ربنا يخليكو يا جماعه عايز رأيكوا بوضوح نوبيرا مستعمله بحاله نظيفه جدا بحاله الزيرو ولا لوجان زيرو اوكسر زيرو
ربنا يخليكو متنسونيش ومتبخلوش عليا بالرد انا محتار:dzey:
عرض للطباعة
ربنا يخليكو يا جماعه عايز رأيكوا بوضوح نوبيرا مستعمله بحاله نظيفه جدا بحاله الزيرو ولا لوجان زيرو اوكسر زيرو
ربنا يخليكو متنسونيش ومتبخلوش عليا بالرد انا محتار:dzey:
اللوجان فيها عيوب في الصالون و العزل بالذات و قطع غيارها أغلى من النوبيرا...
خش قسم الدايو شوف قايلين إيه عليها
و ده تقرير عن اللوجان الهاي لاين (Expression) لو تستحمل عيوبها المذكورة.. توكل على الله
http://www.nilemotors.net/Nile/90472-2010.html
النوبيرا عملية اكتر وبتستحمل الشغل اكتر .. قطع غيارها اوفر .. صيانتها اسهل ... ماتورها اقوى ... تكييقها افضل وانا بسمع ان اللوجان فى منها مش باور ولا تكييف .... والنوبيرا اوسع وعائلية اكتر .... بلنسبة للشكل فهيا ازواق بس انا بلنسبالى نوبيرا اللوجان شكلها وحش اوى
انا لو مكانك هشترى النوبيرا طبعا
عملية أكتر .... مش موافق
قطع غيارها أوفر.. موافق و أبصم بالعشرة
التكييف ... للأسف مجربتهومش في التكييف
النوبيرا أوسع و عائلية أكتر.... مستحييييييييييييييييييييي يييييييييييييييييييل حضرتك أكيد مقعدش في اللوجان.. أنا قعدت في الإتنين
الشكل... النوبيرا تكسب بحق، اللوجان شكلها كشك
مش قصدي أعمل خلاف بس كدة حضرتك كنت بتضلل العضو صاحب الموضوع لمجرد إن حضرتك منحاز لعربيتك
أنا بأقول نوبيرا برضو
انا هتكلم عن العربية الى معايا النوبيرا
العيوب
1. جلب المقصات فى المقصات الامامية وحلها كان هنا فى المنتدى بتغير المقصات بمقصات اسبانى
2.الرشاشات بعد فترة بتبوظ بردة وببتغير بكذا حاجة
3.عيوب التقفيل ممكن تلاقى كرسى بيزيق وانا كان عندى الرفرف مش ماشى مع الباب بس السمكرى عدلة فى ثانية واحدة
4. وش السلندر عندى كان عايز يتربط قبل 15 الف انا جايب العربية زيرو
5.الصاج ضعيف جدا خصوصا الرفارف الامامية
6.فرامل اليد لازم تترجلش كل فترة .
المميزات:
1.العربية عائلية وواسعة جدا جدا والشنطة كبيرة جدا بردة
2. الموتور ممكن تحس انة عادى جدا خصوصا فى السرعات البطيئة على الاول والتانى بعد كدة جبار والعربية بتجمع بسرعة جدا على السرعات من بعد 40 كدة
3.العفشة ناعمة جدا ومريحة جدا كان فى واحد فى المنتدى هنا قال انك هتحس انك راكب مركب و بتعدى فوق مية دة بالضبط الاحساس الى هتحس بية فى مطبات الهواء والمطبات العادية
4. العربية ثابتة جدا جدا على السرعات العالية ودى حتى اشد اعداء النوبيرا ميقدرش ينكر كدة
5.العربية طويلة شوية وعريضة مع ذلك ابعادها واضحة جدا والمرايات فيها ممتازة
6.الشكل ازواق طبعا
7. تنك البنزين 60 لتر ودى ميزة محدش كتير بياخد بالة وهتبان اكتر فى السفر الطويل انا رحت من القاهرة الى المنيا وجيت فى نفس اليوم من غير ماحت بنزين دى عشان متحتش بنزين فى السكة او من البنزينات الى على الطريق انتا تفول قبل ما تتطلع وكدة تمام
بصراحة مفيش احسن من الجديد لكن لو بتدور على شد وحرق وثبات وتجميع يبقى النوبيرا
المقارنة بين مشتعمل وزيرو ... لصالح الزيرو بالطبع
ولكن فيه حالات فردية للمستعمل بتبقي العربية مش متهانة ومعمول لها صيانتها الدورية فبتكون افضل من الزيرو
سوزوكى ماروتى 2010
ههههههههه
يا باشا لوجان ايه بس
نوبيرا طبعا او اىحاجة مستعملة تكون كويسة
يا جماعه انا مش عارف اقولكوا ايه ربنا يكرمكم جميعا وتسلموا على المعلومات القيمه وانتم فعلا اخوه وسند
انا حقولكوا القصه بتاعتى بصراحه انا طبيب وسافرت السعوديه سنتين كده انتم عارفين يعنى تحسين الاوضاع شويه يعنى عربيه تكون احسن من الى كانت معايا (فيات ريتمو مو 80) والله كانت جميله نعمه والحمد لله
المهم سافرت على فكره دول الخليج وبالذات السعوديه معتش زى الاول بصراحه والله الدكتور الى يشتغل فمصر كويس والله انضف من الف سعوديه او دول خليك الغربه والاهانه ليها تمن غالى اوى يا جماعه مبيحسوش الا الى يسافر
مش عايز اطلع بره الموضوع بعثت فلوس لاخويا لانى نازل خلاص نهائى بعد كام شهر ان شاء الله وقلتلو اشتريلى نوبيرا تكون كسر زيروا وحالتها تكون معقوله وذلك بسبب كلام حبايبى فالمنتدى قسم الدايو المهم ياشباب الحمد لله وقعت فعربيه مو2001 وكانت ملك دكتور بالجامعه ومبيعرفش يسوق وكان جايب سواق يسوق بيه لما يحب يروح مشوار غير كده العربيه مركونه العربيه ماشيه36000كيلو بس والله بدون مبالغه يا جماعه والحمد لله ولسه بكياسها على الكراسى ومفاتيح النور وغيره لسه بكياسه الكوتشات بتاعتها الاصليه والاستبن لسه مستخدمش
لكن انتوا عارفين زمايلنا وبلدياتنا فى فكاكتهم لما قلتلهم هنا معايا فالشغل حسسونى انى اغبى انسان بالتصرف ده وكنت جبت لوجان احسنلى وقعدوا يعددولى فى جمالها وامكانيتها حسسونى انى اخطأت
بالمناسبه النوبيرا جبتها 46000جنيه كمان
فقلت ياواد خد رأى الشباب وهما الى حيخلونى اعرف انى اخطأت ولا القرار كان سليم
معلش طولت عليكم تقبلوا مرورى واحترامى وتقدير وحبى
اخوكم الدكتور محمد
طيب بالله عليك غير الكاوتش علشان زمانه شقق!! دول 9 سنييييييييييييييييييين
بارك الله فيما رزق أخى العزيز
ولكنى تضايقت من الأخ الذى يقول "يا باشا لوجان ايه بس"
أنا لا أعرف سبب هذا التحامل، هل قمت بركوب اللوجان؟ أم هو رأى شخصى؟.
يا جماعة الأراء دي أمانة أمام الله سبحانه وتعالى خاصة فى حالة المقارنات
وأخر حاجة هاقولها: أنا كنت بأفكر أجيب النوبيرا قبل ماجيب اللوجان، بس خفت من توقف إنتاج النوبيرا على مستوى العالم وده سيؤدى الى تأثر أسعار قطع الغيار على المدى البعيد بعكس اللوجان المستمرة فى إنتاجها.
شكراً جزيلاً
يا باشا قدر الله وما شاء فعل النوبيرا فيها مميزات وعيوب و اللوجان فيها مميزات وعيوب بردوا
اللى معاك هى اللى فيها الخير وطالما فى راحة نفسية للشئ ده هو الاهم
والف مبروك على الجميلة الرياضية الاقتصادية كسر الزيرو النوبيرا
وربنا يكفيك شرها ويعطيك خيرها
النوبيرا عربية جمياة جد فى كل شىء عن تجربة شخصية حمالة اسيه و قطع غيار و اسعار صيانة رخيصة و متوفرة فى كل مكان اتكل على الله و صلى استخارة و مش هتندم ده حتى شكلها برستيج كده
اللوجان حلوة جدا من جوة.. بس بحس شكلها متواضع شوية من بره .. عموما ده رأيي الشخصي و رأيي برضوا انها عربيه ممتازه لان كده كده الحلو مابيكملش في بلدنا دي سواء ب 50 الف او 500 الف
النوبيرا اثبتت كفائتها .. سعه لتريه اعلي موتور نشيط و حمالة أسيه.. بس انا افضل اشتري العربيه زيرو ... شايف ان احساس انك تبقي اول واحد يحط رجلة علي الدواسات ده يستاهل انك تدفع فيه فلوس كتير
لو أنا هختار نوبيرا طبعاً ..و انت بتقول دي مش ماشيه36 الف بس ..,
يعني استعمال نضيف ..,
انا انصحك طبعاً بالنوبيرا ...
ع فكره انا معايا نوبيرا 2005 فول اوبشن ..,وبصراحه والحمد لله بسم الله ماشاء الله عربيه روووووووعه
من كل حااااااااااااااجه .., هو بس عيب المقصات ده العيب الوحيد بصراحه .., وبتغيرهم بمقصات تانيه اسباني زي ما قال اخونا ..
بصراحه انا مش ناوي ابيعها ...هخليها ولو ربنا كرمني اجيب حاجه زيرو تانيه ..,
ربنا يوفقك ف الاختيار ..,ويكفيك شر الطريق .,
ما شاء الله كل اللى بيشكر فى النوبيرا معاه نوبيرا شئ طبيعلى جدا مع ان معظمهم مركبش اللوجان بص يا باشا ومش حقول اى وصف للعربيتين وانا عندى لوجان وركبت نوبيرا بس اركبهم الاثنين انت واحكم ازا كان اللوجان اتقارنت بالصنى والاوبترا والافيو وعربيات كتير اعلى منها فى السعر وتلاقى فى الناس مختلفه ده ان دل على شئ يدل على ان اللوجان عربيه محترمه وتحس انها ارقى من النوبيرا اللى بقالها اكتر من عشر سنين ومش علشان اللوجان تمنها 68 الف تبقى سيئه للاسف دى طريقة تفكيرنا العربيه متشال من عليها الجمارك زاكتر عربيه ممكن تاخد منها قيمه مقابل السعر وربنا يوفقك بس لازم تركبهم الاتنين قبل ما تقرر
والله يا جماعه انا مش عرف اشكركم ازاى
ربنا يخليكوا جميعا ويبارك ليكوا فى عربياتكم ويكفيكم شر كل سوء
الزيوت.. زيت الموتور تغيره و تجيب .... ....l Helixو زيت الفتيس تشيك عليه بالذات لو أوتوماتيك.. شيك على زيت الباور برضه
بالنسبة للفرامل بقى شيك على منسوب الزيت و التيل و خلي واحد كويس ياخد هوا للأربع فرد
بعد كده ... إطلع على الطريق.... طير إنت و إستمتع بسحب و ثبات النوبيرا :Oc_sun1[1]::Oc_sun1[1]:
في رعاية الله و ألف مبروك تاني
باشا....روح اتفرج عاللوجان و ادخلها من جوة الأول و شوف الأبواب و القاعدة في العربية عاملة ازاي... و متنساش تشوف مرايات الأجناب الرؤية فيها عاملة ازاي و يا ريت تقولي رأيك
ميزه على فكره موضوع العشر سنين ده مش عيب ابدا....
انا هقول وجهه نظرى ولو فيه غلط ياريت تصححه...
1-النوبيرا اوسع فى الصالون والشنطه
2-النوبيرا قطع غيار ارخص والصيانه اسهل
3-النوبيرا اقوى فى الموتور والعزم
4-النوبيرا شكلها افضل (ازواق)
5-النوبيرا سهله البيع وعمرك ما هتتعسر فى حاجه وانت معاك دايو
6-النوبيرا افضل فى السفر (كموتور وثبات وتكييف)
والسعر القليل ميعيبش العربيه ابدا...
اللوجان عربيه كويسه جدا بس لو جينا لنقطه انك بتسافر وبتحمل ومعاك عائله...النوبيرا هتبقى افضل
أنا عندي سؤال و يا ريت مايضايقش حضرتك.... أنا بحب النوبيرا قوي و يمكن أنا الوحيد في زمايلي اللي بحترمها و كنت بفكر جدياُ أجيبها زي ما بردو فكرت في اللوجان... و قعدت في نوبيرا 1 و 2 و في اللوجان.... حضرتك بقى قعدت في اللوجان أو شفت شنطتها؟؟؟؟؟ صدقني العربية وسعها رهيييييييييييييب!!!!! الشنطة بحر!!!
النوبيرا أنا لما كنت قاعد فيها أنا و والدتي في الكنبة اللي ورا خرجنا منها معجونين و أنا مش بهزر أو بتحيز لحاجة..الحمد لله أنا معايا عربية تانية غير الإتنين بس بحاول أخلي المقارنات موضوعية شوية..
مش لمجرد إن العربية شكلها صغير و متواضع من الخارج يبقى صالونها و شنطتها ضيقين
نوبيراااااااااا من غير كلام
نوبيرا طبعا بس لو كانت اوتوماتيك ابعد عنها وجيبلك مانيول
يا جماعه انا جبت النوبيرا والحمد لله ومن كلامكم كلكم العربيتين ممتازين وربنا يبارك للجميع فى عربياتهم
اهم حاجه انى والحمد لله تأكدت منكم ان اختيارى ناجح والحمد لله
وربنا يجعلكم دائما من اهل المشوره ويبارك فيكم جميعا يا اولاد بلدى يا رجاله والله
لو انا اللي مكانك و النوبيرا اللي قدامك حالتها ممتازة هاشتريها , انا مع ان اللوجان عربية حلوة (من كلام اصحابها ) , لكن النوبيرا احلى
الف مبروك ربنا يديك خيرها ويكفيك شرها