تعمل ايه لو صحيت يوم وقريت الخبر ده ...

**محمد فريد** · 31-05-2010 05:03 PM

المشاركة الأصلية كتبت بواسطة shaddadfalcon1

هشتري العربيه اللي في نفسي
وحال البلد اكيد هيتعدل لانك هتلاقي عربيات ادميه في الشارع واللي معاه مستعمل هيجيب قدام واللي راكب 127 هتلاقيه راكب لانوس ولا لانسر يعني الموضوع حاسس انه هيبقي احسن
مش هتلاقي كل شويه الطريق متعطل عشان عربيه قديمه عطلانه او عربيتك متخبطه عشان واحد ماشي بالللادا ولا الفيات ومش همه

بس اكيد التراخيص هتبقي ناااااااااار

المشاركة الأصلية كتبت بواسطة khalid_adel

هو عمليا مينفعش يتطبق مره واحده لكن هو عشان يحصل ده لازم يكون واحده واحده
عشان نعرف ننتقل او shift للمستوي الاعلى يعني اللي راكب 127 و 128 حيركب زيرو جديد واعتقد العربيات الصيني حتختفي نظرا لان احسن منها بقى سعرها قليل
واللي راكبين عربيات فارهة زي السيراتو والسيفيك حيركبو الفئة الثالثه ولا c300
المهم كله حيتنقل نقله حلوه لفوق
بس في مشكله بقى لو منزلش قرار تكهين العربيات القديمه حتلاقي الطبقة الفقيره ركبت ال 127 و 128 اللي الناس اصحابها من الطبقه المتوسطه سابوها
وساعتها الدنيا حتبوظ وحتزيد عدد العربيات وهي مش ناقصه اصلا في القاهره بالذات
اه نسيت اقول ان طبعا ساعتها حيشيلو دعم البنزين بالكامل وحنبقى اغلى دوله في العالم في سعر البنزين ( لان ساعتها الحكومه حتفكر تكسب من ورا البنزين ) ده غير كام مسمي ضريبي زياده مع الضريبه السنويه اللي حتبقى 5 % من تمن العربيه سنويا مهما كان سعة ال سي سي (دلوقتي 2% من 2000 سي سي وانت طالع )
متقلقوش احنا شعب ذكي وحكومه اذكي ومبنغلبش

ده بالظبط اللى كنت هقوله

**ahmedhilmy** · 31-05-2010 05:06 PM

هستعيذ بالله من الشيطان الرجيم و اتغطى كويس و اكمل نوم لان ده مستحيل يحصل و لا في الاحلام

**Dr. Elsaadani** · 31-05-2010 07:49 PM

شكرا لكل السادة المحترمين اللى شاركوا او مروا على الموضوع حتى بدون مشاركة

اكيد الكل دلوقتى فاهم حاجة مهمة جدا

ان البلد بالوضع الحالى ستتدهور نتيجة الغاء الجمارك

هى ديه بكل بساطة الفكرة اللى جت فى بالى وقلت اخذ رايكم فيها

يعنى لو ده حصل - وطبعا احنا عارفين انه من خامس وعشرين المستحيلات - الوضع الحالى حيسوء

البعض سيفرح لانه حيركب بورش كايين او بى ام الفئة السابعة او غيرهم كتير لكنهم حيعانوا بيهم ومش حيستمتعوا

يبقى فاضل سؤال حيوى جدا

ازاى ننتقل لمرحلة ما قبل الغاء الجمارك علشان البلد تكون جاهزة لالغاء الجمارك

مش عارف يمكن حد يكون عنده اجابة مفيدة

جايز

شكرا للكل

**Ralliart** · 31-05-2010 08:34 PM

لازم قبل القرار يبقى في قرار بزيادة الضرايب على العربيات قبل موديل 90 بمبلغ كبير ممكن يوصل لضعف تمن العربيه ويوفرو اماكن لبيع العربيات خرده وقطع غيار
و كدا مش هنظلم اللي معاه تحفه فنيه وعايز يحتفظ بيها وفي نفس الوقت هنخلص من العربيات اللي عمرها الافتراضي انتهى من قرن ومش هنظلم اصحابها لان الجمارك اتشالت والعربيات ببلاش

وكمان لازم يتعمل قانون باعادة اختبار الرخص وعمل المخالفات بنظام النقاط (لما النقط تخلص تتسحب الرخص لمده شهرين)
دا غير تحديد دعم البنزين ببطاقه الكترونيه تخصم من حصتك الشهريه وبعد ما يخلص رصيدك تحاسب بفلوسك
وطبعاً السيارات الاقتصاديه اللي ليها نسب انبعاث وتلوث قليل للبيئه يبقى ليها خصم اكبر في البنزين + خصم 50% ضرائب

وقبل كل ده نعمل مواصلات آدميه فيها اوتوبيسات ميبقاش فيه ناس واقفه ومتشعبطه في الباب (لو الموضوع ده اتعمل ممكن نص الشعب يركن عربياته ويركب مواصلات )

واخيراً نلغي أمين الشرطه خالص ويبقى فيه ظابط وعسكري فقط

اعتقد ان كده البلد هتنضف مش هتخرب لان السبب الرئيسي للزحمه هو عطل العربيات القديمه ومخالفة القانون فهنحل المشكله بان كله يبقى جديد وكمان هنعمل الرخص بالنقط ونلغي الامين اللي مش امين علشان بلطجة المرور وفي نفس الوقت علشان الواحد ميلفش بالعربيه على الفاضي هنحدد حصة بنزبنه المدعم وهيلاقي بديل اوفر وهو المواصلات الآدميه المتحضره وهنقل من التلوث جداً وبالتالي هنقلل ميزانيه الصحه لان الامراض المنتشره في مصر واللي بيتصرف عليها مليارات من نفقة الدوله سببها تلوث الهواء وتلوث الماء ولو تم صرف الفلوس اللي بتتصرف في العلاج على حل مشكلة التلوث هنخلص من الامراض اساساً (دراسه حقيقيه)

وفي النهايه اصحى من النوم لان مستحيل ده يحصل غير من حكومه عايزه مصلحة الشعب فوق مصلحتها مش حكومة رجال الاعمال اللي بيندرج فيها المصلحه بناءً على التسلسل الوظيفي (مصلحة الوزير اولاً - وكيل الوزاره -مدير .......)

**abogogo** · 31-05-2010 08:38 PM

المشاركة الأصلية كتبت بواسطة dr. Elsaadani

يبقى فاضل سؤال حيوى جدا

ازاى ننتقل لمرحلة ما قبل الغاء الجمارك علشان البلد تكون جاهزة لالغاء الجمارك

مش عارف يمكن حد يكون عنده اجابة مفيدة

جايز

شكرا للكل

اول حاجه الم الفلوس الى اتنهبت من البلد من الكلاب والم الكلاب واحبسها عقابا على الى عملوه في البلد
ثانيا توزيع سكان مصر توزيعا استراتيجيا بعمل مشروع قومي بأخراج الشعب من الوادي الضيق الى الاراضي الشاسعة الغير مأهوله الي تقريبا 90%من ارض مصر
ثالثا تنظيم البلد داخليا واستغلال ثروات البلد استغلالا امثل طبعا مع الفلوس الى اتنهبت
رابعا نقل الحكومة بشكل دوري الي كل محافظة من محافظات مصر جميعا ستة شهور لكل محافظة يعني الحكومة تدير اعمال البلد من كل محافظة ستة اشهر

**Medo.Malek** · 01-06-2010 09:01 AM

المشاركة الأصلية كتبت بواسطة ralliart

لازم قبل القرار يبقى في قرار بزيادة الضرايب على العربيات قبل موديل 90 بمبلغ كبير ممكن يوصل لضعف تمن العربيه ويوفرو اماكن لبيع العربيات خرده وقطع غيار
و كدا مش هنظلم اللي معاه تحفه فنيه وعايز يحتفظ بيها وفي نفس الوقت هنخلص من العربيات اللي عمرها الافتراضي انتهى من قرن ومش هنظلم اصحابها لان الجمارك اتشالت والعربيات ببلاش

وكمان لازم يتعمل قانون باعادة اختبار الرخص وعمل المخالفات بنظام النقاط (لما النقط تخلص تتسحب الرخص لمده شهرين)
دا غير تحديد دعم البنزين ببطاقه الكترونيه تخصم من حصتك الشهريه وبعد ما يخلص رصيدك تحاسب بفلوسك
وطبعاً السيارات الاقتصاديه اللي ليها نسب انبعاث وتلوث قليل للبيئه يبقى ليها خصم اكبر في البنزين + خصم 50% ضرائب

وقبل كل ده نعمل مواصلات آدميه فيها اوتوبيسات ميبقاش فيه ناس واقفه ومتشعبطه في الباب (لو الموضوع ده اتعمل ممكن نص الشعب يركن عربياته ويركب مواصلات )

واخيراً نلغي أمين الشرطه خالص ويبقى فيه ظابط وعسكري فقط

اعتقد ان كده البلد هتنضف مش هتخرب لان السبب الرئيسي للزحمه هو عطل العربيات القديمه ومخالفة القانون فهنحل المشكله بان كله يبقى جديد وكمان هنعمل الرخص بالنقط ونلغي الامين اللي مش امين علشان بلطجة المرور وفي نفس الوقت علشان الواحد ميلفش بالعربيه على الفاضي هنحدد حصة بنزبنه المدعم وهيلاقي بديل اوفر وهو المواصلات الآدميه المتحضره وهنقل من التلوث جداً وبالتالي هنقلل ميزانيه الصحه لان الامراض المنتشره في مصر واللي بيتصرف عليها مليارات من نفقة الدوله سببها تلوث الهواء وتلوث الماء ولو تم صرف الفلوس اللي بتتصرف في العلاج على حل مشكلة التلوث هنخلص من الامراض اساساً (دراسه حقيقيه)

وفي النهايه اصحى من النوم لان مستحيل ده يحصل غير من حكومه عايزه مصلحة الشعب فوق مصلحتها مش حكومة رجال الاعمال اللي بيندرج فيها المصلحه بناءً على التسلسل الوظيفي (مصلحة الوزير اولاً - وكيل الوزاره -مدير .......)

+11كلام اكتر من رائع بس لو يتنفذ فعلا

**Medo.Malek** · 01-06-2010 09:08 AM

المشاركة الأصلية كتبت بواسطة abogogo

اول حاجه الم الفلوس الى اتنهبت من البلد من الكلاب والم الكلاب واحبسها عقابا على الى عملوه في البلد
ثانيا توزيع سكان مصر توزيعا استراتيجيا بعمل مشروع قومي بأخراج الشعب من الوادي الضيق الى الاراضي الشاسعة الغير مأهوله الي تقريبا 90%من ارض مصر
ثالثا تنظيم البلد داخليا واستغلال ثروات البلد استغلالا امثل طبعا مع الفلوس الى اتنهبت
رابعا نقل الحكومة بشكل دوري الي كل محافظة من محافظات مصر جميعا ستة شهور لكل محافظة يعني الحكومة تدير اعمال البلد من كل محافظة ستة اشهر

حل جميل بس احب اضيف ليه حاجة بعد اذنك ( نقل الحكومة بشكل دورى .......... مع الاخذ فى الاعتبار ملائمة شوارع و تخطيط كل محافظة مروريا بشكل مناسب حتى لا تصبح فترة ال 6 اشهر عبء على المحافظة !! )
انا بقول اية !!:b4_592: