أنواع وخصائص ومواصفات زيوت كاسترول

**mesho_kimi** · 29-08-2010 03:20 AM

المشاركة الأصلية كتبت بواسطة dr_mahmod

بص انا معايا بولو 2001 غيرتلها زيت فيسكو 3000 مع صيانة ال 100000 عشان الناس شكرت فيه ... وهتلاقى كلام هنا فى المنتدى انه ممكن يقعد الحد 15 الف ...
بصراحة حسيت انه سيىء جدا قوامه كان كويس لحد 3500 كيلو وصوت العربية كان معقول . . وبعد كده مش كويس خالص ونزلته على 5500 وكان زى الميه بس ما نقصش مع العلم بان حالة الموتور ممتازه ومشاويرى كلها طوالى يعنى خلصت ال 5500 دول فى فى 3 شهور ..
انا كنت عايز اغير لتخليقى بعده بس اضطريت احط زيت معدنى تانى وهنزلة بدرى عشان ينزل نضيف شوية عن كده

تعليق بسيط الزيت كان اول مره تحطه وأول مره الزيت بيعتبر غسيل للماتور فابلكتير تنزله عند 5 الاف وبعد كده يقعد مدته الطبيعيه ، أنا حالياً عندي عامل 5000 كيلوه وماشاء الله عليه ذى الفل قل أقل من 200 جرام وزودتهم مع العلم أنى بحرق كتير / مع العلم أنى غسلت الماتور الاول بزيت فيسكو 2000 وقعدته 5000 الاف كيلو

**dr_mahmod** · 29-08-2010 08:42 PM

المشاركة الأصلية كتبت بواسطة mesho_kimi

تعليق بسيط الزيت كان اول مره تحطه وأول مره الزيت بيعتبر غسيل للماتور فابلكتير تنزله عند 5 الاف وبعد كده يقعد مدته الطبيعيه ، أنا حالياً عندي عامل 5000 كيلوه وماشاء الله عليه ذى الفل قل أقل من 200 جرام وزودتهم مع العلم أنى بحرق كتير / مع العلم أنى غسلت الماتور الاول بزيت فيسكو 2000 وقعدته 5000 الاف كيلو

انا لما حطيت الفيسكو 3000 كنت مغير معاه فلتر وكمان الزيت الى قبلة مكنتش طولت عليه فى الغيار .. بخصوص كلامك عن الفيسكو 2000 على حسب الى قرأته حتى على موقع فيسكو نفسه ان دا للمواتير القديمة
The Extra High Viscosity Oil For Older Cars ومش من ضمن الزيوت الى ممكن احطها للبولو
ياريت لو انا فاهم غلط توضحلى وشكرا

**mesho_kimi** · 30-08-2010 01:39 AM

عادي اما يتحط للبولو بتاعتي لأانى معدي ال 140 ألف كيلو بالنسبه لعربيتك ممكن تغسل بال 3000 وبعد كده تنقل للخمسه أو تكمل ب الـ 3

**elshrpeny** · 01-09-2010 07:07 PM

و أنا وجهة نظرى المتواضعة إنك تجيب كاسترول لو متاح أمامك انما لو صعب عليك توصلة يبقى خليك فى الفيسكو و أنا أعتقد إنك تجيب ال 5000 أفضل بعد الى حصلك مع ال 3000 مش ترجع خطوة للوراء و ترجع تانى معدنى يبقى أنت عملت إية ؟؟؟

**mshamy** · 28-09-2010 12:45 PM

تم إفتتاح فرع جديد للفاخوري موزع زيوت كاسترول بالغردقة
المحل في شارع الحجاز أمام ثلاجات أبو عشرة و أسعار الزيوت أصبحت كالأتي:
1- إيدج سبورت ب 350 جنيه (لاتوجد زيادة)
2- إيدج ب 270 جنيه(زيادة 10جنيه)
3- مجناتيك ب 210 جنيه (لاتوجد زيادة)
4- جي تي إكس 5000 ب 120 جنيه (زيادة 15 جنيه)
5- جي تي إكس 3000 (High mileage) ب 65 جنيه

**wallid5shafey** · 06-10-2010 11:22 PM

السلام عليكم أنا وليد معايا جيتا 2009 خليجي أنا عجبني جدا الموضوع ألي عامله الأخ الفاضل وشكرا جدا للمعلومات ألي قدمها أنا شخصيا إتصلت بالفاخوري وبعتلي الزيت من خلال موزع في أكتوبر علي فكره أنا إشتريت 2 جركن إيدج لإنه مفيش حاليا كيلو لإن الجيتا بتأخذ حوالي أربعه و نصف مع الفلتر وأكتر حاجه عجبتني في الموضوع فكره إن الواحد يحاول يجرب حاجه جديده غير الشل والموبيل ألي أغلبنا بيحطهم مع إحترامي لهذه الشركات و يجرب يحط الزيت ألي الشركه بتفضله