الموضوع: البوية بهدلت العربية...حسبي الله ونعم الوكيل

السلام عليكم.................


حسبي الله ونعم الوكيل في كل واحد مابيقدرش غيره


انهارده الصبح لقيت حد بينده عليا وبيقولي انزل شوف العربية مدلوق عليها حاجة..........طب حاجة زي ايه بحكم اني ساعات بلاقي حاجات عجيبة من ناس ....................قالولي غالبا بوية


طبعا نزلت ومش في دماغي اكيد نقطتين بوية ولا حاجة........ألاقي ايه ..............


السقف كله والجنب اليمين كله بوية بالاحمر والعربية اصلا لونها ابيض

طبعا شوية ساكت م الصدمة والتفكير هاعمل ايه..........ولما فقت لقيتني زي اي حد عدي عليه الموقف ده.......وشتايم وقلة ادب ................ولا حد في دماغه........والناس تقولي معلش وحسبي الله ونعم الوكيل.........ودول عالم ........................

سالت كذا حد كان واقف متعرفش مين عمل كده عشان لو مسكته هــــ................

حسبي الله ونعم الوكيل......فعلا مش عارف الناس بتستفاد ايه كده




المهم........جبت جاز وكنت مقلق لتبوظ البوية.....فقلت اجرب علي حتة صغيرة لقيتها شالتها والحمد لله البوية كانت طرية مانشفتش اوي
قمت جايب البوهيجي وسالته قالي جاز وعومه عشان يفك وبعد كده ادعك .....وفعلا عملت كده وابتدي يطلع وقمت جايب كيس زي البريل وقمت غاسل العربية كذا مرة وطلعت........بس محشور بوية في حرف الازاز ومستني اوديها لواحد يعملهالي.......

وحاجة تحرق الدم بجد وبعد تعب كام ساعة غسيلها....هديت شوية وغطيتها.......مع اني سايبها فترة من غير غطاء لانه كان متقطع......بس غطيتها بيه لغاية ما اجيب واحد ان شاء الله

حسبي الله ونعم الوكيل

المشاركة الأصلية كتبت بواسطة abokoko

ممكن يكون حد من العماره بالادوار العليا بيدهن شقته
ممكن تسال وبالذات على لون مقارب للون المدلوق
على اساس ان اللون ممكن يتغير باضافه لون اخر عليه

مجرد فكره
والله اعلى واعلى
وحسبي الله ونعم الوكيل فى المؤذيين لخلق الله

هاشرحلك بالتفصيل......
بركن في حارة في وش البيت والعربية وشها برة.....الجانب بتاع السواق ناحية عمارة طالعة من فترة مكونة من 11 دور......الجانب التاني بيت عادي بتاع 3 او 4 ادوار.......البوية مغرقة السقف والجنب اليمين ( مش ناحية السواق ) وكمان البويه ع الارض....سالت الناس اللي في العمارة العادية قالوا مش عندنا........بس شاكك عشان البوية ع الجنب بتاعهم

وشاكك في البرج بس محتار ازاي....البوية ع الجانب التاني مش اللي لازق فيهم وغير كده ع الارض الناحية التانية اسفل العربية
جه في بالي ان ممكن دور عالي في الاخر هو اللي اتحدف منه ولبره اوي هو اللي ممكن يعمل كده ( برضو مجرد فكرة )