عرض للطباعة
السلام عليكم
لقيت اعلان علي النت عن شقق في العبور الجديدة قبل سوق العبور تقسيم جمعية امنحتب
واتصلت وعرفت انها في طريق مصر الاسماعيليه
في الكيلو 23 تقريبا علي الطريق مباشره
جنب شركه مرسيدس وبنزينه توتال
قبل كارفور بحوالي 3 ك
ياريت ياجماعه لو حد عنده فكره عن المكان ده وهل هو مكان راقي ولا مش اوي
وشكرا
انا معنديش فكرة عن المكان بس لو أمكن ياريت حضرتك تدينا فكرة عن النظام في المكان ده وإذا كان فيه تسهيلات في الدفع ولا لأ.
هو ده نص الاعلان اللي وجدته علي احد المواقع العقارية
بسم اللة الرحمن الرحيم
للبيع شقق العبور الجديدة قبل سوق العبور تقسيم جمعية امنحتب برج العروة الوثقى مساحات 105 م 192 م 194 م
مساحة 105 م غرفتين ريسبشن قطعتين حمام ومطبخ الاسعارللتقسيط 157 الف مقدم 75 الف والباقى على 30 شهر
مساحة 192 م ثلاث غرف ريسبشن ثلاث قطع 3 حمام غرفة معيشة الاسعار للتقسيط 288 الف مقدم 130 الف والبقى على 30 شهر بدون فؤائد
مميزات الموقع
يتميز الموقع بالقرب من الشارع الرئيسى
مساحات خضراء واسعة
مداخل رخام انتركم مركزى
جميع الخدمات
واجهات معمارية كلاسيكية فاخرة
اسنسير ماركة عالمية
يوجد مساحات للاستلام الفؤرى
تحياتي
ياريت لو حد عنده اي معلومه عن المنطقه دي
متشكر جداً لحضرتك
أنا حسبتها لقيت القسط حوالى 2750 ج شهرياً
بيسلمك امتى ؟
و هل الشقق تسلم كاملة التشطيب ؟
لا اعتقد انها كامله التشطيب
اكيد علي المحارة
عموما ممكن تتاكد لو اتصلت بيهم
لو تحب التليفون ممكن ابعته علي الخاص
انا اللى اعرفه انها نظام عمارات بس مش زي المدن الجديدة يعني ابراج 10 ادوار والسعر من رأيي كويس لأنه قسط وحتي لو كاش يبقي معقول مقارنة بالعبور وطبعا الشقق بتتسلم نصف تشطيب.
شكرا علي رد حضرتكاقتباس:
المشاركة الأصلية كتبت بواسطة محمد محمد
لكن هل المكان راقي ومتوفره فيه كافه الخدمات ؟
هي لسة مسكنتش معظم العمارات هناك لسة بتتبني.اقتباس:
المشاركة الأصلية كتبت بواسطة amr5500
شكرا لاهتمامكاقتباس:
المشاركة الأصلية كتبت بواسطة محمد محمد
وجزاك الله خيرا
كان لي سؤال اخير هل موقع المنطقه دي يعتبر موقع مميز ؟
واسف للازعاج
تحياتي
هو موقعها مميز لأنها قريبة جدا من طريق مصر الأسماعيلية لكن معالمها وخدماتها لسة مش واضحة.اقتباس:
المشاركة الأصلية كتبت بواسطة amr5500
الف شكراقتباس:
المشاركة الأصلية كتبت بواسطة محمد محمد
وجزاك الله كل خير
ياريت حضرتك تقول سعر المتر كام علشان نقدر نفيدك لو فيه بديل فى العبور نفسها
وربنا يوفقك
شكرا لاهتمامكاقتباس:
المشاركة الأصلية كتبت بواسطة dolly13
هو المتر ب 1500 جنيه تقريبا
تحياتي
متابع............
حضرتك السعر ده وازيد منه حاجة بسيطة ممكن تاخد بيه حاجة مضمونة فى العبور وتاخد بفلوسك كل الامتيازات اللى فى المدينة لانى بصراحة ودى وجهة نظرى مش شايفة ان السكن على طريق سريع او بالقرب منه دى ميزة بالاضافة لان المنطقة دى كان جارى العمل فيها من سنين طويلة ولكنه توقف لاسباب لا اعلمها بس معلوماتى ان المشروع اللى توقف ده كان تبع الجيش
وربنا يوفقك للخير
شكرا علي نصيحه حضرتكاقتباس:
المشاركة الأصلية كتبت بواسطة dolly13
بس اعتقد ان الارض دي غير تابعه لللجيش
ربنا يسهل وانزل قريب العبور واشوفها علي الطبيعه
بس انا كنت سمعت ان العبور فيها مشكله مياه حوفيه
كانوا اثاروا الموضوع من فترة في العاشرة مساء تقريبا
هل ده حقيقي؟
وجزاكي الله خيرا
معروف ان اي منطقة قريبة من منطقة عسكرية تبع الجيش بيكون الجيش مشترط ارتفاع معين ووجود هذه العمارات بهذه الأرتفاعات شيء يدعو للأستغراب!!اقتباس:
المشاركة الأصلية كتبت بواسطة amr5500
موضوع المياه الجوفية ده مثير للجدل بين انها فعلا مياه جوفية او عيوب في شبكات الصرف والطرد وده اللى بيدفع بعض الناس انهم ياخدوا في احياء غير مميزة اوي زي التاني والأول بنفس سعر الفيلات لوجود هذه الأحياء علي منطقة عالية....لكن في الغالب هي مش مياه جوفية.
شكرا لحضرتك للايضاحاقتباس:
المشاركة الأصلية كتبت بواسطة محمد محمد
علي فكرة ارض جمعيه امنحتب انا سمعت انها غليت جدا في الفترة الاخيرة
وبالنسبه للارتفاعات دي في مدينه نصر مثلا في ابراج 10 و12 دور وقدامها مناطق عسكريه مباشرة
اكرر شكري لحضرتك
تحياتي
لا شكر على واجب
وفعلا لما حضرتك تنزل تشوف بنفسك هايبقى افضل
وبالنسبة للمياه اللى ظهرت فدى كانت عيب فى الشبكات فعلا مش مياه جوفية والحكاية دى خلصت من زمان
الموضوع قديم اكتر من سنتين
هل في اخبار جديدة عن عمارات جمعيه امنحتب
هل اتضحت الرؤيه هناك
هل المتطقه راقيه؟
ارجو كل من عنده فكرة عن المنطقه يشاركنا ويقول انطباعاته عنها
وشكرا
مش عارف بصراحة!...انا شقتي في العبور فيي الحي الترفيهي...بس ماشفتش المكان دة..وعموما العلور روحها حلوة ومريحة نفسيا ..
هي علي طريق مصر الاسماعيليه مباشرة الكيلو 23 تقريبا
جنب شركه مرسيدس وبنزينه توتال
عمارات عشوائية بدون تقسيم واضح ولامرافق مرخصة وضهرها السلام والنهضة يعتبرو هما الملاصق ليها يعني صباح الحرامية اللي بجد
حرام يتدفع فيها الفلوس دي وجبنها العبور بفروقات بسيطة
شكرا علي النصيحه
تحياتي
دى فى الصحراء و بتبص على مصر الاسماعليه يعنى صباح الدوشه و الصداع و كفيا انها على هاى واى يعنى تلوث
دى غير انهم مسمينها جسر السويس الجديده انا مشفتش معالم للعماير دى بيعلنو عنها يقالهم 3 سنين
عمارات متفهمش كومبموند و لا دى حى ولا ده ايه