غباء واستهتار النتيجة كارثة محققة

غباء بعض الاهالي واستهتارهم +غباء واستهتار المسؤولين لازم النتيجة تكون كارثة لولا ستر ربنا سبحانه وتعالى
النهاردة ولد في 2 اعدادي اخد عربية باباه الفيرنا وخارج من الشارع زنق اخوه الاصغر بين عربيتهم وعربيه تانية عشان يفاديه اخد شماله
النتيجة انه دخل في ماسورة غاز طبيعي واتكسرت ... بسرعة الاهالي سدوها على جه عمال الغاز الطبيعي اللي كانوا بالصدفة في المنطقة وقفولوا المحبس الخاص بالماسورة دي
وبعد حوالي ساعتين ونص جه فريق غيرهم صلح الكسر
غباء الاهالي واستهتارهم لما يخلوا طفل زي ده يطلع بالعربية في شارع مزدحم بالعربيات المركونة وكان ممكن اوي يضر اخوه او اي طفل تاني لولا ستر .... هل من متعظ !!!
وغباء واستهتار مهندسين شركة الغاز لما يخلوا مواسير الغاز مكشوفة
صحيح ملاصقة للحائط تقريبا على بعد 10 سم بالكتير لكن مفيش اي عامل امان
ودي تاني مرة نفس الماسورة تتخبط لكن اول مرة بدون كسر
انا بترعب طول منا ماشية في المنطقة وبتخيل كوارث ممكن تحصل لو ماسورة اتكسرت وولعت !!!!
يارب استرها على الجميع وارحمنا من الاستهتار والفساد اللي مالي البلد

كل توصيلات الغاز فى مصر أمام العمارات مكشوفة ومعرضة للكسر
وآهى ماشية ببركة وستر ربنا

الحمد لله
ده ستر ربنا
حلها ان كل اللي في المنطقة ده يعملوا شكوة
وكل أب وأم ياخدوا بالهم من عيالهم بقي

والله دي بقت حالة عاااااااااااااااامة والواحد مش عارف اخرتها اية
ومافيش حاجة بتوعظ الناس ولا عبارة تغرق ولا عمارة تقع لوحدها ولا بنزينة تولع ولا كمية الحوادث غير الطبيعية والدمار الشامل اللي الواحد كل يوم بيشوفة علي الدائري وانا رايح او راجع من الشغل ربنا يلطف

حضرتك المسوره عندنا فى منزل الجرج هيا البتحدد المدخل !!!!!!! بينها و بين حوض زرع المفروض العربيه تدخل و المساحه تقريبا مساحه مرور سياره و حصل قبل كده اتكسرت كذه مره , كل ما اشوفها وانا داخل أقول فى سرى مين العبقرى الركبها فى المكان ده !!!!!!! غباااء رهيب

بس فعلااا موضوع قيادة الاطفال الصغار للسيارات بعلم اهاليهم بقى منتشر جدااا واصبح نوع من الفشخرة الاجتماعية

كنت سايق على الاوتوستراد وشفت عيل صغير مش طايل دواسة البنزين ولا شايف قدامة سايق العربية وابوة قاعد جنبة
وطبعاااااااا انتم عارفين الاوتوستراد . فبصراحة تخلف ونوع من المحدثين للنعمة

لاحول ولا قوة الا بالله

إهمال جسيم وعدم مسئوليه من شركه الغاز وكذلك لا مبالاة من الأهالى وعدم إدراك لعواقب الأمور

من جراء قيادة طفل سيارة بدون رخصه أو حتى بدون معرفه أصول القيادة .

لابد من مراجعه ومحاسبه كل مهمل ومقصر لتجنب وقوع الكارثه

الحمد لله على سترة ولطفه والذى لولاة لكانت كارثه بكل المقاييس

فيرنا ايه بس الي عيل في تانيه اعدادي سايقها ومزعلكم
انا مره قطع علا الطريق عيل ميكملش 10 سنين وسايق عربيه نفل جامبوا
كان بيحضن العربيه علي ما ابوه يخلص تنزيل البضاعه

اصل لا العيال ديه ولا اهاليهم تعبوا في العربية. والماسورة ديه مالها مال سايب.

حاجة بجد تخلى الواحد يحس بنوع من الزهق لما يسمع حاجة زى كده ناس غريبة والله ومتخلفة عقليا لما يخلى ابنه يسوق عربية

المشكله في عمال الغاز ازاي يعملوا مواسير قريبة كده واهمال الاب الي سايب مفاتيح العربية في متناول ايد عياله ربنا بجد رحيم اووووي الحمد لله

الحمد لله ان محصلش كارثة ولا حاجة
والعيب على العيال الكبار اللى بتخلى ولادها يسوقوا

يا جماعة انا قعدت اتحايل على ابويا انو يعلمني السواقة من وانا عندي 16 سنة و كان ردو الوحيد "لما تتم السن القانوني تتعلم السواقة و تطلع رخصة لكن طول مانت متمتش ال18 سنة ولا معاك رخصة اخرك تدور العربية و انا واقف جنبك" و قد كان و ده كان سبب لية اني اتابع اي حد بيسوق و اقرأ على العربيات و زود شغفي بالسواقة و حببني فيها اكثر لأنها حاجة نفسي فيها و عاوزها بشدة

و حتى الان لما باجي اخد عربية الوالد لاااااااااااااازم استأذن منو الاول و اخليه هو بنفسو اللي يديني الرخصة و المفتاح بالرغم من انهم قدامي و ممكن اسحبهم وانا نازل في اي وقت و مش هيبقى فيها مشكلة ...

اقتباس:

---

يا جماعة انا قعدت اتحايل على ابويا انو يعلمني السواقة من وانا عندي 16 سنة و كان ردو الوحيد "لما تتم السن القانوني تتعلم السواقة و تطلع رخصة لكن طول مانت متمتش ال18 سنة ولا معاك رخصة اخرك تدور العربية و انا واقف جنبك" و قد كان و ده كان سبب لية اني اتابع اي حد بيسوق و اقرأ على العربيات و زود شغفي بالسواقة و حببني فيها اكثر لأنها حاجة نفسي فيها و عاوزها بشدة

و حتى الان لما باجي اخد عربية الوالد لاااااااااااااازم استأذن منو الاول و اخليه هو بنفسو اللي يديني الرخصة و المفتاح بالرغم من انهم قدامي و ممكن اسحبهم وانا نازل في اي وقت و مش هيبقى فيها مشكلة ...

---

بجد والدك انسان محترم
وهو ده الصح
ربنا يكرمه
لو كل الأبهات كدة !!

الحمد لله ان ربنا ستر

انا اخدت مناعة خلاص من الحاجات دي ...

اقتباس:

---

المشاركة الأصلية كتبت بواسطة gebreel

يا جماعة انا قعدت اتحايل على ابويا انو يعلمني السواقة من وانا عندي 16 سنة و كان ردو الوحيد "لما تتم السن القانوني تتعلم السواقة و تطلع رخصة لكن طول مانت متمتش ال18 سنة ولا معاك رخصة اخرك تدور العربية و انا واقف جنبك" و قد كان و ده كان سبب لية اني اتابع اي حد بيسوق و اقرأ على العربيات و زود شغفي بالسواقة و حببني فيها اكثر لأنها حاجة نفسي فيها و عاوزها بشدة

و حتى الان لما باجي اخد عربية الوالد لاااااااااااااازم استأذن منو الاول و اخليه هو بنفسو اللي يديني الرخصة و المفتاح بالرغم من انهم قدامي و ممكن اسحبهم وانا نازل في اي وقت و مش هيبقى فيها مشكلة ...

---

والدي برضه -الله يديله الصحة- نفس النظام ,معلمنيش السواقة غير لما وصلت السن القانوني وزيادة كمان....ومجبتش عربية غير لما خلصت الجامعة واشتغلت....

رغم اني كنت ببقى متضايق وانا صغير لكن لما كبرت عرفت ان ده كان عين العقل

اقتباس:

---

المشاركة الأصلية كتبت بواسطة m.osman

انا اخدت مناعة خلاص من الحاجات دي ...

---

اوعدنا يارب
لحس الواحد كل يوم دمه بيتحرق مليون مره

اقتباس:

---

المشاركة الأصلية كتبت بواسطة eng.geo

بجد والدك انسان محترم
وهو ده الصح
ربنا يكرمه
لو كل الأبهات كدة !!

---

لسة قريب قايلو كدة و شكرتو على اللي هوة عملوا معايا و الله

ربنا يكرمو و يديلو الصحة و طولة العمر يا رب

اقتباس:

---

المشاركة الأصلية كتبت بواسطة gebreel

لسة قريب قايلو كدة و شكرتو على اللي هوة عملوا معايا و الله

ربنا يكرمو و يديلو الصحة و طولة العمر يا رب

---

آمين يا رب و لكل الناس المحترمين اللي بقوا 0.99% بس من الشعب
دلوقتي تلاقي الأب مبسوط اوي بابنه انه بيسوق وهو في إعدادي ولما يعمل مصيبة يقولك انا اللي كنت سايق.... مش ابني
:H_angry[1]:

لمجرد العلم بالشئ. لا تتم تغطية مواسير الغاز الطبيعي و تترك مكشوفة في أي دولة و ليس في مصر فقط

بس اكيد في عوامل امان للمواسير بطريقة ما في الدول المتقدمة

اقتباس:

---

المشاركة الأصلية كتبت بواسطة نور القمر

بس اكيد في عوامل امان للمواسير بطريقة ما في الدول المتقدمة

---

أهم عوامل الأمان هي الناس نفسها اللي عارفين ده ايه و خطورته ايه, و كمان مش بيسيبوا اطفالهم تسوق العربيات...