الموضوع: الحمد لله تم شراء اوكتافيا 2008 " مستعملة"

المشاركة الأصلية كتبت بواسطة محمد المصرى

الحمد لله تم شراء اوكتافيا 2008 a5 اليجانس خليجى منذ حوالى شهر و فى خلال هذا الشهر تم السير بالسيارة حوالى 3000 ك م

اولا مواصفات السياره
1. اللون اسود فرش نصف جلد رمادى " فابريكا بره وجه "
2. السيارة ماشية 45 الف ك م " فى الشهر بعد الشراء تم السير حوالى 3 الاف ك م"
3. كل الكماليات زينون – فتحة سقف – حساسات – بخاخات - جنوط 17
"ما عدا تسخين الكراسى و الكراسى الكهرباء "
4. تم لشراء من المالك الاول

ثانياً : الكماليات الاضافية " من قبل المالك الاول "
1. الكاسيت تم تغيره بالتوكيل بكاسيت ديفيدى اصلى صينى
2. الفوج لايت تم تغير بزينون "رائع"
3. تم تركيب حساسات امامية

ثالثا : طريقة الشراء "
حوالى شهرين من اللف فى المعارض وسوق الجمعة واعلانات الوسيط واعلانات الاهرام وطبعا كونتاكت كار والحمد لله ربنا وفقنى فى واحد ابن حلال من اعلانات الاهرام وتمت مقابلته ونظره سريعة على السيارة وبعد التحدث مع صاحبها علمت من خلالها انه المالك الاول ويقوم بعمل جميع الصيانات فى مركز الاقصى " المعادى بجوار كارفور"

رابعا : الفحص
· فى اليوم التالى ارسلى السيارة مع سائقه الخاص الى مركز الاقصى " انا طلبت ذلك للتأكد من الصيانات السابقة للسيارة"
· تم التأكد من الصيانات السابقة فى مركز الاقصى وكانت والحمد لله كلها معمولة فى المركز
· تم تسليم السيارة للفحص الشامل الساعة 10 صباحا
· تم استلام السيارة الساعة حوالى 3 ظهراً واستلام التقرير
· تكلفة الفحص 500 جنيه
· الناس هناك محترمة وكويسه جداً "بس طبعا انا مشفتش الفحص "
· الاستراحة جميلة و المشروبات ببلاش وممكن تشوف السيارة على الونش وبعد كده باقى الاقسام مش ممكن تشوف السيارة

خامسا : تقرير الفحص " طبعا مش هقدر اكتبه كله انا هكتب الملاحظات فقط "
· السيارة تحتاج الى تغير كاوتش
· تحتاج الى ريشه مساحة خلفية
· الكاسيت الاصلى تم تغييرة فالتالى خاصية البلوتوث لا تعمل " مش مهم لان الكاسيت الموجود فيها به خاصية البلوتوث "
· السيارة تحتاج الى تغيير زجاج مامى " نقرة صغيرة جدا بالزجاج " طبعا مش هغيره
· تحتاج اعمال سمكرة ودوكو " 2 نقرة صغيرة جدا بالسقف بسبب طوبة – شكلها مش حلو بس انا قولت عشان العين " طبعا مش هعمل حاجة لانهم صغيريين جدا وطبعا مش هرش السقف
· وتم التحدث مع مهندس بالمركز محترم جدا جدا وكان السؤال بالضبط اشترى العربية ده ولا اصرف نظر وكان الرد العربية ما شاء الله نظيفة وتوكل على الله

سادسا : انطباعى عن السيارة
· الثبات الرائع " انا كنت راكب قبلها اوبل فيكترا مو 99 وطبعا الاوبل رائعة فى الثبات " بس الاوكتافيا اشد ثباتا من الاوبل
· العزل جيد جدا
· التكييف ممتاز جدا
· السحب طبعا الطلعة بطيئة بس بعدها خلاص سحب رائع
· العفشة الناشفت الى الناس اتكلمت عليها انا مش حاسس بيها عشان الاوبل برده عفشتها ناشفة

واخيراً اتمنى ان اكون قدمت افادة للمنتدى الجميل ده وخصوصاً قسم الاسكودا لاننى بجد استفدت منه جداً جداً

الف مبروك
وخدتها بكام

مبروك يا باشا
وربنا يديك خيرها ويكفيك شرها