حد يعرف اخبار عن شركة الاجهوري او حد هنا في السعودية

السلام عليكم ورحمة الله وبركاته

يا جماعة بإختصار ( الاجهوري ) دي شركة توظيف اموال كانت موجودة في السعودية من حوالي 25 سنة

عاملة زي الريان واشرف السعد

وانا كان اهلي في الوقت دا موجودين في السعودية و كانو حاطين فيها فلوس

يعني في حدود 25 الف دولار

المهم طبعا رحات عليهم بس انا وانا بدور قريب علي النت بلاقي علي مواقع سعودية ان الحكومة هناك بتبيع اراضي كانت ملك الاجهوري وبترجع للناس المساهمين فلوسها او جزء منها

بس انا مش فاهم اوي ومش لاقي حد يفيدني في الموضوع دا

احنا معانا كل الورق طبعا

بس عاوز اعرف انا لو حبيت اقدمه وانا حاليا في مصر علشان اثبت حقنا او اخد نصيبا

وبسئل ومش عارف اوصل لحاجة

والمبلغ مش صغير

غير انه لو كان الوقت دا كله في بنك كان زمانه تضاعف كذا مرة
غير سعر فرق العملة

المهم مش عارف اوصل لحاجة

ياتري حد فيكم يقدر يساعدني في الحوار دا او سمع عنه اي حاجة

او في السعودية يقدر يسئلي

هي الشركة كانت في السعودية في مكة - ومقر الشركة في جدة

حاول توصل للسلطات السعودية دى لو بالتليفون ولو حتى استعدى الامر انك تنزل هناك لحد ما تتفاهم معاهم تاخد ارض ولو حتى جزء من الفلوس عليك وعلى السفارة السعودية هنا لحد ما توصل لحاجة

وربنا يوفقك يارب ويكرمك

حضرتك الأول تشوف محامي جيد وتعرض عليه القضية وهو هيقولك بداية الطريق منين عشان تاخد حقك بالقانون واللي أعرفه أنك ممكن تخاطب الجهات هناك عن طريق الخارجية المصرية وهيردوا عليك ولكن أسأل المحامي عن الأجراءات القانونية الواجب أتباعها في الحالة دي سواء باعوا أراضي أو لم يبيعوا دة حقك ولازم تطالب بيه .

آلاف مستثمر ينتظرون خروج الأجهوري من السجن لاستعادة 700 مليون

- "الاقتصادية" من الرياض - 21/01/1429هـ
أكد مصدر مقرب من فؤاد الأجهوري رجل الأعمال السجين الذي قضى نصف حياته في سجني جدة والرياض، أنه تم ترحيله من سجن الملز في العاصمة الأربعاء الماضي إلى السجن العام في جدة.
وقال المصدر "تمت تسوية قضية الأجهوري، حيث إن هناك وعودا بإطلاقه من السجن غدا الأربعاء في جدة، وذلك بعد أن قضى نحو أكثر من ربع قرن في السجون السعودية".
وينتظر المستثمرون: 3575 سعوديا و1470مصريا و1907 فلسطينيين و1777 أردنيا والباقون من جنسيات مختلفة، خطوات جادة لإعادة أموالهم البالغة 700 مليون ريال من خلال بيع بعض الأراضي العائدة لشركة الأجهوري من قبل المصفي الدكتور عبد الله عمر نصيف.
وتحدثت لـ "الاقتصادية" ابنته - فضلت عدم ذكر اسمها- أنها لا تعلم عن إطلاق سراح والدها، مشيرة إلى أن آخر اتصال كان مع أبيها قبل نحو ثلاثة أشهر من سجن الرياض.
في مايلي مزيداً من التفاصيل:
أكد مصدر مقرب من فؤاد الأجهوري أشهر رجل أعمال، السجين الذي قضى نصف حياته في سجني جدة والرياض، أنه تم ترحيله من سجن الملز في العاصمة الأربعاء الماضي إلى السجن العام في جدة.
وقال المصدر "تمت تسوية قضية الأجهوري، حيث إن هناك وعودا بإطلاقه من السجن غدا الأربعاء في جدة، وذلك بعد أن قضى نحو أكثر من ربع قرن في السجون السعودية".
وينتظر المستثمرون منهم 3575 سعوديا و1470مصريا و1907 فلسطينيين و1777 أردنيا والباقون من جنسيات مختلفة خطوات جادة لإعادة أموالهم البالغة 700 مليون ريال من خلال بيع بعض الأراضي العائدة لشركة الأجهوري من قبل المصفي الدكتور عبد الله عمر نصيف.


بقية الخبر هنا

http://arb3.maktoob.com/vb/arb157450/

خبر جديد في 2009

http://www.slaati.com/inf/news.php?action=show&id=4349

ودة أعتقد أجدد خبر عن الموضوع دة من حوالي خمس شهور

20/12/2009
عكاظ
رجح المحاسب القانوني لتفليسة الأجهوري صالح النعيم، أن يقام المزاد العلني لبيع أرض الأجهوري في أبحر الشمالية في شهر صفر المقبل. وقال لـ «عكاظ» إنه ستتم إعادة رؤوس أموال مستثمري ومودعي الأجهوري وفقا لخطة تم إعدادها وعلى دفعات. وقال «إنه لولا مكرمة خادم الحرمين الشريفين بإجازة أحد الصكوك الملغاة والمتعلقة بمخطط حي الشاطئ في مدينة جدة، مساعدة لدائني الأجهوري، ما تمكن أحد من رد حقوق هؤلاء المستثمرين».

http://www.gulfbase.com/site/interfa...ntr=0&n=107251

معلومات عن القضية من جريدة الأسبوع
بتاريخ

4/5/2010

http://www.elaosboa.com/elosboaonlin...228&vnum=fesal

هتلاقي في آخر الخبر أن في ناس كتير مقدمين شكاوي ومش سايبين حقهم وأكيد في كشوفات بأسمائهم يبقى لازم تقدم طلب وتوف حقك عشان تدخل معاهم بحيث أي فلوس ترجع يبقى أسمك موجود وتاخد حقك بأذن الله .

اقتباس:

---

المشاركة الأصلية كتبت بواسطة aboelnagah

حاول توصل للسلطات السعودية دى لو بالتليفون ولو حتى استعدى الامر انك تنزل هناك لحد ما تتفاهم معاهم تاخد ارض ولو حتى جزء من الفلوس عليك وعلى السفارة السعودية هنا لحد ما توصل لحاجة

وربنا يوفقك يارب ويكرمك

---

انا فكرت فعلا في السفارة السعودية
بس المشكلة الي شايفها ان انت لازم يبقي معاك واسطة او حد تعرفه هناك
يا كلامي معاهم مش هيبقي ليه اي قيمة
ولا هما هيعملو حاجة

بس برضه ان شاء الله ناوي اسئل هي موجودة فين ونروح قريب
وابقي بعمل الي عليا

اقتباس:

---

المشاركة الأصلية كتبت بواسطة ashturbo

حضرتك الأول تشوف محامي جيد وتعرض عليه القضية وهو هيقولك بداية الطريق منين عشان تاخد حقك بالقانون واللي أعرفه أنك ممكن تخاطب الجهات هناك عن طريق الخارجية المصرية وهيردوا عليك ولكن أسأل المحامي عن الأجراءات القانونية الواجب أتباعها في الحالة دي سواء باعوا أراضي أو لم يبيعوا دة حقك ولازم تطالب بيه .

---

برضه ياباشا بيتهيألي في بلدنا العزيزة علشان اقدر اخاطبهم عن طريق خارجيتنا
لازم اكون اعرف حد هناك
بس برضه انا ما فكرتش في موضوع المحامي والخارجية
وهحاول فيهم برضه ان شاء الله

بس ياريت لو حد يعرف اي حاجة جديدة يبلغني

حسب اخر الأخبار المفروض هيتم صرف دفعة من رأس المال للمستثمرين فى شركة الأجهورى و المفروض الكل يحدث بياناته فى موقع أمانة التفليسة :: SACAD :: Saleh Al-Naim ::.

أو رقم الفاكس 0096622573700

بسسس المشكلة بالنسبة للى الوالد اتوفى كده مش عارف هيعملوا ايه لأنه فقط هيتم ارسال الأموال لحساب المستثمر مش للورثة ياريت أى حد عنده معلومة يقوللى