شكرا لجيمع السادة الأعضاء المشاركين بأرائهم .. وطبعا أنا شايف إن الأغلبية بتقولى بلاش علشان صلة القرابة
لكن حتى لو ما تمتش الصفقة أنا هشترى الإلنترا زيرو والمشكلة إنى فى الحالة دى مش هقدر أبيع اللانوس لحد غريب لأن
حماية متمسك بيها وهيشتريها حتى لو ما باعش الإلنترا وبالطريقة دى مش هقدر أبيع اللانوس لحد غريب وطبعا برضه هيكون فيه
حساسية فى مسألة تحديد سعرها لأنى بصراحة إذا كانت تسوى عند كل المعارض 49 ألف أنا ممكن أبيعها بـ 50 و 51 كمان لأنى
أول مالك وعارف عربيتى كويس، لكن طبعا مش معقول هتاجر على حماية لأنه أكيد فيه عشم بيننا بس العشم ده لازم يكون
قصاده تنازلات مالية فى حين إنى محتاج كل جنيه علشان هشترى عربية تانية يعنى باختصار أنا مجبر أبيعله بالسعر اللى
هتتفصل بيه من طرف محايد حتى لو كان أقل من اللى أنا ممكن أقدر ابيع بيه .. وما فيش مفر وإلا هيكون فيها زعل ... يعنى لو أنا
قلتله عربيتك بـ 83 ألف هو مش هيوافق لأنه ما يعرفش أصلا أن العربية سعرها بينزل فى الزيرو فما بالك كسر الزيرو .. الموضع
فعلا شائك .. أنا خلاص مش هتشرى عربيته ، بس إزاى أقنعه إنه ما يشتريش عربيتى .. عايز أحس بالحرية وأبيعها بالسعر اللى
أنا شايفه مناسب وأتشرط براحتى مع أى حد غريب .. لكن حماية لازم يكون فيه تنازلات ولا يمكن هيشتريها بسعر السوق
علشان المفروض فيه عشم بيننا .. يا ريت ما حدش يفهم من كلامى إنى مادى .. كل الحكاية إن ممكن الواحد يجامل فى حاجات
تانية تكون بسيطة ومقدور عليها بس موضوع العربيات ده واسعة شوية خصوصا إنى هجيب عربية تانية ومحتارج فرق فلوس كبير ..
إظاهر بالطريقة دى إنى لا هبيع ولا هشترى ... أو أبيع وأرضى بالتنازلات مقابل الحفاظ على العلاقات الطيبة ...
المفضلات