الموضوع: أنا ماسك دموعي بالعافية !!!!

المشاركة الأصلية كتبت بواسطة inspiron

متشكر جدا يا باشا..

أنا جيبت الفانوس والشبكة.والسمكري عاين العربية و الإكصدام هيتصلح عادي و يرجع زي الأول.ونفس الكلام الكابوت والرفرف.وهيرش بوية ألماني.بتاعة التوكيل وهو قال الكبوت هيتعبه شوية لكن بإذن الله هيرجع لوضعه الطبيعي...بس ممكن حضرتك تقولي تقصد إيه بإن يكون اللي تحتها سليم...

أنا خايف جدا مترجعش زي الأول.بتمني من الله إنها ترجع زي الصورة الأولي بالظبط..حضرتك شايف إيه.علما بإن التكلفة الإجمالية 3800 جنيه فيهم 1200 جنيه مصنعية.الفلوس مش مشكلة العوض علي الله.بس تفتكر حضرتك العربية ترجع زي ما كانت.يا رب الرد يكون مطمئن من غير تطييب خاطر لأن أنا نفسيا ربنا يعلم بحالي.والحمد لله علي كل شئ.

الكلام ده تمام و ما تقلقش و توكل على الله الراجل ده هايظبطهالك و هاترجع زى الاول باذن الله و قصدى تحتها سليم يعنى الردياتير و قواعده و قميص الردياتير عشان بس دورة التبريد بس ما تقلقش شكلها سليمة غير كده منظر الخبطه ديه مش مؤثر فى اى حاجة تانية و لا حتى يوصل للشاسيه و الله يا سيدى ديه بسيطة جدا جدا ربنا ما يوريك عربيات الحوادث فيه عربيات ما تقدرش تحدد ماركتها اساسا

المشاركة الأصلية كتبت بواسطة inspiron

لا يا باشا الحمدلله الخبطة موصلتش للريداتير خالص.ربنا يطمنك.

يبقا كده تمام و ما تقلقش بس نصيحة تانية العربية ما شاء الله جديدة و ينفع تتساق فالف من هايلعب بيها عند السمكرى و الدوكو فياريت لو تقدر تلزق لهم و تاخد اجازة يومين تخلص فيهم العربية هيا يوم سمكرة و يوم دهان و تبات معاك بدل البهدلة ده لو ما كانش السمكرى ثقة قوى قوى قوى لحد بكرة قول عليا موسوس او شكاك بس معلش انا حاطط نفسى مكانك و باشوف حركاتهم لاننى ساكن فى جسر السويس و قريب من الحرفيين و الورش حوليا فى كل مكان و باشوف الفرتكة بتاعت العربيات اللى بتبقا فى السمكرة و ينفع تتساق تلاقيهم ماشيين بيها و بيسوقوها بمنتهى الرعونة و ممكن يتزنقوا فى خامات و يبعتوا حد بيها ده طبعا ما يمنعش ان فيه ناس كويسة بس اضمن حاجة تبقا جمب عربيتك

المشاركة الأصلية كتبت بواسطة inspiron

عندك حق في كل الكلام..وعشان كده أنا قاعد علي إيده من بكرة إن شاء الله وأي حاجة مش عجباني مش هستلمها منه

تمام كده ربنا يوفقك و تخلص الموضوع ده على خير و اهم حاجة العربية ما تبعدش عن حضنك و قلله انا واخدلك اجازة مخصوص و تروح بيها بيتك و ما تبيتهاش ان شا الله تكون بدون رفارف و كبوت حتى
انا يوم ما شديت عربيتى روحت بيها البيت من عند السمكرى بدون كشافات و لا مرايات حتى لاننى كنت فاككهم و قعد يقوللى بيتها هاتيجى الصبح تلاقيها خلصانة قلتله ابداااااااا تبات معايا