محتار فى صفقة تبادل سيارات
عايز رأى الأعضاء فى صفقة تبادل سيارات
سيارتى لانوس كاملة مانيوال 2006 كنت شاريها زيرو عاملة دلوقتى 41 ألف كيلو فابريقة برة وجوه لكن فيها خبطات كثير فى الصاج على الأبواب والرفارف .... عايز أدخلها فى سيارة النترا 2009 (ضمان الوكيل) كسر زيرو (تم ترخيصها) وعاملة 2500 كيلو فابريقة جوه وبره لكن فيها خدوش قصيرة إلى حد ما و عميقة شوية واصلة للصاج على الأبواب والرفرف الأمامى لكن بصراحة بشكل عام مش باينة.
يا ترى إيه هو فرق السعر المناسب فى هذه الحالة .. علما بإن اللانوس زيرو كاملة مانيوال (شيفروليه حاليا) تعمل حوالى 70.000 جنيه والإلنترا زيرو كاملة مانيوال بـ 91500 جنيه ؟؟
الصفقة دى مش مع حد غريب دى مع حماية وطبعا هو واثق فى عربيتى وعارف كل حاجة عنها وطبعا أنا واثق فى عربيته الألنترا وعارف كل حاجة عنها .. هو تقريبا بيركبها مرة واحدة فى الأسبوع فى مشاوير بسيطة جدا .. وعلشان كده هو عايز يبيعها لأنه خايف عليها تتبهدل وهى واقفة فى الشارع فترات طويلة وما يستفيدش من الضمان وكمان هو مالهوش فى الكماليات حتى التكييف ما بيشغلوش ... وهو اللى طلب منى نعمل الصفقة دى وهو مقتنع باللانوس ومش عايز أكتر منها .. لكن بصراحة أنا ترددت لأنى خفت يحصل زعل لو قيمت عربيته بسعر ما يعجبوش لأنها مهما كان تعتبر كسر زيرو غير إن سعرها نزل لأنه كان شاريها ساعتها بـ 92700 جنيه .. وبصراحة كمان عينى كانت زايغة على السيرتوا الجديدة الفئة الأولى من الـ sx وقلت لحمايه إنى لسه بفكر علشان بقارن بينها وبين السيراتو .. لكنه قالى الإلنترا هى السيراتو ونفس الموتور إنت غاوى تكلف نفسك .. بصراحة سألت الأصدقاء والأقارب لقيتهم بيرجحولى الإلنترا كسر الزيرو بتاعة حماية ما دامت مضمونه لأنها مش من حد غريب وبلاش السيراتو ووفر فلوسك لحاجة تانية .. والحقيقة الميزة إن حماية مش مستعجل على الفلوس وهدفع الفرق بالتقسيط المريح :10D5C8w1107:... لكن المشكلة دلوقتى مين اللى يقيم السيارتين ويحدد فرق السعر من غير ما حد يزعل .. لو الصفقة دى ما نجحتش .. كده كده أنا هغير اللانوس لأنى بصراحة لما جربت الإلنترا لقيتها ناعمة جدا وواسعة وأنا كان نفسى من الأول أجيب عربية كبيرة لكن ساعة لما اشتريت اللانوس كانت هى دى أقصى إمكانياتى .. وأقلوكم بصراحة مطلقة أنا كنت مقدر لعربيتى اللانوس 52 الف جنيه والإلنترا كسر الزيرو بتاعة حمايه 81.500 جنيه يعنى أدفع فرق 30 ألف جنيه 10.000 جنيه عند كتابة العقود و 10.000 على مرتين كل ثلاثة أشهر (6 شهور = 20.000 جنيه) وبصراحة هى دى إمكانياتى الحالية ... يا ترى كده كويس ولا أنا ظلمته .. ممكن أدفع 2000 جنيه كمان فوق الثلاثين مقابل إنى هقسط المبلغ (من الناحية الذوقية يعنى) كده كويس ولا الأفضل أبعد خالص عن الصفقة دى وأستنى شوية لما يكون فى فلوس جاهزة وأشترى النترا زيرو بـ 91500جنيه وأكون أنا أول مالك ليها وأوفر تكلفة نقل ملكية فى حالة شراء كسر الزيرو .. أعتقد إن نقل الملكية للإلنترا 2009 موتور 1600 سىسى ممكن يدخل فى 3000 جنيه علشان هى مستوردة مش صناعة محلية فى حين إن نقل الملكية للسيارة اللانوس أعتقد مش هيبقى أكتر من 1000 جنيه ..
عايز أرائكم بصراحة علشان أنا محتااااااااااار جدا ومش عارف أنام :B4_592:....