الموضوع: تعمل ايه لو صحيت يوم وقريت الخبر ده ...

هكمل نوم تاني لإنه أكيد حلم

المشاركة الأصلية كتبت بواسطة ralliart

لازم قبل القرار يبقى في قرار بزيادة الضرايب على العربيات قبل موديل 90 بمبلغ كبير ممكن يوصل لضعف تمن العربيه ويوفرو اماكن لبيع العربيات خرده وقطع غيار
و كدا مش هنظلم اللي معاه تحفه فنيه وعايز يحتفظ بيها وفي نفس الوقت هنخلص من العربيات اللي عمرها الافتراضي انتهى من قرن ومش هنظلم اصحابها لان الجمارك اتشالت والعربيات ببلاش

وكمان لازم يتعمل قانون باعادة اختبار الرخص وعمل المخالفات بنظام النقاط (لما النقط تخلص تتسحب الرخص لمده شهرين)
دا غير تحديد دعم البنزين ببطاقه الكترونيه تخصم من حصتك الشهريه وبعد ما يخلص رصيدك تحاسب بفلوسك
وطبعاً السيارات الاقتصاديه اللي ليها نسب انبعاث وتلوث قليل للبيئه يبقى ليها خصم اكبر في البنزين + خصم 50% ضرائب

وقبل كل ده نعمل مواصلات آدميه فيها اوتوبيسات ميبقاش فيه ناس واقفه ومتشعبطه في الباب (لو الموضوع ده اتعمل ممكن نص الشعب يركن عربياته ويركب مواصلات )

واخيراً نلغي أمين الشرطه خالص ويبقى فيه ظابط وعسكري فقط

اعتقد ان كده البلد هتنضف مش هتخرب لان السبب الرئيسي للزحمه هو عطل العربيات القديمه ومخالفة القانون فهنحل المشكله بان كله يبقى جديد وكمان هنعمل الرخص بالنقط ونلغي الامين اللي مش امين علشان بلطجة المرور وفي نفس الوقت علشان الواحد ميلفش بالعربيه على الفاضي هنحدد حصة بنزبنه المدعم وهيلاقي بديل اوفر وهو المواصلات الآدميه المتحضره وهنقل من التلوث جداً وبالتالي هنقلل ميزانيه الصحه لان الامراض المنتشره في مصر واللي بيتصرف عليها مليارات من نفقة الدوله سببها تلوث الهواء وتلوث الماء ولو تم صرف الفلوس اللي بتتصرف في العلاج على حل مشكلة التلوث هنخلص من الامراض اساساً (دراسه حقيقيه)

وفي النهايه اصحى من النوم لان مستحيل ده يحصل غير من حكومه عايزه مصلحة الشعب فوق مصلحتها مش حكومة رجال الاعمال اللي بيندرج فيها المصلحه بناءً على التسلسل الوظيفي (مصلحة الوزير اولاً - وكيل الوزاره -مدير .......)

بجد رأي جامد جدا بس عايز اضيف حاجة كمان لازم يزبطوا البنية الأساسية ويسفلتو الشوارع ويسيلو الحركة المرورية قدر المستطاع...........

والله يا جماعة البلد مش محتاجة غير اللى بيحبها ويحب اهلها ويخاف عليها

مش عايزة فساد وفاسدين

كل الاراء اللى اتقالت نابعة من ناس ممكن تدير البلد كويس

يعنى عندنا ناس ممكن تعمل فرق كبير لو بقيت مسئولة

اتمنى من الله ان ينصلح حال هذا البلد والذى لن يحدث ابدا الا بامثالكم وافكاركم الجميلة

شكرا للجميع

ممكن اكون مميز و اشتري عجله لباني علشان اعرف امشي و سط العربيات الي راكنه في كل حته و مفيش طريق بيمشي و الناس مش هتحتاج تركن عربيتها علشان هي كده كده راكنه