مواهب نايل موتورز .... عايزين يوم رياضى

**mido777** · 31-05-2010 12:55 PM

السلام عليكم ورحمة الله ......... ازيكم يا شباب نايل موتورز

فى البدايه عايز اشكر كل اللى حضر مقابلة الكنج مريوط وبقولهم اسكندرية كانت منورة بيكم...

على فكرة يا شباب المقابلة دية خرًجت طاقة غير عادية عند كل الناس اللى حضرت
" اتفرجوا على صور المقابلة واالعب اللى كان بيحصل فى البر والبحر او البسين بمعنى ادق :) "

المهم ...
مبدئيا كنا عايزين نعمل يوم رياضى للأعضاء ونظمها على حسب اقتراحتكم
يعنى مثلا :
الشباب الأسكندرانية لو نقدر نتجمع يوم جمعة مثلا على الساعة 8 او 9 مساء ونروح نادى سموحة (ممكن يكون اغلب الأعضاء مشتركين فيه) او نأجر ملعب فى مدينة مبارك او ملعب السكة الحديد
ونعمل شوية ماتشات ولا كاس العالم

وطبعا يا سلام بقه لو فيه ناس تيجى من القاهرة او احنا نروحلهم ونلعب ماتش على كأس نايل موتورز بين القاهريييييين والأسكنننننننننننننندراني ة

وعلشان نحمس اللعب كريم منير
حيجيب للفريقين الفائز والمهزوم تي شيرتات و كابات ومجات نايل موتورز اللى شوفناها فى المقابلة ...

عايزين نشوف اقتراحات .....
ش

**alaa74** · 31-05-2010 01:17 PM

أتشرف بأن أكون أول واحد يرد عليك يا محمد باشا

وانا شكرتك فى موضوع تغطيه المقابله لكن بكرر شكرى ليك هنا مرة تانيه على حفاوة الإستقبال والترحاب والمودة اللى هى مش جديدة عليك .

وأنا سعيد جدا بمعرفتك وانت فعلا من الشخصيات المحترمه جدا جدا وربنا يديم المحبه والمعروف ما بين كل عائله نايل موتورز .

أما بخصوص إقتراحك فانا أول واحد مؤيد الفكرة وبشجعها مع إنى

ملعبتش الماتش الجامد لأنى كنت مع كتيبه الكوماندز اللى راحت

تجيب التورته ( شنورى وأبو هاشم وأحمد النقراشى ) مع حفظ

الالقاب .

لكن هيكون يوم مميز فعلا كونه يوم رياضى بمعنى لو فى اسكندريه

اوحتى هنا فى القاهرة نقدر نعمل حاجات كتير بحصوص الموضوع دة

منه نتقابل ونحافظ على تواصل الاعضاء وكذلك نمارس رياضه وخاصه للاخوة أعضاء مركز شباب الشيشه اللى حضرتك من مؤسسيه وأنا الحمد لله مش من أعضاؤة .

عموما أنا جاهز لأى ترتيب داخل القاهرة ومعاك يا باشا .

تقبل تحياتى .

**alaa74** · 31-05-2010 01:47 PM

المشاركة الأصلية كتبت بواسطة mido777

علاء باشا ..... ازيك و اخبارك ايه ؟؟؟ يارب تكون فى أفضل حال ....

عايز اقولك انك فاتك كتيييييير فى دورى الشركات اللى كنا عاملينه ......

ان شاء الله تتعوض .....

الله يسلمك يا محمد باشا

الحمد لله كله بخير

وأنا علشان عارف إنى فاتنى كتير قوى فى دورى الشركات بتاع المقابله بؤيدك فى الفكرة وجاهززززززززززززززززز

ومش رايح مع شنورى تانى أجيب تورته لأنه فاتنى ماتش كرة الماء وماتش كرة القدم

وعموما بالهنا والشفا التورته والماتشات .

**kh_talaat** · 31-05-2010 01:51 PM

محمد بك الطويل

اقتراحك اسعدني جدا وجرى الدم في عروقي لأن فعلا الواحد في احتياج دايما لممارسه الرياضة لكن لظروف الشغل ومشاغل الحياة اليومية بتخلي الواحد ينسى ومحتاج حد يشجعه

وممكن مثلا يتم عمل دوري للقاهريين ودوري للأسكندرانية ونتقابل في التصفيات

وفي انتظار الاقتراحات

**Eng.Geo** · 31-05-2010 01:54 PM

معاكوااااااااااااا
كنت ناوي أعمل الموضوع ده بس لما تيجي الأجازة عشان أبقي فايق ونقدر ننظم مباريات
شرف ليا اني أبقي معاكوا :)

**abou_ruqi** · 31-05-2010 02:04 PM

جاري تظبيط الطلعة مع مجلس حكماء المنتدى

**M.almaghraby** · 31-05-2010 02:10 PM

حلوة اوي الفكرة

**mido777** · 31-05-2010 02:16 PM

المشاركة الأصلية كتبت بواسطة badry78

كابتن محمد الطويل
معاك معاك معاك لحد النهائي ان شاء الله
بس يا ريت يكون بقى اللعب متنوع
يعني ماتشتات قدم وكرة طائرة وكرة سلة
وكل فريق يرشح واحد او اتنين يلعبوا تنس طاولة وشطرنج

بس اعمل حسابك نبقا فى فريق واحد ....

المشاركة الأصلية كتبت بواسطة kh_talaat

محمد بك الطويل
اقتراحك اسعدني جدا وجرى الدم في عروقي لأن فعلا الواحد في احتياج دايما لممارسه الرياضة لكن لظروف الشغل ومشاغل الحياة اليومية بتخلي الواحد ينسى ومحتاج حد يشجعه

وممكن مثلا يتم عمل دوري للقاهريين ودوري للأسكندرانية ونتقابل في التصفيات

وفي انتظار الاقتراحات

خالووووووود .... ايه الأخبار
ياريت والله الموضوع ده يتنفذ .... بس على فكرة اعمل حسابك تبقى حكم فى الماتشات اللى حلعبها

المشاركة الأصلية كتبت بواسطة eng.geo

معاكوااااااااااااا
كنت ناوي أعمل الموضوع ده بس لما تيجي الأجازة عشان أبقي فايق ونقدر ننظم مباريات
شرف ليا اني أبقي معاكوا :)

ياللا شد حيالك ... والشرف لينا

المشاركة الأصلية كتبت بواسطة abou_ruqi

جاري تظبيط الطلعة مع مجلس حكماء المنتدى

حلاوتك وانت بتظبط ... ومتنساش تشوف نادى اكاسيا ...

-

-

الموضوع: مواهب نايل موتورز .... عايزين يوم رياضى

LinkBack

أدوات الموضوع

عرض

مواهب نايل موتورز .... عايزين يوم رياضى - انشر الموضوع فى :

-

-

-

-

-

-

المواضيع المتشابهه

اول راب باسم منتدي نايل موتورز يخص بايكرز نايل موتورز

حصريا لنايل موتورز - نايل موتورز يكرم فريق هندسة المطرية

عايزين نعمل شات (حمله عايزين شات في نايل موتورز)

الكلمات الدلالية لهذا الموضوع

المفضلات

المفضلات

ضوابط المشاركة