عرض للطباعة
تم تخفيض سعر البيع الي 275 لسرعه البيع
منتظر سعر كويس
ومتابع
طب متقترح ياباشا
ايه هوا السعر الكويس ده
الساعه ب550 جنيه جديده
ومببيعهاش الا عشان محتاج فلوس مش اكتر
خدها وارجع للراجل اللقتها عنده بالثمن ده وقله اشتري دي
شوف هيقلك كام بالنسبة لسعرك
وانت ودماغك بقي حط السعر التشوفه معقول
وانا ايه اللي يخليني اعمل كده
الساعه معروضه اصلا بنص تمنها الاصلي
تفتكر حروح فين تاني
ثانيا انا مش عارضها لواحد تاجر يبيعها
انا عارضها لواحد يلبسها للاستخدام الشخصي
انما حروح لمحل حيقولي 100 جنيه
حرام يعني
متزعلش مني ياباشا
حقك عليا
بس ثمنها كتير عليا منتظر السعر النهائي
يا جماعة متبخسوش بتمن الساعة الأرض
ده ميرضيش ربنا ومينفعش نستغل الناس علشان بتبيع
الساعة الراجل عرضها ب 275 وهو بيقول تمنها جديده 550 وقال على المكان
وطبعا هو لو عايز يبعها فى محل كان راح من الأول وعوضه على الله
بس هو عايز يبعها لفرد علشان ميبقاش بيبيع بخسارة جامده
فلازم نراعى شوية الساعة ممتازة وفعلا تستاهل وتمنها معقول
منبقاش مفتريين بالشكل ده
كل واحد يتقى الله شويه
البائع والشارى على السواء
معلش دى كلمة حق
ومننساش كيفما تدين تدان وانت لو النهارده شارى فبكره بائع ولو ترضى بالكلام ده انتظره بكره
سامحونى كلمة حق بقولها من اللى بشوفه فى قسم البيع والشراء
وربنا الهادى
حصل خير يارجاله
مفيش حاجه كلنا هنا اخوات
peposupervisor
قول السعر اللي انتا تقدر عليه يمكن الساعه متجبليش اكتر منه وفي الاخر اقولك تعالي اشتري
وايا كان السعر اللي انتا حتقوله لو قليل ليا ومش حيرضيني حقولك زي مانتا قلت بردو
السعر قليل عالساعه
واستني حد يقدرها باكتر
انتا لحد دلوقتي مقولتش السعر اللي انتا تقدر عليه