أنا ماسك دموعي بالعافية !!!!

**inspiron** · 31-05-2010 11:42 PM

المشاركة الأصلية كتبت بواسطة ahmed galal

قدر الله و ما شاء فعل المهم انت بخير و الموضوع بسيط
الفانوس طبعا اتكسر هاتغيره او حد يلحملك الوش لو القواعد سليمة
الاكصدام الامامى هايتغير لانه بلاستك و الاصلاح مش فعال اوى و هايترش طبعا
الرفرف لو مش المونيا هايتسمكر و يترد
الكبوت نفس الكلام
الشبكة هاتتغير بردك
المهم تحت الحاجات يكون سليم و بيتهيا لى مش هايبقا فيه حاجة تانى تحتهم
و الموضوع يتم فى التوكيل او خارجة على حسب رغبتك و ان شاء الله بسيطة و تخلص على طول و ما تزعلش من الفلوس اللى هاتصرفها فيه عربيات راحت كلها ما نفعش فيها مسمار و ربنا يصبرك

متشكر جدا يا باشا..

أنا جيبت الفانوس والشبكة.والسمكري عاين العربية و الإكصدام هيتصلح عادي و يرجع زي الأول.ونفس الكلام الكابوت والرفرف.وهيرش بوية ألماني.بتاعة التوكيل وهو قال الكبوت هيتعبه شوية لكن بإذن الله هيرجع لوضعه الطبيعي...بس ممكن حضرتك تقولي تقصد إيه بإن يكون اللي تحتها سليم...

أنا خايف جدا مترجعش زي الأول.بتمني من الله إنها ترجع زي الصورة الأولي بالظبط..حضرتك شايف إيه.علما بإن التكلفة الإجمالية 3800 جنيه فيهم 1200 جنيه مصنعية.الفلوس مش مشكلة العوض علي الله.بس تفتكر حضرتك العربية ترجع زي ما كانت.يا رب الرد يكون مطمئن من غير تطييب خاطر لأن أنا نفسيا ربنا يعلم بحالي.والحمد لله علي كل شئ.

**mabdou2005** · 31-05-2010 11:55 PM

قدر الله وماشاء فعل ومتزعليش يابوحميد العربيات دة فلوس مرمية فى الشارع وعرضة لكل شيى ولازم تبقى انتى مستعد نفسيا للموضع دة انى عربيتى الفنتازيا بعد اقل من شهر كان الزجاج الخلفى مدشدش لوحدة ودفعت 1800 علشان اصلحة والحمد الله العملية عندك بسيطة بس انا راى انك تعملها فى التوكيل

**modiabbas** · 31-05-2010 11:56 PM

المشاركة الأصلية كتبت بواسطة inspiron

متشكر جدا يا باشا..

أنا جيبت الفانوس والشبكة.والسمكري عاين العربية و الإكصدام هيتصلح عادي و يرجع زي الأول.ونفس الكلام الكابوت والرفرف.وهيرش بوية ألماني.بتاعة التوكيل وهو قال الكبوت هيتعبه شوية لكن بإذن الله هيرجع لوضعه الطبيعي...بس ممكن حضرتك تقولي تقصد إيه بإن يكون اللي تحتها سليم...

أنا خايف جدا مترجعش زي الأول.بتمني من الله إنها ترجع زي الصورة الأولي بالظبط..حضرتك شايف إيه.علما بإن التكلفة الإجمالية 3800 جنيه فيهم 1200 جنيه مصنعية.الفلوس مش مشكلة العوض علي الله.بس تفتكر حضرتك العربية ترجع زي ما كانت.يا رب الرد يكون مطمئن من غير تطييب خاطر لأن أنا نفسيا ربنا يعلم بحالي.والحمد لله علي كل شئ.

متقلقش يا احمد السمكريه عفاريت بيعملوا اى حاجه و يرجعوها زى الاول !! كان عندى قطه فى شاسيه العربيه من تحت و السمكرى رجعها زى الاول !!

**Ahmed Samy** · 01-06-2010 12:07 AM

معلش ........ماتزعلش

و بسيطة بجد و هاترجع زي الأول ولا انت هتعرف تميز أ ي حاجة ان شاء الله

**hfekry** · 01-06-2010 12:19 AM

قدر الله وما شاء الله فعل

وإن شاء الله ترجع زى الأول

**hobaz** · 01-06-2010 12:30 AM

قدر الله وماشاء فعل وربنا يعوضك كل خير ياباشا.........

**kareemafifi** · 01-06-2010 12:35 AM

الحمد لله علي كل شيء يا ابوحميد و قدر الله و ما شاء فعل، الحمد لله انها جت علي قد كده و مهما كان الثمن بسيطة ان شاء الله المهم انك بخير و يارب دايما و ما تزعلش ده قضاء ربنا و قدره و لا مناص من قدره، الحمد لله

**inspiron** · 01-06-2010 12:50 AM

يا جماعة مش عارف أشكركم إزاي..والله أنا بعتبر الأخوة الأعضاء هنا زي إخواني بالظبط والله..ربنا يديم المعروف.

الموضوع: أنا ماسك دموعي بالعافية !!!!

LinkBack

أدوات الموضوع

عرض

-

-

-

-

المواضيع المتشابهه

بجيب 160 بالعافية ..!!

وبعدين في اسلوب الدعاية السخيف بتاع حازم صلاح ؟ ؟ هي بالعافية ؟

اسبيرنزا 516 بتدرو بالعافية

ماسك للعربية

هو الثواب بالعافية مش معقولة كدة

الكلمات الدلالية لهذا الموضوع

المفضلات

المفضلات

ضوابط المشاركة