوي وجاكوزي وشيشه
والمره الي فاتت تورته وشاليه وجنينه
واللي قبلها شاليه وكورنيش وبحر وترافيك ممتاز من اجود انواع البشر
ههههههههههههههههههههههههه ههههههههههههههههههههههههه هههههه

بس برضه نجيلكم يا برنس علشان احنا معندناش اغلي منكم

يا عم شنورى انت حسستنا ان القاهرة دى نجع أو كفر مش محافظه وكمان العاصمه

ياباشا احنا بعون الله قدها

وهنعمل تنظيم جامد قوى ودة مش تنافس معاكم لكن اثبات ان القاهرة والقاهريين يقدروا يعملوا وينظموا مقابلات .

مع العلم إن إسكندريه هتفضل دايما ليها رونق وسحر خاص عندنا وعندكم ودة لأنها عروس البحر المتوسط .

وأكيد يا قرصان البحر إنت ليك دور دايما ودور رياضى كمان بصفتك السكرتير التنفيذى لمركز شباب الشيشه

**SHNORY** · 31-05-2010 05:01 PM

المشاركة الأصلية كتبت بواسطة alaa74

يا عم شنورى انت حسستنا ان القاهرة دى نجع أو كفر مش محافظه وكمان العاصمه

ياباشا احنا بعون الله قدها

وهنعمل تنظيم جامد قوى ودة مش تنافس معاكم لكن اثبات ان القاهرة والقاهريين يقدروا يعملوا وينظموا مقابلات .

مع العلم إن إسكندريه هتفضل دايما ليها رونق وسحر خاص عندنا وعندكم ودة لأنها عروس البحر المتوسط .

وأكيد يا قرصان البحر إنت ليك دور دايما ودور رياضى كمان بصفتك السكرتير التنفيذى لمركز شباب الشيشه

يا باشا انا مقولتش ان القاهره وحشه
واصلا القاهره هي المؤسس للمنتدي ومقابلاته العامه
بس انا بتكلم علي ان انتم معندكمش مكام ممكن نؤجره ليوم كامل وخصوصا ان كان المؤجرين شباب
احنا بحكم اننا مصيف فالموضوع ده متاح
كمان يا عم ما تنظموا هو قالكم متنظموش
وحقكم عليا
بعد كده
ممنوع اي قاهري يحضر مقابلات في اسكندريه
خليكم في بلمدك واحنا حنبقي نجيلكم لما تنظموا

============================
ندااااااااااااااء للاسكندرانيه
يا جماعه فضولي نفسكم خميس وجمعه اي اسبوع وفيه صديق ليا عنده شقه في العجمي قريبه من البحر جدا
نروح نقضي السهره علي الروف ونطلع الساحل تاني يوم ونرجع نريح
واياااااااااااااااااااااا ااااااااااك
اشوف قاهري في اليوم ده
خليهم ينظموا في بلدهم براحتهم

**alaa74** · 31-05-2010 05:39 PM

المشاركة الأصلية كتبت بواسطة abou_ruqi

يا عم لما تتعرف على واحد عاجز , ما ينفعش تفضل طول النهار تعايره يا عاجز يا عاجز , عيب يا شنوري دول بني أدمين زيينا !!!!!
وبعدين دي حاجة بتاعة ربنا و احنا مخترنهاش , هو ربنا خلقنا في مكان نشم فيه النسيم العليل و هما ربنا خلقهم يشموا تراب !
هو ليه حكمة في كده , احمد ربنا على صحتك واسكت يا أخي !!!

أنا بعتذر للأخوة القاهراوية عن سوء خلق الأخ شنوري معاهم

على فكرة كل اللي كان بيعادوا الشيشة , كل واحد ماسك فيهم لي دلوقتي في مركز شباب الشيشة ,وأنت حتيجي حتيجي متحاولش تقاوم

بالمناسبة أنت قمت بالسلامة و ألا لسه ؟؟؟ أنا عاوزك بس لما تفوق خالص , ماشي؟

يا عم هما الاسكندرانية مبسوطين علشان مبيحبوش يطلعوا منها
والقاهراوية مبسوطين علشان بيغيروا جو

عاوز تنكد على الفريقين ليه بقه ؟؟؟؟

على فكرة من ضمن ا لمستشارين في اتخاذ القرار كان خالد طلعت والبدري ودول من قبيلتكم

وأنت جاي تقول قدامهم كده عادي ؟؟؟

طيب ماشى يا اسكندرانيه ارحموا بقى اخوانكم القاهريه العجزة

المقابله الجايه هتكون فين ؟