الموضوع: 20 شهيدا وأكثر من 70 جريحا حتى الآن في الهجوم الإسرائيلي على اسطول الحرية

المسألة هنا معقدة بعض الشئ,ففي بعض الحالات يحق للدول أعتراض السفن في المياه الدولية حتي و إن كانت مدنية اذا ما شكلت خطر علي اراضيها (مثال علي ذلك: اعتراض مراكب الهجرة الغير شرعية من بعض الدول الأوروبية و أمريكا و أستراليا في المياه الدولية و القبض علي كل من عليها)

يعني ايه خطر علي اراضيها؟؟؟

فين الخطر دا؟؟

اولا : مراكب الهجرة الشرعية حاجة و ايصال معونات لحد حاجة تانية

ثانيا : غزة دي تبع فلسطين مش اسرائيل ......

ثالثا : القانون الدولي بيجرم الي حصل دا لانه غير انساني

رابعا : الناس دي لا تشكل اي نوع من انواع التهديد لاسرائيل

لكنه بكاء بلا طائل و خاصة انها كانت معركة

اووه بجد معركة؟؟

هوا حضرتك بتسمي اعتداء من جنود علي مدنيين عزل " معركة " ؟؟؟

دي اسمها مجزرة مش معركة

يرجي تحري الدقة

المسألة هنا معقدة بعض الشئ,ففي بعض الحالات يحق للدول أعتراض السفن في المياه الدولية حتي و إن كانت مدنية اذا ما شكلت خطر علي اراضيها (مثال علي ذلك: اعتراض مراكب الهجرة الغير شرعية من بعض الدول الأوروبية و أمريكا و أستراليا في المياه الدولية و القبض علي كل من عليها)

لا في فرق ما بين مراكب الهجرة الغير شرعية و اللي أغلب اللي عليها بيخفوا جنسياتهم (عشان ما يترحلوش لو إتمسكوا ) فيبقا مالهمش حقوق

أما مركب في المياه الدولية يرفع علم تركيا فده قرصنة بدون جدال

ما ينفعش خالص إعتراض سفينة دولة اخرى في المياه الدولية ده في القانون الدولي

بكرة نطلع احنا اللى غلطانين ونتاسف لهم

مصر شعرت بالخجل

مصر تفتح معبر رفح أمام المساعادات الإنسانية

شوفوا كلمة اردوغان في البرلمان ... تحس حتى الناس اللي بتسقف له مش بتسقف بنفاق !

المشاركة الأصلية كتبت بواسطة pro-drive

عارف توجههك و لو رديت عليك اي رد حتقول دا اخوانجي , دا قومجي دا عربجي , و ايدولوجيات !

بس أيه رأيك في رد واحد مش مصري !

3 facts you need to know about the israeli attack on peace activists on the gaza flotilla | | alternet


اولا ثانيا ثالثا

بالمناسبه jonathan cook اللي كاتب دا صحفي بريطاني بيعمل في اسرائيل من 2001 ! مش واحد بيتحرك بدافع ايدولوجي عربي اسلامي :)

jonathan cook's news archive - israel palestine

واضح ان مقالة الاخ كوك كتبت علي عجل في اللحظات الاولي من الهجوم, فهو يطلب التغاضي عن الادعاءات الاسرائيلية لعدم وجود دليل عليها, و لا أعرف ماذا سيكون رد فعله عند يري الفيديو, ايضاً يستنكر نزول القوات العسكرية مسلحة بالاسلحة الالية, و يقول انه كان يجب استخدام اجهزة شل الحركة لفرض النظام, و لكنه كان يجب ان يذكر لنا اسم دولة واحدة في العالم يقوم حرس حدودها باستخدام أجهزة شل الحركة, فحتي بلده بريطانيا تقوم باعتراض مراكب الهجرة الغير شرعية المتهالكة شبه الغارقة بالاسلحة الالية.
نقطة أخيرة, يقول ان اسرائيل مسئولة عن القطاع و عن ادخال المساعدات و تناسي ان اسرائيل عرضت علي القافلة مرارا و تكرارا ادخال المساعدات من ميناء اشدود بعد تفتيشها, كما كان يمكن التفاوض مع النظام المصري لادخال المساعدات من معابرنا مع غزة, و لكن افراد القافلة هم من أصروا علي الادخال المباشر بدون تفتيش للاسباب لا تخفي علي أحد.
مقاله كله مردود عليه و لكن لا مجال ولا وقت للرد المفصل...

المشاركة الأصلية كتبت بواسطة ahmed samy

تصدق بالله

اهو الكلمتين دول فوروا دمي أكتر من اللي اليهود عملوه

يعنيى حضرتك شايف ان لما واحد "ينط" في مركبتك في المياه الدولية مسلح و نازل قاصد أذيتك

يعنى قرصنة 100%

و انت قمت خارم عينه و مولع فيه و حادفه من المركب كمان

تبقى غلطان !!!!

وتستاهل القتل لأنك وحش ... و "بدأت" الاعتداء


و الله غريبة بجد

قد تعتبرهم انت قراصنة, و قد أوافقك الرأي, لكن شئنا ام ابينا فهم قوات نظامية معترف بها دولياً.

المشاركة الأصلية كتبت بواسطة mr.aboody

كملو عشان عندهم هدف عاوزين يحققوا
عاوزين يكسروا الحصار باي طريقة ويوصلوا المساعدات الطبية والغذائية

هدف نبيل و جميل, و لكن ما هي خطتهم التي وضعت لكسر الحصار و توصيل المساعدات ؟ أكانوا مثلا يخططون للاستيلاء علي البوارج و المروحيات الاسرائيلية بالعصي و السكاكين مثلاً لاختراق الحصار ؟

الأخ الفاضل dodino2006
خلاصة مشاركة حضرتك اللي فهمتها حاجة واحدة
إنك بتطالب بتقنين الاحتلال الإسرائيلي للشعب الفلسطيني
بحيث إن الشعب الفلسطيني يستأذن الإسرائليين في إدخال الطعام والدواء
وإن إسرائيل يبقى عندها الحق إنها تهاجم في أي مكان (حتى لو مياه دولية) أو أي أحد (قافلة مساعدات)

الحقيقة الواحد مش بيلاقي كلمات يرد بيها على مشاركات كتير بيشوفها في مثل هذه المواضيع غير الصمت