بفضل الله استلمت السيراتو بعد طول بحث وتردد
اخواني بفضل الله استلمت كيا سيراتو بعد طول معاناة وتردد وابحاث حتي استقريت عليها
اولا انا حبيت اتلاشي الجنط ال 17 علشان اريح دماغي من ناحية العفشة وهايأثر ولا لأ
ثانيا انا عاوز فرش مش جلد ومش العادي فية نوعية واتربرووف هي دي اللي عاوزها
ثالثا عاوزها هاي لاين
رابعا لاتنازل عن فرامل الديسكات ورا واثنين ايرباج وممكن واحدة لاأكثر
خامسا لون يكون مميز ومش منتشر ومش شاذ او غير مقبول
وبعد طول بحث لاقيت طلبي
اللون نحاسي
جنط 16
فرامل ديسكات امامي وخلفي و ABS
تكييف تاتش
حساسات وعداد رياضي ودواسات واكر نيكل وفرش Waterproof بانصح بية اي حد
الزجاج بتاعها ملون بسيييييييييط كأنة زيرو زيرو
فتحة سقف تارة مالتي جلد فوانيس شبورة وتحكم الي في النور
سي دي تشانجر 6 اسطوانة
طبعا التجميعة دي لايمكن تكون وكيل هيا خليجي وكمان اشتريت ضمان3 سنين مع تريبل اية.
انا باشكر كل واحد ساعدني بشكل مباشر او غير مباشر بانة قال انطباعة او حكي تجربتة سلبا او ايجابا مع العربية دي او غيرها
صدقوني كل رأي سلبي او ايجابي افادني بالرغم من اتساع الخلاف مابين مؤيد ومعارض
اخيرا شكري لادارة المنتدي اللي انا مشارك فية من فترة كبيرة ولكن مشاغل السفر والعمل هي التي تمنعني من اكون مشارك فعال والبركة فيكم